מושונצ'ה, שמואלצ'ה י. אריה ובנו סניור בכורצ'ה שותפים.

1406

           De aki i endelantre si enpesa la partida de los 2 ermanos S-res Mochonatche, i Chemoelatche, ke si adjunto tambien i S-r. Behoratche, Ijo de el S-r. Mochonatche,

1407         Biografia de S-res Mochonatche, i Chemoelatche, J. Arié i Behoratche.       1877

               En este anio de 5637, ke ja si espartio tambien i el S-r. Naimatche, i ke restaron solos los 2 ermanos, s-res Mochonatche i Chemoelatche, i el Ijo grande de S-r. Mochonatche ke es S-r. Behoratche-Eliezer, entro tambien i el en esta Hevra, kon ke su Padre, li nombro una sierta suma por kapetal, i en mizmo tiempo si nombraron kada uno su kapetal i las pursiones ke las ivan a tener kada uno sea por las ganansias komo tambien i por las piedritas, i se tomaron lo todo en nota en livros moevos, de sus dar i averes, i se afirmaron kontratos, de todos ejos, si entiende solo de esto ke lo tenijan en moneda sonante, ke kon los mulkes i kazas i mobilijas, i otras kozas ke ja lo tenijan lo todo aparte kada uno por si, i non lo metieron de estas kozas nada en la hevra, ma el S-r, Chemoelatche non foe kontente aun kon todo ke ja los afirmo los kontratos, por la razon ke sigun ja lo van a meldar en su partida, de adelantre,
Ejos ke ja las tenija merkado de antes una grande partida de prumas, kotches [kotchas] pretas de Kiostendil, kon unos presios, mui karos, ke el persio de estas prumas era, de 60 paras a 2 gr, la oka, i ejos las foeron merkando, de 3 fin a 4 gr, la oka, a razon ke en Buda-Pechta, ke es el panair de este artikolo, i ke en este anio foeron muntcho demandadas, i ansi era ke ja tenijan el konto de merkar en estos presios, ma fin ke ejos ja enpesaron a mandarlas ja foe ke troko mui muntcho el presio en pechta, i a esta razon foe ke non tenijan el konto de mandar a Pechta i las foeron mandando a Triesta,

1408         Biografia de S-res Mochonatche, i Chemoelatche, J. Arié i Behoratche.       1877

por veles (kioprili)^[30], ke avija chemen defer, a Salunique, por mar ke si foeran a Triesta, ke tenijan mas mijor konviniensa de pechta, ma siendo ke ja era el tiempo de la Gera Turka-Russa, foe ke seja los kaminos komo tambien i los kiradjis ja foeron negros, ke ivan rovando i soidejando a los pasajeros, i el personal el ke si okupava de esto, era S-r. Haim Aladjem ke el koal ja era sus empeigado i de 30 anios antes, i el transportamiento de estas prumas a veles era todo kon kavajos, i los kiradjis ke profetaron de la okazion, lo azijan ke si ketavan de kada sako a 7 i 8 okas de prunas i metijan en su lugar piedras, i avija ke i muntchos de los kiradjis non las entregavan de el entodo la ropa a el komisioner, en Veles, i ansi foe ke tuvieron una mankura de 25 a 30,000 okas, i de esto de las piedras lo supieron, koando ja enpesaron a azer las venditas en Trieste, i lis eskrivijan ke non era solo prunas ke kontenija en los sakos otro ke avija i piedras, i sovre ejo todas las mizuras ke las tomaron, foeron nula, por razon ke la gera ja estava mui foerte i non avija mas polisijas para poder reklamar, ke konstataron ke tuvo mano i sus personal el S-r. Aladjem en este rovo, i el koal tambien non los sentija en todo loke li demandavan, i les vinija i kontra, i su Ijo el S-r. Behoratche en este tiempo ke el estava en Ledje, ke si avija foido por razon de la gera, foe i el tambien a Trieste por ver, si seria verdad esto de las piedras, i ke ja foe mui verdad, i estas prunas la mas grande partida restaron por vendersen por el otro anio, i esta razon tuvieron i algo de piedritas,

1409         Biografia de S-res Mochonatche, i Chemoelatche, J. Arié i Behoratche.       1877

                Ejos ke tenijan partidas grande de trigos i sevadas, i otros ansi artikolos, de los hachares ke merkavan, lo todo estava depozitado, en los hambares porke non avija ken los merkara, i tambien el governo turko tomo notas de todos estos ke tenijan de la manera foesa de komanija, i non dechava vender a dinguno rezervandos, por su menester, ansi era de mizmo i magasenes jenos de fieros, seja en Pazardjik komo tambien i en Samokov, i en los maadenis, ke es en las sujas fabrikas, non uvo merkadores mas, i kon las sumas grandes, ke tenijan de aver de moneda, de los fieros ke los vendijan a fijado, i esto era lo todo en kontos korientes, seja en Pazardjik, komo tambien Filibe, Haskovo, Kizanlik, Zagora, Stanimaka, Karlovo, i mas ansi en muntchas i otras sevdades, foe ke mas non pagaron, ejos tuvieron a 2 satidjis, porke foeran kamenando de sivdad en sivdad, i era ke boltavan vazios, ke non lis davan menos no repoesta, ansi de mizmo era i en Samokov, i siendo ke el espanto era mui grande, ke ensima de los tcherkezes ke ja estavan foe ke vinieron i una partida de los Zebekis turkos de la azia, komo veluntarios, i estos ke si adjuntavan kon otros i ivan entrando, en las butikas i kazas de los djidios i de los krestijanos, i estos ke ja estavan armados era ke ivan rovando todos loke topavan, i koando lis venija alguno kontra lo harvavan, visto a esto foe ke ejos si detchizaron, de salirsen de Samokov, i lis kalija ke tuvieran tambien i el pasaporto, de arientro, de la torkija ke altramente non si podija vijajar, i esto non lo

