לידתו של סניור אברהם מ. אריה וקורותיו בווינה

8                                                                      BEOGRAFIA.

POR LA FAMILIA, ARIE – LOS MORANTES IBIVIENTES EN SAMOKOV, DEL ANIO DE 5553 FIN 5660.

La BEOGRAFIA ARIE, es rekojida, de, entre todos los miembros de la FAMILIA ARIE, de SAMOKOV, de kada ouno i ouno, koalo foesa ke savia, or ke lo tirnia sintido or resivido de sous Djinitores.

I foe komposada i eskrita solamente de mi propia mano Tchelebi-Moche Abraam Arie II, i enpesada a eskrivirla en Samokov, i eskapada en Sofia, en el anio de 5674.

SAMOKOV-SOFIA,…………………………………………………..19….

 9  1768

Al presipio vo a kontar algo de la BIOGRAFIA, del S-eur ABRAM M. ARIE, ke vino primer a SAMOKOV, en sou ser en Vienna i en Vidin.

Foe en el anio de 5528, ke nasio el Signior ABRAM MOCHE ARIE, en la Sivdat^[15] de VIENNA, Kapitala de Aoustria-Almania i el agora Aoustria-Ungaria, en el tiempo del Emperador JOSEPH II, el koal era ijo de la Reina, Maria Teresia, i sou Enperarrssa [Enperatrisa] la sigounda Josefina de Baviera, ija del Emperador Charl VII, a la ke non la amava el Emperador Josef el II.

            I el negosio ke ievavan sous djenitores, foe de mountchos anios antes, siempre en la merkansia de malifaktoura, kon vender las mas finas i valotosas ropas, i ansi foe ke siempre foeron aoumentando i adelantando en la merkansia, asta ke alkansaron a empantronar fourtounas konsiderables, sea en fourtounas de moneda komo tambien i Propietas [proprietas], i fama, i mountcha onor, i renome grande, i ijos boenos asta mountcho.

            I ansi foe, ke bivian moui kontentes, i siempre goustosos i artos de lo todo, i tambien todos ejos eran estoudiados en todas las sensias, asta alkavo, sea sovre moestra lei la Santa, komo tambien, i en todas las otras linguas ajenas.

5529

Sigoun ouna tchika Beografia, ke touvieron los Signiores Aries ke biven agora en la sivdad de Tourno-Sevirin, Roumania, ke foe eskrita en el anio de 5600, mos konta la manera, ke vinieron a establelisersin a la sivdad de Vidin .

Ki es el Signior Moche Abram Arie, padre del Signior ABRAM MOCHE ARIE ke vino primer a Samokov tinia (3) tres ijos, el

10   1769

primer si jamava Chemoel, i el sigundo, Iskak, i el treser, Abraam, ki esti ultimo es el ke vino primer a Samokov, i los kiria i los amava, mas de mountcho, porke eran todos de todo lo boeno, i mountcho ermosos, sovre todo el ouno di ejos, tinia ouna ermosoura extraordinaria, en todos los pountos.

5530

I ansi foe ke, en oun dia, ke la Emperatrisa Josefina, ke si kamenava por las plasas de Vienna, lo enkontro al ditcho ermoso ki si estava endo a la echkola, por kontonouar sous estoudios, eja la Emperatrisa ke lo vido, si kedo a merarlo, i enkantada, de ver la souja ermosoura al pounto dio el komando a sous goadradores, porke lo rekojgan i lo tomen a esti ermoso ijo, i kon mountcho grande reposo, i sin decharlo por nada espantar, ke lo jevan al Palasio, ke eja bive, ke sigun el komando de la Emperatrisa, lo jevaron al palasio porkee eja la Emperatrisa dicho, ansi ermosos ijos, es solo en el Palasio del Reii ke lo meresen, i el ditcho ijo en sou ser en el Palasio, lo sirvian i lo idokavan, sigoun de lo ke meresen, los ijos de los Reis, i en el mismo dia, ja lo soupieron sous kiridos djenitores, de todo esto ke paso, kon sous kirido i amado ijo.-ko[ke] ja si keri entendido, en ke apreto, si toparon sous parientes, i sin tener dingun remedio, para poderlo resgatar, ma de la ouna parte ja davan las loores al alto Dio ke ja estava bivo i sano, i mountcho bien merado, i kon la esperansa ke oun dia vendra, ande de moevo, torna lo van a poder abrasar, era ke ivan tiniendo la Pasensia.

5531

I la Emperatrisa, por la grande amor i kerensia ke li tenia, era ke lo vijitava 2 veses en kada dia, i siempre akavidava, a los governadores, ke koudiavan al ditcho ijo, por ke agan mountcha atansion

11   1771

 i non arivar, a decharlo por nada soufrir, i ke toda la souja demanda, de li ser atchitada i kontentado en lo todo, i eja misma si li aserkava, i li avlava, i djougava, kon el, i lo kontentava todo esto ke li demandava.

