סניור מיכאל יוסף אריה בברקוביצ'ה

591                           Biografia de S-r. Mihael Josef Arie en Berkovisa.                         1876

En el anio de 5636, ke la Bu. Ruzu non estuvo mas lo izieron sus parientes, su propia madre ke kudijaron por el tchiko S-r. Mihael ke kedo solo, i se lo tomo kon si en la kaza de su Papu el S-r. Baruh Pardo, i lo detuvo i elevandolo seja en la echkola komo tambien i enbezandolo los guijos de kaza, i koando ja tuvo una edad mas grande lo empeigaron en una butika de un merkader, kon una mui tchika paga, porke si enbezara algo de la merkansija, i esto li turo poko tiempo, i mas tadre sigun el uzo de akel tiempo lo kazaron, i kon el poko kontado ke tomo lo izieron ahtchi, para los Djidios, ke esto non li konvino i non tuvo dingun profito, i mas tadre el si izo kahvedji, ke i de esto tambien non si pudo aprovetchar, ke era apenas, ke podija ketarse el mantinimiento, ke en este tiempo ja tuvo i unas koantas krijaturas ma non foe posible de saver los Ijos or IJAS ke el tuvo para eskrivirlas, aki en esta biografija ni mizmo lo supi kon ken si kazo, ke unas koantas vezes ke si li eskrivio non uvo ken ke respondiera,

I en el tiempo de la Guera Turka-Rusa, la kaza ke tenijan en Samokov, ke kedo vazija, foe ke los Rusos la derokaron para kemar la lenija, i el kampo komo era S-r. Nisim Aladjem vizino si lo entro en su kaza, sin ke dinguno lo defendiera, i komo pasaron unos koantos anios, si lo izo goerta, i ainda mas pasando, en el anio de 5646, el ditcho S-r. Mihael, se vino a Samokov, a buchkar la kaza i viendola derokada i ke si lo entro el tereno S-r. Nisim a

592                              Biografia de S-r. Mihael Josef Arie en Berkovisa.                          1876

su kortijo, lo kijo venderlo ke por esto podija tomar algo de moneda, ma sus parientes los mas serkanos ke eran en este tiempo S-res Behoratcha i Nesimatcha i Rafael, Ijos de H. Elijatchuno, lo defendieron porke non lo podija venderlo ke non apartenija a el razon ke esta kaza sigun ke ja lo meldaron ke era la Bu. Revka ke si la tenija merkado de la moneda de H. Elijatchuno i de H. Rabenutcho, i es ansi ke era ke lis tokava a ejos i non a H. Merkadutcho, i siendo ke los ditchos IJOS DE H. Elijatchuno tambien non la podijan vender ke lis tokava i a los IJOS de H. Rabenutcho tambien i de ejos en este tiempo ke non avija dinguno en Samokov foe ke resto torna en el poder de S-r. Nisim Aladjem fin al dija de oi,

i koando si iva a ir el S-r. Mihael li dio S-r. Nesimatche 100 groches, en moneda i li merko un potur kon un tchepken de aba, i se foe torna a Kutlobisa ke es (Ferdinand)^[1] i mas ke non pudi saver nada de ejos es ke non pudi eskrivir adelantre.

593

Aki si eskapan todas las partidas de el djerenansio de H. merkadutcho Josef Arie en kedando, solo un Tchiko S-r. Mihael, i ke bive en Berkovisa i Kutlovisa, i ansi es ke los S-res Aries ke si topan en las ditchas Sivdades son los vinientes, de el Djerenansio de H. Merkadutcho, i de el linaje de Hr. Josef,