1410         Biografia de S-res Mochonatche, i Chemoelatche, J. Arié i Behoratche.       1877

davan por razon ke estavan traendo, un grande deskorajamiento, a los otros sevdadinos ke non si podijan salir, sovre todo las mujeres i krejaturas ivan jorando, foe ke lo defendieron ke non si den a dinguno ansi teskeres para ke dinguno non poeda salir, de su sevdad, i S-r. Mochonatche visto a esto, li telegrafejo a el mutesarif Mahzar Pacha ke el koal ja li era mui amigo porke li iziera el plazer de dar el orden a el keimakam Izet, Bei ke era el Kaimakam de Samokov, porke li den la teskere menesteroza, ke el mutesarif ja la izo sin tadrar, en komandandole porke li de la teskera a Mochonatche, Efendi i su Familija, i esto a las sikretas, para ke non uviere [uvieron] kechas de los sevdadinos, i ejos ke ja tomaron las teskeres menesterozas, si rekojeron fin a un grado akejo ke si lis podija azer menester, seja en mobilija komo tambien i en vistidos i komanijas i lo todo bien enpakado, lo mandaron kon sus karos de bakas ke las tenijan en kaza, a la stasion de Sara bei, i denpoes partieron i ejos, djuntos kon sus mujeres i krejaturas, i la familija de S-r. Chemoelatche, ke el kedo en Samokov, solo por goadrar sus bienes, i a ejos si lis adjunto tambien i M. Gavriel i su ermana Oro, Ijos de S-r. Nesimatche E, Arie ke los pario la Bu. Jael ija de Tch. Jeuda, i todos djuntos ke partieron por Saran Bei ke era la mas serka Stasion por Samokov kon sus paitones i akompanijados de 5 i 6 turkos bien armados, ke ja eran sus empeigados, i arivaron a Saran bei mui boenos, i en este lugar lis kalija ke durmieran la notche, por razon ke era solo en los dijas ke serkolijava el chemen de fer, i a la manijana ke ejos,

1411         Biografia de S-res Mochonatche, i Chemoelatche, J. Arié i Behoratche.       1877

si aderesaron por tomar los bilietos, por partir a Kostan, foe ke en akeja mizma notche, uvieron foertes ordenes de la sentrala de Kostan por ke non resiban mas pasajeros, otro ke kon tren spesial ke si mandaran, los salones Vagones de el Sultan ke estavan en Sarabei i ansi foe ke tren por pasajeros non partio, de Saran Bei i S-r. Moche J. Arié kon su familia ke i el estava, por partir a Kostan, foe ke non podieron partir, i la razon de esto foe ke una partida de la armada Russa, se demostro, por la parte de la trakija, ke buchko de okupar los chemendeferes, i ke podijan estar todos los pasajeros, en perikolo, es ke detuvieron para ke non serkolijara trenos, i el S-r mochonatche demando de el chef, de la stasion por ke li dieran un tren spesial, para ejos i a sus riziko, ke la taksa era de 150 liras ma i esto non pudo ser, i anke ke li telegrafejaron i a S-r. Naimatche ke ja estava en kostan, por ke topara el molde de la manera foesa, i este ultimo ke ja izo todos los pasos ma tambien foeron sin dingun provetcho, i ansi foe ke lis telegrafejo S-r. Naimatche por ke si boltaran por la ora atras, i ansi foe ke si boltaron a Samokov

I denpoes ke ja vinieron a Samokov, i siendo ke el esapanto era mui grande, si detchizaron de mandar al menos a sus ijos de Samokov, i foe ke partieron los mansevos, S. Behoratche kon su mujer M. Viniziu, i S. Nesimatche, Ijos de S, Mochonatche, i S. Haimatche, kon su mujer, M. Reginutcha, i S. Leon, Ijos de el S. Davitchonatche, i kon ejos si adjunto tambien, i S. Mochonatche, kon su mujer M. Tamarutcha, i sus krejaturas, ijo de el S. Jshak G. Arie

1412         Biografia de S-res Mochonatche, i Chemoelatche, J. Arié i Behoratche.       1877

i partieron todos djuntos, vija Eskopia, por salonique, para irsen a la Italija, ke si foeron a Ledje, ejos todos partieron kon 4 sus paitones, i akompanijados de 3 turkos mansevos, bien armados, i kavajados en boenos kavajos, ke los koalos tambien ja eran sus personales, i en el tiempo de 2 dijas ejos ja arivaron en Eskopija, i de esta arivadura en Eskopia se izo grande roido, por ke foeron kon gran saltanat, i en Eskopia lis kalio ke restaran 2 dijas, a razon ke el chemendefer serkolijava en kada treser dija por Salonique, i el mutesarif Pacha ke lo supo de esto, por el presipio non si entereso, ma koando ja si foeron a la stasion por partir a Salonique, i ke pasaron por la plasa de mizmo sigun de loke avijan vinido, si foe tambien i el ditcho Pacha de la sivdad ala stasion, i se asento en una sija i biviendo su kahve, por enbezarse aver ke djente eran estos, lo azija ke por vija de sus empeigados, apoko apoko lis asija demandar de ande era loke vinijan, i ande era ke se ivan a ir, i por koalo era ke si estavan endo, i se era ke los tenijan en regla sus pasaportos, i de koala nasion eran, de lo todo era ke se iva enformando i tomando lo en nota, i sin ke si konsintieran ke era el Pacha, ke lis demandava, i ejos ja era ke si komportavan en mui regla por responder a lo todo, i alos kavos koando ja lo supieron ke era el Mutesarif ke lis demandava, i siendo ke el non si los aserko foe i ejos tambien ke non si azijan de el savedor, solo ke la ora ke partieron li izieron los adios, pertenesiente, sin akararsen,

               Ejos ke ja arivaron a Salonique, todos ejos si abacharon

1413         Biografia de S-res Mochonatche, i Chemoelatche, J. Arié i Behoratche.       1877

en las kazas de los 2 ermanos S-res Jshak i Mordehai Tijano, ke los koalos ja eran sus komisioneres, i denpoes ke ja estuvieron en Salonique 3 dijas esperando a el Vapor, para la Italija, partieron por Ledje, i por lo todo foe ke los S-res Tijano si los areglavan, i ejos ke ja arivaron tambien i en Ledje, a los presipios estuvieron todos en una kaza i esto a razon de la lingua, i mas tadre ejos si apartaron, i la djente de Ledje, dezijan ke estos S-res ke vinieron de la Bulgarija kon sus vapores ke los detienen a el bordo de la mar a sus despozision,
Sigon eskrito mas antes, por S. Mochonatche, kon su families ke si boltaron a Samokov de Saran Bei, por la razon ke non serkolio el Chemendefer, foe ke pasando komo una semana, por el Ruso ke buchkava a enpatronarse de los Chemendeferes Turkos, i ke las armadas turkas, los prisigeron i se boltaron atras, i denpoes de esto ja enpeso a serkolijar los trenos, i sin tadrar todos ejos, ke si avijan ido de antes, lo izieron ke si foeron de moevo, i lo todo sigun de antes, i sin dingun enpidimientos ejos partieron a Kostan ke si lis adjunto tambien i S. Davitchonatche, kon toda su Familija, i ejos a el sigundo dija ke ja arivaron en Kostan sanos i boenos, si abacho el S. Mochonatche, kon toda su familija en la kaza de S. Naimatche, sigun ke ja lo eskrivi en la partida de S. Naimatche, i el S. Davitchonatche si abacho en el Hotel ke por esto ke non lo konbedo tambien i a el S. Naimatche, uvieron algunos enojamientos, i mas tadre el si adjunto kon S. Behoratche, i bivieron en una kaza,