5532

             Denpoes ke ja paso algo de tienpo^[16], i el ditcho ijo, viendose ke ja estava bien visto sea de sous giadores, komo tambien i de la Emperatrisa, foe ke oun dia, si konrogo ande la Emperatrisa, sigoun ditcho ke lo vijitava kada dia, en demandandole, porke lo alesensiara, a decharlo ir serka de sous parientes, ke estava mountcho eskarinioso, por rason ke si sonio, la notche, ke el padre i madre i sous ermanos kon todas sous familias, estavan jorando, por el, i la Emperatrisa, ke lo amava tanto, sin por nada refousarle, lo alesensio, i dio Komando, a el grande goadrador del ditcho ijo, porke, lo aserkan al ijo, ande sous djinitores, i ke lo traigan en la tadre del mismo dia a el Palasio i foe ke en el mismo dia foe jevado al ijo serka de sous parientes, de la forma de si jevan a los ijos de los Reis i ja keri entindido, komo de enkontros, i topadouras foeron, i denpoes de kontentarsen djountos, algo de tiempo, i siendo la tadre, si bolto atras al Palasio, kontente i sin tener por nada de koala akecharsen, de todas las dos partes.

5533

I la Emperatrisa, iva andando i konsolandose kon el moevo ijo rekojido en ouna de las plasas de Vienna, el Emperador, fin a este tiempo non savia nada de todo esto ke paso en el Palasio de la Emperatrisa, i denpoes ke ja se enformo, de todo sigun paso i ke ijo esta en el Palasio de la Emperatrisa, i el Emperador mountcho ensanado de

12  1773

ver ke non si lo isieron saver i a el de el prisipio, dio komando porke si rekojera, oun konsilio, de los Prinses i de los Ministros para djouzgar a la Emperatrisa sovre esto ke non iso saver a el Emperador, de la etcha ke iso de rekojer de la plasa kriatouras i ievarlos a el palasio, (es a saver tambien ke, la Emperatrisa tambien ja tieni el poder de reentchirle spus [sus] komandos ma kali tambien ke lo sepa i el Emperador, i koando el Emperador lo topa por deretcho de trokar el komando de la Emperatrisa, es ke solo el Emperador non lo poedi trokar, otro ke es la Asamble djeneral, djountos kon el Emperador ke si poedi trokar,)

5534

            En pasando algo de tienpo ke, ja si rekojo el konsilio propio en el palasio del Emperador, i ke touro esti konsilio largo tiempo, i denpoes de platikar mountcho bien la kistion, ke non kijeron kondinar a la Emperatrisa, lo toparon por mas djousto, de egzilar a toda la familia ARIE, ke bivia en Vienna, i meterla de la otra parte del konfin, ke kon esto va ser egzilado tambien i el ijo ke estava en el palasio de la Emperatrisa, i de esto todo ki esta pasando en el palasio, dinguno de la familia ARIE non lo savian, (la forma de egzilar en akel tiempo era, ke al presipio sin ke konsintieran, tomavan nota de todos los miembros, ke si van a egzilar, i tambien ande mora i ande se topa i todo bien ki empatrona, i lo todo en grande sikreto, i denpoes ke ja tomaron nota del todo bien i de las personas, los rekojen a todos kon la nota, a kada ouno ande lo toparon sigun ke estava, sin koudiarles por komania or vistidos, ansi lo azian sea kon los ombres, moujeres, kriatouras,

13   1774

i los souvian en karousas i los jevavan de la otra parte del konfin) era solo si al afito akontesia ke se le toparia algouna moneda era kon esto solo ke iva a poder bivir, i ansi foe ke en oun dia, los rekojeron a toda la familia ARIE i los souvieron en karousas ke transportan el sierkol, i se los jevaron a todos de la otra parte del konfin-, i denpoes el governo rekojo todo el bien ki enpatronavan ke non era poko, lo todo para el tresoro del governo, foe de esta manera ke vinieron a vinir a Vidin, a se keri entendido en koal grado si topavan koando vinieron a Vidin.

Pensandome poedi ser ke algouno de los kiridos meldadores de esta BIOGRAFIA ARIE, podra pensar ke non seria verdad esti pasaje, es ke lis eskrivo en este mismo pasaje, aoun kon todo ke non es aki sou lougar, oun segoundo ansi igual pasaje a este ke paso en moestra Familia ARIE, en Konstantinople en el anio 5639.