1414         Biografia de S-res Mochonatche, i Chemoelatche, J. Arié i Behoratche.       1877

               El S. Chemoelatche ke resto en Samokov, foe el ke kudio por todos sus bienes, seja mulkes, komo tambien i kazas i mobilias, i mas en todo esto ke lo enpatronavan, i el era akompanijado de sus Keahja, S. Behoratche Echkenazi, ke el koal era el admenestrotor de todo lo de el dichari avli, i en el era ke estavan todos los depozitos, komo hambares de trigos magazenes de los fieros, depozitos por todos los menesteres, de los maadenis i vignas, i todos los menesteres de las komanias, por los lavoradores, i los ahires de los kavajos, i vakas i mandas i paitones, i los mosos ke durmijan en la kaza, i mas todo los otros menesteres ke eran por sus etchos, era lo todo por su vija ke si azijan los respondemientos, kon ke i el tenia i sus ajudadores, i el era ke los resivija todos estos artikolos i el era ke los entregava, porke el konto entero de todo esto era solo en el, i aparte tenija ke abastesija las merkidas por el menester, de la kozina de arientro, por sus mantinimiento, de la kaza ke esto tambien non era poko, i el S. Chemoelatche a los presipios, ja era ke dormija en su kaza kon sus mosos i mosas ke tenija, ma mas tadre ke ja enpesaran a entrar de la una partida de la kaza, algunos Turkos por rovar loke podijan, foe ke si foe a la kaza de su ermana la Bu. Jael ke es S. Nesimatche Elijau Arié i dormija en su kaza, i en los dijas si estava en la oda ke era sus kanselaria, i vijitava tambien i ande el kaimakam, por poder enbezarse algunas moevas por la gera, i en este tiempo era ke dingun etcho non si podija merar, seja en la polisija komo tambien i en la plasa, i ansi de mizmo era ke non si

1415         Biografia de S-res Mochonatche, i Chemoelatche, J. Arié i Behoratche.       1877

podija salir i afoera de la sivdad, por poder kudijar tambien i las Fabrikas, i los nastoinikis ke eran en las fabrikas se ivan i ejos, viniendosen a la sivdad, por ke se estavan ejos tambien espantandosen de estar en las fabrikas, ke avijan muntchas komitas de bulgares, i ivan kemando los kiopris de los kaminos, i rompiendo los filos de los telegrafos, i en algunos lugares ivan etchando foegos i derokando, i S. Chemoelatche anke visto a todo esto el ja foe mui kurajozo, por estarse en Samokov, i kudiando por todos sus bienes, i el era ke kudijava tambien i por los etchos de la komuneta, ke montchos de los jehidim enpesaron a non kerer pagar mas sus taksas de Kolel, i los Mechartim era ke non tenijan mas de ande mantenersen, era ke S. Chemoelatche lis iva dandoles, komo enprestado, para ke si podieran i sostener, ansi tambien lo azija i kon algunos ke avijan menesterozos i por esto a los kavos tuvo muntchos afedentos de esto ke li parisija por boeno el sostenerlos,

               En el anio de 5638, ke el S. Mochonatche, kon toda su Familija ke ja estavan en Kostan, komo tambien i su S. Madre, i la mujer, de S. Chemoelatche, kon sus krejaturas, i M. Gavriel i su ermana oro, eran todos en la kaza, de S, Naimatche, ke li avija tomado la kaza moeva ke la avija fragoado, el S. Baruhatche su Haver, i komo era moeva fragoada ke ejos non si kijeron pasar, si la djo a S.

1416         Biografia de S-res Mochonatche, i Chemoelatche, J. Arié i Behoratche.       1878

Naimatche, sin dinguna Kira por ke morara en eja un anio, i ejos anke ke era moeva ja pasavan mui boenos, i biviendo kon mui grande antchura, ke S, Naimatche, lis jamava kaje en kada notche, a los pasadores de ora, para ke los izieran areir, i ansi era ke estavan notches enteras, kantando i alegrandosen, i lis venijan tambien i muntchos amigos i konosidos de S. Naimatche, las notches i komijan djuntos, i bevijan i dormijan tambien i las notches, en sus kaza, i ejos eran sirvidos de muntchos mosos i mosas, i la kaza entera era governada solo de M. Rahelutcha, mujer de S. Naimatche, i solo era ke eja respondija a lo todo, i todo, dependija de eja, eja dava los komandos a las gizanderas, i por vija de eja si azijan todos los empleos, por el menester seja de la komanija i seja por todos los otros menesteres i eja antes ke no si etcharan todos eja estava en pies, i eja si levantava tambien antes de todos para kudijar por prontar los kahves i los dezajunos por kada uno aparte, ke eja non si kanso ni ke menos si enfastio, en todo el tiempo ke estuvieron djuntos,

               En los dijas era ke las mujeres salijan, ala plasa, por merkarsen, ropas i otras kozas, por azersin vistidos, kon ke era akompanijadas, de mujeres ke konosijan, las ropas i las modas de las vistimientas, i esto era kon ke lis pagavan a estas mujeres, i en sus ojos non lis era nada la moneda, i los grandes gastes ke los ivan aziendolos, a detras de sus plazeres, i era por lo todo ke el S. Naimatche, ke lis iva abastisiendoles, fin a ke el S. Naimatche, lis kijo fiksar, a una sierta suma a kada una, para ke si la travaran a el

1417         Biografia de S-res Mochonatche, i Chemoelatche, J. Arié i Behoratche.       1878

mez porke ja suvio a muntcho los gastes, ma de esto non pudo, reuchir, a razon ke ejas si defindijan sigun ja lo eskrivi, en uno de los pasajes de la partida de el S. Naimatche,

Ejas las mujeres se ivan en muntchos dijas alas kampanijas, i alos lugares visiozos de Kostan, akompanijados de otras mujeres de las altas familijas de Kostan ke ejas ja se izieron las, konosensias, por sus pasatiempo porke dizijan, estos dijas non los vamos a alkansarlos en Samokov, i agora ke ja estamos en Kostan es la ora de profetar de la okazion, i al menos gozarmos, koando alos gastes non kere dizir nada si gastamos aki, ke de tantos anios todo esto ke lo avansimos en Samokov, es de gastarse agora, i koando boltaremos a Samokov, enpesaremos torna a avansar, i aremos las ikonomijas ke esto tambien ja las konosemos,

Los ombres, era ke non venijan en muntchos dijas a komer en kaza, por las medio dijas, i el S. Mochonatche, era ke se iva okupando, en la kanselaria de el konsolato Franses, para renovar sus suditansas, ke ja tenijan un pasaporto franses, de el tiempo de Tch. Jeuda de koando estuvo en Jeruchalaim, en el anio de 5611, ke foe a vijitar a su S-ra Madre, i ke foe tambien i a Safet, i ke estuvo en la kaza de el S. Hr. Chemoel Abud, ke el koal era konsolo de la fransia en Safet, i kon las rekomendasiones ke si avija jevado de Kostan para el ditcho S. Abud, ke si las dieron los S. Kamondo i Karmona, i sigun ke ja lo eskrivi mas antes koalo era ke li kavzo el tomar el ditcho pasaporto, foe ke ejos lo tuvieron goadrado fin agora, i foe

1418         Biografia de S-res Mochonatche, i Chemoelatche, J. Arié i Behoratche.       1878

en este tiempo ke vino su ora, por ke lis aprovetchara, i en esto si okupo mui muntcho, i lo pudo azer enkamenar, i esto tambien ke se izo mui rekomandar de personajes ke tenijan enfloensa en el konsolato i en mizmo tiempo tambien anke ke li kostava i alguna suma de moneda non estuvo merando, i de la kanselaria ke ja tomaron en mano este, etcho ejos eskrivieron a Oran en la aldjeria ke este passaporto foe dado de Oran, i siendo ke en akel tiempo ke lo tomo ja foe ke el S. Abud ja lo izo lo todo vija de su ermano, ke el koal tambien era, en Oran konsolo de la fransia, i esto todo ke ja lo toparon en regla, i en este tiempo tambien la aldjeria era prensipato, Turko i denpoes ke ja estuvo lo todo en mui boena regula, la kanselaria tomo nota de todos los miembros vinientes de Tch. Jeuda, i lis kovro las taksas, de los anios pasados, ke non era koza grande, i lis dieron a todos pazavantes menesterozos, i eskrivieron a las kanselarias seja de Sofia komo tambien i de Filibe i otras porke los rekonoskan i ke los protejaran en kavso menesterozo, i ansi foe ke ejos kon esto de las sodetansas, tuvieron grandes provetchos seja el S. Naimatche, en Kostan komo tambien i todos los otros ermanos en Samokov, ke para todas sus kozas ke foeron revatadas, en Samokov de los Rusos, era ke si las ivan tomandolas, atras lo todo vija de el konsolo franses de Sofia, ke los protejava muntcho, i mas tambien ke sus Ijos non sirvieron en la armada Bulgara, i en muntchas okaziones i denpoes tambien ke el Governo Bulgaro, iva tomando, las maneras de ropas, i kozas por sus menester, en Rekvizisia, era ke de ejos non lis tomava nada, i

1419         Biografia de S-res Mochonatche, i Chemoelatche, J. Arié i Behoratche.       1878

en el tiempo de la gera Sirba-Bulgara, en el anio de 1885 ke si adjunto, la trakia, a la bulgaria, entre todos ke lis tomavan seja kavajos komo tambien i otras kozas foe ke i de ejos ke lis tomaron los kavajos i por i otras kozas ke lis kerijan tomarles i ke ejos, non lis davan i anke ke los apretavan i los amenazavan ma ejos foertemente si defindijan fin ke lis kalio en un dija ke si akecharan i kon telegrafo li rogaron a el konsolato de Sofia en diziendole ke visto la flakeza de la polis de Samokov rogamos voestro protejo, i kon karta ke ja si lo izieron saver lo todo en largo, foe ke el konsolo tomo en mano sus rogativa, i sin tadrar kon el mizmo telegrafo si adreso a el ministro de los etchos ajenos en Sofia, en diziendole komo koal deretcho, los apreta la polis de Samokov a sus suditos i el ministro visto a esto lo asiguro ke ejos de los suditos ajenos non toman nada i ejos ainda los protejan ma esto ke ja lo tenija en akel mizmo dija de enbezarselo i si en kavso avrija koza ke lis tomaron, por ke si las boltaran avista atras, sigun ke ja lo izo ansi i li telegrafejo a el Natchalnik de Samokov i mandandole la kopia de el telegrafo de las kechas de la flakeza de el Polis, ke esto lis foe mui pontchante palavra, i tambien porke los protejaran, i el natchalnik ke resivio ansi kechas i esto de slabosta de la polis los jamo en akechandose por ke eskrivieron de esta manera, i ejos ke eran libertos li dizen ke ansi kale para ke entendach koando vos dizen i el natchalnik lis dicho ke los kavajos estavan en pazardjik, i ke ja telegrafejo porke los manden, i en pokos dijas ke ja vinieron si los dieron

1420         Biografia de S-res Mochonatche, i Chemoelatche, J. Arié i Behoratche.       1878

atras, i denpoes de esto mas de ejos non lis tomaron dingunas kozas i tambien era ke los protejava, i en algunos dijas ke avijan algunas reboeltas, lis mandava djandares porke los goadrara,

1.    Gavriel ijo de S. Nesimatche, E. Arié, ke estava tambien kon todos ejos en Kostan, i ke komija i dormija en sus kazas i a los sujos kudios, ke el koal era elevo en la echkola de Samokov lo mandaron tambien i ala echkola de Kostan de la aliansa, Jsraelid ke era el Derektor, M. Blok, de todas las Echkolas de Kostan i el ke ja foe mui amorozo sovre los estudios, era las notches enteras, ke estava okupado en sus liksiones por enbezarsilas, ke el non kerija saver de nada, ni menos ke entrava en la kamareta ande todos estavan las notches pasando, kon kantes, i rizas, i el nunka non salio, a dingun lugar de pasatiempo, otro ke a penes komija i presto ja si entrava en su kamareta, i si estava solo siempre okopado, en sus eskrituras i estudios, sus parientes ke lo vijan solo era ke lo jamavan seja por ke estuviera kon ejos djuntos en los pasatiempos seja por, koando se ivan a kamenar, ma el nada non kerija, otro ke solo i solo sus estudios, i koando ja estuvo algo de tiempo kontinuando ansi, i ke ja podija ser mandado a la echkola de Paris, lo izieron sus tios seja vija M. Blok, i seja vija de otros sus amigos i lo mandaron a Paris, i todo el menester de los gastes ke premijan ja era ke los gastavan sus Tios, i el ke ja foe mui entelejente, i sigun de loke li paso en esta ida a Paris ja lo tengo eskrito, en sus partida, i denpoes ke ja estuvo, el tiempo menesterozo, el ja tomo su depluma, de