Foe en el anio de 5638-9, ke si topavan, todas las Familias, los vinientes del Linaje, de Tchelebi-Moche A. Arie I, en Konstantinople, a rason ke en este tiempo, foe la ghera Turka-Russa- ke se aparto la Bulgaria, i se iso oun Prensipato aparte soto la sirviensa del Turko, i estas ditchas Familias, estouvieron en kostan. fin ke si eskapo la ghera, i koando ja si touvo afirmado el kontratado de la pas, si enpesaron a ir los kapos, padres de kada Familia, a Samokov por ver si era ke si va a poder, tornarsen djountos sous Familias, a Samokov, por la rason ke los gastes foeron mountcho grandes, i en este tiempo, ke jo Tchelebi-Moche A. Arie II. (el komposetor de esta BIOGRAFIA) ke

14    1774

 ke resti tambien en kostan, djounto toda moestra Familia, porke mi S-eur Padre tambien touvo partido por Samokov, i Azaria, el ijo siguondo del S-eur Ishak G. Arie, ke resto en kostan, solo a rason ke toda la Familia souja ja si avian ido a Samokov, es ke estouvo en moestra kasa a los koudios de mi moujer Bijou, ke es ermana del ditcho Azaria, el koal nasio en el anio de 5624, i la kasa ke moravamos mosotros era en el kazal ORTA KIOVI, en el kiavghir^[17] de PORTOKAL OGLO, ke la Skola ke frinkontava, era en Pera (Beg-oglou,) i siendo ke era lougar lechos, kada dia iva kon el Tramvai.

Foe en oun dia ke akaesio a toparse, el grande Hadoum-Agasi^[18] de la Valide Sultan,^[19] del Sultan Abdul-Azis, en el mismo Tramvai, ke el koal tieni el grado de Pacha, i son ansi Hadoumes ke goadran el Harem-ihomaioun, (estos hadumes son los mas mountchos ARABOS ke a estos arabos los merkan kon moneda, i para aserlos hadumes, keri disir ke lis depiedrin la ombredad, les entonses ke poeden estar en los haremis /moujeres Tourkas/ ke para ketarles la ombredad de estos Hadoumes, es ke los asentan ensima de la arena algo kaente desnoudos i detienen ansi komo oun mes de tiempo, los maestros de esti oufisio ke ja saven el grado menesteroso, los kitan, ma los mas mountchos de estos moeren de non poder somportar la kaentoura de la arena, i ansi Hadumes, tienen todos los grandes Pachas, aoun kon todo ke es moui defindido el tener ansi Hadoumes, ma en la Turkia kave todo). konto al nombre VALIDE – SULTAN, keri disir la madre del SULTAN, i es esta Valide Sultan, ke es konsiderada

15    1774

 komo REINA, sigun todos los otros REIS, ke es a la moujer de el REI, se jama, la REINA, aki en los Turkos es ke si jama a la VALIDE – SULTAN, ke es madre del REI, ke se- jama la REINA?^[20] i es ke los REIS, Turkos tienin mountchos moujeris, i kada moujer ke ja pario, ja si jama VALIDE – SULTAN, i el REI, mas non va a eja, i resta por koando va ser ke va a enreinar el ijo ke pario, es ke va a ser REINA, i son estos Hadoumes ditchos ariva para guadrar a estas moujeres,

i sigun ditcho ke estava asovido tambien el ditcho HADUM-AGASI, en el mismo Tramvai ke si asouvio, AZARIA, ke al pounto ke lo vido si li aseko [aserko] anlado^[21] de AZARIA, i li dicho, kon mountcho reposo, en asiendoli aua [a una] temena^[22] en sinial de saloudarlo, OGLUM,(ijo) ?de ande sos tou, i ken, sos tu, i ande ti estas endo?: i AZARIA, komo kriatura i algo ki, era tambien travado, i por non avlar mountcho a ansi personajes grandes, lo topo por mijor de disirle solo, ke es a la Skola ke si estava indo, i el HADUM – AGASI, li respondio ke ja es moui boeno esto ki estas aziendo, en tanto, tou, ke sos tanto boeno, i moui ermoso ijo, venti kon mi i jo ti jevare al Palasio del Sultan, ande gosaras, tou i toda tou parientes todos los dias de tou vida, i AZARIA, sintiendo ansi avlar al HADUM-AGASI, si estremesio^[23] i si espanto moui mountcho, asta el grado ke si li troko el aire de la kolorades de so kara, en amaria (pall) i presto bouchko de apartarse del Hadum-Agasi kon ke topo el molde de abacharse del Tramvai, i se abacho en Top-Hane, i espero al Tramvai ke si va a Orta-kiovi, i, se vino a kasa, i sou ermana, Bijou ke lo vido boltar atras kon despasensia korio al su

16   1774

enkontro i kon mountcho reposo li demando la rason, ke si bolto atras, porke ja lo vido denodado, i denpoes ke li konto todo esto ke li paso en el Tramvai, es ke en akel dia non lo decho ir a la Skola i lo detouvo en kasa, por ke reposara, i a rason de esto mas non fe [foe] a la Skola de Pera, otro ke si iva a la Skola de Orta-Kiovi, i siempre koando si li avlava de este paso, si demoudava sou kara, i ansi era ke non li avlavamos nunka de esto.

Es jo TCHELEBI MOCHE A. ARIE II. el kompositor i eskrividor de esta BIOGRAFIA – ARIE, ke lo esto eskriviendo i ke akontesio en estando en mi kasa en mi estar en Konstan, ke tinia kon mi, a los mios koudios.

 Sivdat / sivdad / sevdad