1421         Biografia de S-res Mochonatche, i Chemoelatche, J. Arié i Behoratche.       1878

los primos profesores, de esta Echkola, i de prima ja foe ke lo nomenaron, komo derektor por la Echkola de Orta-kiovi en Kostan, i estuvo 2 anios en esta echkola, i denpoes lo nomenaron komo derektor, en la Echkola de Sofia, i en su estar en Sofia el foe kapatche, de azer fraguar la Echkola ke ai i agora en Sofia seja por ijos komo tambien i por ijas i lo todo a los gastes de la aliansa Jsraelid, i aparte el izo avrir kozina por mantener a los elevos menesterozos, i aparte izo meter a muntchos elevos en los ofisios, kon ke eran i pagados seja a los maestros komo tambien i a los elevos, i lo todo tambien a los gastes de la baronesa de el Baron de Hirch, solo ke a los kavos non salio kontente de Sofia seja por ke lo enkulparon ke enbolsava mas muntcho de esto ke gastava or seja ke non lo enkameno boeno, i denpoes de esto el ja foe nomenado por la echkola de Izmir, ke i en Izmir tambien lo izo de mizmo, i por demazija foe ke lo izo, de merkar un Tchiflik serka de la sivdad, en un kazal ke es karatch por ke enbezen los elevos los presipios de la agrekoltura, i estuvo en Izmir 5 anio, ma siendo ke si hazenio, li kalio ke soltara esto i kon una pensia ke li izieron de la aliansa si foe a DAUS, por repozar i estuvo longo tiempo, goadrando en el repozo,

                 S-r Behoratche, kon su mujer, i S. Nesimatche, ijos de S. Mochonatche ke estavan en Letchi, en djuntos kon sus parientes sigun ke ja lo eskrivi mas antes, foe ke a razon de un mal entindimiento ke tuvieron entre ejos por algunas deferensias, foe ke si apartaron en koartires aparte, i komijan tambien aparte, i anke foe ansi

1422         Biografia de S-res Mochonatche, i Chemoelatche, J. Arié i Behoratche.       1878

torna kon todo ejos ja eran en kada dija en un lugar, i la okupasion de S. Behoratche en los dijas era ke si tomo a un profesor por ke lo enbezara a djugar el violon (keman) i su mujer M. Veniziu, era ke si adjuntava a las otras mujeres M. Tamaru i Reginutcha, i tomavan liksion de el kante kon la boka de las kantikas italianas, i los S-res Leon kon Nesimatche, frekontavan la echkola, i mas tadre ke ja foeron enfasjados de estarsen en Ledje, i por estarsen mas serka de Kostan se vinieron todos a Triesta, por ke en ledje non si dieron a konoser por Djidios, ke la djente de Ledje eran mui fanatikos, i sus gastes tambien ke eran bastante grandes, ke en Triesta izieron algo de ikonomija i se toparon mas kontentes,

El S. Chemoelatche ke resto en Samokov era ke iva muntcho travando seja de los Turkos, Zebekis, Tcherlezes, bulgaros, ke todos estos ke ivan aziendo platchkas ansi era ke lo ivan amenazando i li kalia ke si foera siempre eskondiendose, i por lo todo lo iva somportando, kon grande kuraje, i alos persipios ke ja avijan pochtas ja se iva kartejando kon sus ermanos, ma mas tadre ke ja no uvo i esto, ni menos ke uvieron ni pasajeros, era ke se iva akomodando sigun de loke li paresia, uvo unos tiempos ke foe mui enfastijado i mui repintido, de esto ke resto en Samokov, visto a los apretos ke los iva pasandolos, ma non avija el molde komo salirse de Samokov, ke los kaminos ja eran jenos de los komites, bulgaras, i los kiopris los mas muntchos kemados, i los personales turkos ke los tenijan foe ke i ejos si enpesaron a fuerse i kon mosos krestijanos ke tenian

1423         Biografia de S-res Mochonatche, i Chemoelatche, J. Arié i Behoratche.       1878

tambien era ke aparte ke non li vinijan ja era i ke non lo sentian i ansi era ke non avija ken ke kudiara, seja por sus kazas komo tambien i sus animales ke tenijan muntchos, i ansi por todos las otras kozas ke ejos enpatronavan, i esto ja foe ke turo mui pokos dijas por ke el Ruso ja estava de la parte de Dragochin, ke los Rusos entraron a Samokov, de el presipio una partida de la kavaleria de los kozakes i todos los sevdadinos, seja Djidios komo turkos i krestijanos, si rekojeron en un luger, i eskojeron de entre ejos a ona depotasion, mleskada de todas las 3 nasiones, i salieron a el kampo de la tchelik-hana, el logar ke lo jaman los Djidios (los arvolikos) i ke eran akompanijados de el Rabino i la vladika i el Mufti, i koando ja estuvieron serka de ejos si adjuntaron los 3 koerpos de la hahamane, i los bindicheron kon dizirles el seach, Bien vinidos kon paz, i denpoes entro toda la kavaleria rusa a Samokov, esta ke estava en la Tchelik-hana, (en este lugar, ke lo resivieron es ke en kada anio lo fiestan en Samokov, en el mizmo lugar,) i ejos de al presipio okuparon la polisia, turka, i todos los depozitos, ke las komanias i monisiones de gera, i los depozitos de las komanias, kazarmas, i todas las mechkitas, i se enpatronaron de ejo, i en todas las kazas espartieron en koala 5 i en koala 8 de sus soldados, ke era solo porke durmieran, i mantener ja los mantenijan ejos, i todos ja foeron mui akavedados a los soldados, komo tambien a todo el poevlo ke devijan de goadrar mui bien el repozo, el mas grande ke podia ser sin azer la deferensia si era djidio, turko or krestijano, i ke todos devijan

1424         Biografia de S-res Mochonatche, i Chemoelatche, J. Arié i Behoratche.       1878

ser a igoal libertad, i sigun ke ja foe ansi, i ansi foe ke ja uvo mui grande repozo sin ke dinguno tuvo de akecharse por nada, ni menos espantarse, i el kaimakam kon 2 dijas de antes ke entrara el ruso, el rekojo esto ke lo pudo, ke la kacha de el governo kon la moneda ke avija ja la tuvieron levantado kon 10 dijas mas antes, i en este tiempo era ke muntchos turkos, kon sus families ja si foeron endo de la parte de la Trakia por el kamino de Pazardjik, ke anke los soidejavan a algunos por el kamino ke uvo i a algunos ke los mataron los komitos, i por estos ke kedaron en Samokov, foe ke de parte de los rusos lis mandavan a dizirles, por ke non si eskondieran en kaza i ke salieran i ejos komo a todos a sus etchos, sin por nada espantarsen i todo el ke tiene de akecharse mizmo por la mas tchika koza ke si lo izieran saver ke ejos ja los tienen de kondenar a la rusa, i visto a esto era ke enpesaron a salir apokos apokos, ke a los presipios non si lo kreivan ma koando ja lo vieron foe ke i ejos estuvieron mui liberos, i los djidios ke ja foeron de el presipio kon losrusos ermanos i amigos, era ke todos en general ja estuvieron en el mas grande repozo i libertad, i kon los soldados turkos hazinos keavijan en Samokov, partieron djuntos kon otros soldados de los torkoske kedaron en Samokov, kon ke entregaron sus armas, i estos ke nonkijeron entregar sus armas foeron aplomados, i los rusos los akompanijavan i estos ke non tenijan la komania era ke ejos lis davan el menester de el mantenimiento, fin a la granisa, uvo unas turkas, ke eran solas kon sus krejaturas i ke non estavan sus maridos, foe ke i

1425         Biografia de S-res Mochonatche, i Chemoelatche, J. Arié i Behoratche.       1878

por ejas kudio la polis i las rekojo a todas ejas i las metio en un koartir partikular, kon muntchos de los soldados i de los djandares  para ke las goadraran muntcho bien i lis davan sus mantinimiento de kada dija en mui boena regula, i lis dicheron koalas de ejas lo kerlan irsen ke eran mui liberas i ke ejos ja las ivan a mandarlas a los sujos gastes sin ke tengan ejas a gastar nada, i ja uvo unas ke los kijeron i las mandaron, mui bien kudijadas,.

                  En el anio de 5639, los rusos ke ja estuvieron en Samokov, i ke ja foeron enpatronados de todos los bienes de el governo Turko, komo tambien i de la sevdad i de sus kazales, i ke ja estuvieron ejos governando i admenestrando, enpesaron a kovrar algunos dasios tchikos, por algunos deretchos, de merkansia i markas por zajavlenias, i esto era ke lo reéntchija el Major Rezansija, ke foe nomenado komo admenestrator, para la sivdad i el komandir de la kavaleria ke avija en Samokov ke ja era este, era ke lo reintchija lo todo vija de sus soldados, i por natchalnik para la okolija (kazales) lo nomenaron a el Natchalnik Chogorin, i todos los 2 eran soto los komandos, de el Knaz Kursakov Dundukov, ke su asiento era en Filibe, ejos resentaron sudilichtas (djuzgos) Gradski sovet, i en todos los kazales Kmetis, i los ivan enbezandolos, las lées ke si devijan governar, i denpoes ke ja estuvieron prontos i de

1426         Biografia de S-res Mochonatche, i Chemoelatche, J. Arié i Behoratche.       1879

esto, enpesaron a buchkar los bienes i mulkes de estos ke si fueron de la gera, i dizijan ke la lei era, por todos modo de bien ke enpatronavan las personas ke non fueron de la gera, eran sujos, i los bienes de estos, ke si fueron de la gera, seja turkos seja djidios, seja krestijanos, lo todo ke iva a eprtener, [apartener] al governo ruso, i foe ke lo anpesaron a azerlo ansi, i se ivan enpatronandosen, de sta manera de bienes, ke las kozas tchikas se las jevavan a sus depozetos, i las kozas mas grandes, las dechavan en los mizmos depozitos ke estavan, kon ke los sijavan de todas las partes, i metijan a sus soldados por dintchikes (goadradores) porke las goadraran, i kavajos, paitones vakas, i mas ansi kosas, ko [ke] todo se lo ivan tomando, i entre estos levantamientos, de los bienes, i sejando los depozitos de los trigos i fieros i de otras kozas, i tambien las kazas i botikas, i las mobilias, ke las kiras de las butikas las foeron kovrandolas, los rusos foe ke enpesaron tambien i a sijar i los magazenes de S. Chemoelatche i estos de sus ermanos, i tambien ke si jevaron los kavajos i las otras animales, i algunas de las mobilijas de sus kazas, i S. Chemoelatche visto a esto, si foe ande el major rizansia, a dizirle ke sus kozas i estas de sus ermanos non las podija tomarsilas, ni menos sijarlas, ke el ja estuvo en Samokov, i ke non si fujo de la gera, ma el Major rizansia, non lo sentija, ni menos, ke li kijo nada boltar atras, i el S. Chemoelatche ke li ensistija, i se konportava mas foerte, arivava la koza asta ke el major lo kobalijava, i li krija [korija] a detras por harvarlo, i siendo ke eran sus avlas lo todo por via de los

1427         Biografia de S-res Mochonatche, i Chemoelatche, J. Arié i Behoratche.       1879

terjumanes, a razon ke el major non savija en Bulgar, i el S. Chemoelatche ke non savija de el entodo en ruso, i siendo ke el terjuman non li azija saver a el major esto ke S. Chemoelatche li dezijan ke lis salija el etcho a ravias, i en la ravia li desija kon azerlo las desenias kon el dedo, TU, non tienes, depositos de trigos, de fieros i todas las otras kozas, TU, non tienes kazas, butikas, kiras, kavajos, mobilias, TU, non tienes nada, todo es mio, i el S. Chemoelatche por enfrentante, era ke li dizija a el Major, en aziendole las mizmas desenias, kon el dedo sigun ke el major si las, azija, en diziendole, jo tengo depozitos, de trigos, de fieros, i todas las otras kozas, jo, tengo, kazas, butikas, kiras, kavajos, mobilias, todo es mijo, i jo lo kero, i esto kon el mizmo ton i kon garon alto sigun ke el Major li dezija, i por esto era ke el Major, era ke si araviava, i le korija a detras, por harvarlo, i S. Chemoelatche, anke ke si foiva non era porke si espantava, ma por esto ke si aravijava, i se eskondija, en la kaza de la Bu. Jael su ermana, i el major ke era mui foerte i mui raviozo, ma ja era i kon boen meojo, i koando ja li pasava la ravia, era ke el Major se li iva ande el Natchalnik Chogurin i le kontava todo esto ke li paso kon S. Chemoelatche, i el Natchalnik li dezija, ke kale entender la koza por denpoes araviar, i el Natchalnik ke lo mandava a buchkarlo a S. Chemoelatche, por ke si lo jevaran ande el ma el ke ja estava eskondido era ke non lo topavan, ke dechava pasar tiempo, por denpoes irle, i esto tambien por foersa, i le dava kechas por esto ke non si li aderesava ande el i lo

1428         Biografia de S-res Mochonatche, i Chemoelatche, J. Arié i Behoratche.       1879

jevava ande el Major, i los metija en paz, i de esto era ke algunas kozas tchikas ja tomava, atras, ke non eran enportantes,

La manera ke goadravan estos dintchikes los depozitos era de una parte de areir, i eran ke estavan goadrando, en las poertas a los sios, ke estavan sijadas, i mas non savijan nada, i era ke loke podijan pasar personas delantre de estos depozitos, era kon 5, pasos enfrente de ejos, i loke lis konfejavan era solo las poertas kon los sios i koando si trokavan era de mizmo ke si entregavan de el uno a el otro solo las poertas i los sios, ke por lo restan de el depozito non tenija dingun uvligo de goadrar, i ansi era ke uvo una djente, ke burakaron la pader de el depozito de la otra parte i se ivan vaziandolo todo loke kontenija en el depozito, ke esto lo izieron seja algunos de los patrones komo tambien i algunos por rovar, i uvo muntchos depozitos koando los avrijan ke los topavan vazios, al dintchik non lo enkulpavan porke los sios ja estavan boenos, i dezijan ke esto foe algun jero, i non azijan dingunas buchkedas, i non lo goadravan mas,

               Mas Tadre ke S. Chemoelatche ja foe mui enfastijado i ke ja li avijan tomado todos los bienes kaje, lo izo ke si foe i el a Kostan, en konfijandoles lo todo a su konjado S. Nesimatche, i sus Keaja, S. Behoratche, i se estuvo tambien i el en Kostan kon sus ermanos fin a el tiempo ke si vinieron todos a Samokov,

               Los Ijos de S. Mochonatche ke son S. Behoratche kon su mojer Viniziu, i Nesimatche, ke estavan en Triesta, ke siendo ja

1429         Biografia de S-res Mochonatche, i Chemoelatche, J. Arié i Behoratche.       1879

si repozo el etcho de la gera, i ke non avija kedado mas dingun espanto, i tambien ke ja estuvieron mui enfasjados de los vijajes, sovre todo i los gastes, tambien ke lis eran mui grandes, foe ke lis eskrivieron porke si vinieran i ejos a Kostan, i estar todos rekojidos en un lugar, por enpesar a merar los moldes, de irsen a Samokov i ejos ke ja lo kerijan esto foe ke sin tadrar partieron kon vapor por mar, ke lis turo el vijaje 8 dijas, i se vinieron i ejos a Kostan, i se abacharon tambien i ejos a la kaza ande todos estavan,

1. Mochonatche en su estar en Kostan era ke iva endo ala borsa, i alos presipios iva djugando en partidikas tchikas, de los fondos Turkos, i ja era ke algunas tchikas sumas tambien en vezes ja iva ganando, ma mas tadre el si enpeso a enteresar mas muntcho en esto, de ir merkando or vindiendo a sumas bien godras, i lo todo era alevre, ke loke merkava or vendija en kada dija, de todas las operasiones ke azija eran, por el tiempo de 15 dijas, ke si likidavan todos los kontos en el 15 i en el kavo de el mes, i ansi era ke mizmo la operasion ke si azija en el 15 de el mez era ke si ivan a pagar las deferensias sovre el presio de estos dijas de el 15 i 30, de el mes, i se pagavan tambien en estos dijas, i esto kon ke ja avija i una komision de el governo, ke tomava nota de todas las operasiones ke si azijan, kon ke i se pagavan una tchika komision, i de mizmo era ke i los koredores de esto lo tomavan en nota, i ejos tambien si pagavan, i de esta manera de merkidas i venditas ivan aziendo kada uno sigun de la edeja ke si jevava, koal de el aumento i koal de el rebacho, i ansi foe ke seja los unos komo tambien i los otros, todos

1430         Biografia de S-res Mochonatche, i Chemoelatche, J. Arié i Behoratche.       1879

los 2 pidrieron, ke uvo djente siendo patrones de muntchos miles de liras, el 95 % las pidrieron, i algunos kedaron i devdores, i otra manera avia en estas operasiones ke eran kon istilans^[31], i avijan unos echpikolantes, ke prezentavan un pedaso de djoja de la valor de 1000 fr, i esta djuja se la dava a este ke kerija asigurar 10,000 konsulites, kon 10 santimos menos or mas de la valor de el dija, i esto por 15 or un mez, a pagar ensima de la deferensia de el dija i los 10 san. i ansi ja avijan muntcha djente ke lo azijan i esto ke entre estos lo azija tambien i S. Mochonatche, i ansi era ke lo mas muntcho, si li foe merkada las djojas la ke era de la valor de 1000 fr, por 2 i 3000 i esto era una tan foerte kovdisia, ke non dechava ni sangre ni moneda, en la bolsa, i el remedio era solo i solo el salir de Kostan, i ejos ke lis kalio ke non tadraran foe, ke si enpesaron a prontar por partir, i presto ja foe ke si vinieron a samokov, ke foeron kon esto delebrados de esta epedimija,

               Las mujeres foe ke mas non lo izieron de ir merkandosen vistimientas i otras kozas, otro ke era ke si rekojijan las mujeres de toda la familia Arié ke estavan en Kostan kada dija en una kaza, i lo pasavan kon enbezarsen a kantar, las charkis ke avijan moevas, kon ke si jamavan a mujeres ke savijan kantar, i a las vezes era ke si ivan en algunas de las kampanias, i esto solo por los dijas, i los ombres ke vinijan mas tadre, era ke non lo pasavan en las notches komo de el anio pasado,

               Los S. Chemoelatche kon Behoratche, ke i ejos ja eran

1431         Biografia de S-res Mochonatche, i Chemoelatche, J. Arié i Behoratche.       1879

en Kostan, se ivan okupando, kon ir a San-stefano, ke estava la armada rusa, kon el gran duk Nikolas, i esto a razon ke S. Naimatche, tenija el menester de abasteserlis las komanias a toda la armada rusa, i kon esto era ke buchkavan a tomar algunas rekomendasiones, de los mas grandes generales i tambien poder tomar i de el gran duk, para los komandantes rusos ke eran en Samokov, ke kon esto poder tomarsen atras sus bienes ke lis foeron revatados, seja en Samokov komo tambien i en Pazardjik, i en otros lugares, ke esto por vija de los amigos ja reucheron i tomaron seja de el gran Duk komo tambien i de otros, i esto foe ke lis ajudo mui muntcho,

               i denpoes de esto ejos a unos a unos enpesaron a partir por Samokov, kada uno aparte kon sus families, ke en kurto tiempo ja estuvieron todos en Samokov, i en sus kazas sigun de antes,

               Ejos ke ja estuvieron todos en samokov i denpoes de unos koantos dijas ke ja si repozaron, enpesaron a buchkar por poder tomarsen atras las ropas i otras kozas ke los rusos lis avijan tomado, i a foersa de las rekomendasiones ke tenijan seja de el Duk komo tambien i de otros, i ke en el tratado de berlin ke ja avija, porke kada uno ke iva a ser, patron de sus bienes i kon estas tambien ke lis foeron tomadas, ke devijan boltarsen a kada patron atras, mizmo i a estos ke si foerijan de la gera, i ansi ja era kon muntcha pena ja las ivan tomandolas seja ejos komo tambien i otros, ma esto ke lis foeron rovando otra djente, anke ke las vijan era mui ralo ke si las tomavan, ke i esto non lis foe poko, i entre esto ejos enpesaron a

1432        Biografia de S-res Mochonatche, i Chemoelatche, J. Arié i Behoratche.       1879

aser i algunas reparasiones, en las vignas i los maadenis, ke los avijan derokado seja los rusos, komo tambien i los bulgares kazalinos porke los krestijanos dizijan ke ejos lo van todo a derokar or kemar lo todo esto ke lo enpatronan los turkos i los djidios, para ke non kedara nada de sinijal de el tiempo de el turko, i ke lo todo es agora sujos, sigun ke en muntchos lugares ja lo izieron, mizmo i denpoes ke vino el ruso, ke esto foe alos presipios ma mas tadre ja non los dechavan aserlo esto, i los kondenavan,

                   En este tiempo vino a Samokov un sierto S. Josef Dalmediko, ke el koal era mansevo i si [sin] kazan [kazar], i konosija mui bien djugar kon los enstromentos de muzika, ke tenija Violon, Karneta^[32] Flauta Kanon, i Pijano, i ansi mas todo modo de enstromento de muzika, i aparte savija tambien i el kante mui ermozo kon la boka, ke el koal foe musafir en la kaza de S. Mochonatche, i era ke siempre iva kantando seja kon la boka komo tambien i kon sus enstrumentos, i a esta razon era ke toda la familija se rekojijan en todos los chabatiod, i los moadim en una kaza, i siempre lis iva kantando i en las manianas se levantava demanijana, i se asentava en el salon, i kon las ventanas aviertas, i kon la klarineta iva kantando la serinata, i la Donna ija de el S. Davitchonatche, era ke li respondija en kantando tambien de su salon, kon la boka ke tenija ona boz mui agradavle i de garon mui alto, de la mizma serenata, i mozotros i otros ke sentijamos era ke avrijamos los djames de moestras kamaretas por sintirlos, ke era mui plaziente, i el ditcho S. Josef resento un kor de ijikos, de la

1433         Biografia de S-res Mochonatche, i Chemoelatche, J. Arié i Behoratche.       1879

Echkola, para ke kantaran en las tefilod, algunos pedasos seja de la tefila komo tambien i los modos de los Kadichiod, i el Nichmad, i otras kozas kon ke i el los akompanijava kon su flauta ke era mui ermozo i plaziente, i el era ke lis dava tambien i a las mujeres liksiones de el pijano, i ala DONNA era spesialmente liksiones, partikolar i esta de el kanon, ke por lo todo era tambien i mui bien pagado, i este S. Josef, su mantinimiento era solo de sorverse de 8 a 10 goevos krudos, i beverse serka de a un kilo a el dija de miel, por la medio dija i ansi lo azija i por las notches, i en Samokov estuvo longo tiempo, lo todo en esto de kantar, i denpoes lo jamaron sus ermanos, de Kostan i se foe serka de ejos,

               En el anio de 5640, todos los 3 Haverim S-res Mochonatche, Chemoelatche, Behoratche, se ivan okupando siempre en azer las reparasiones, de el maaden, orta en radoil ke era las mijor fabrika, de todas las otras, kon ke si izieron haverim kon S, Jovantcho Srebenisa, ke el koal era uno de los notavles i tchorbadji de entre los krestijanos, i en mizmo tiempo ke era el prezedente de la postojana komisia de Samokov, ejos se izieron los kontratos menesterozos, por lavorarlo este maaden, kon la entision ke denpoes de este, por lavorarlos tambien i los otros i kon esto poder alkansar sigun de loke era de mas antes, i ejos kon grande amor se metieron en el lavoro,

1434         Biografia de S-res Mochonatche, i Chemoelatche, J. Arié i Behoratche.       1880

i enpesaron a lavorar, ma los lavoradores de la ruda (metal) de el fiero) i de el kimur, kijeron unos presios mui karos, koza ke non lis podija konvenir, i anke karo por los presipios non meraron, i les i ivan merkandoles kon la entision ke por mas tadre ja se iva poede ser mijor resentar, i mas ke i ejos ja tenijan de aver de todos estos lavoradores a sumas grandes, i pensando ke de esta manera se podra kovrar mas kolai, era ke ivan kontinuando, i koando ja enpesaron a ketar el fiero, i ke lo ivan mandando a Pazardjik a sus personal porke lo vendiera, foe ke i de esto non topava su presio, a razon ke ivan traendo el fiero de la evropa, ke lis era muntcho mas barato, i ansi era ke non estavan pudiendo tambien i en esti reuchir, ma torna kon todo non si deskurajaron i ivan kontinuando a lavorar, ke esto ke lis turo mas largo tiempo foe ke se lis i rekojo tambien i sumas mas grandes de fiero, i visto a esto si detchizaron a lavorar, el medio lavoro, ma tambien i en esto non lis kameno fin ke lis kalio de detener de lavorar, i ansi ke foeron pasando anios ja foe ke si enpesaron de moevo a derokarsen las fabrikas, fin ke devenieron todas las fabrikas en terenos, vazios, por ke i el material si lo ivan rovando i kon el maaden achagi^[33] en radoil tambien, ke tenijan si lo vendieron kon sus 4 vignas a el Papas de Radoil kon un presio mui barato, ke el koal tambien anke lo lavoro unos koantos anio, ma torna ke non li konvino foe de mizmo ke devino en tereno, i ansi de mizmo foe i kon otro maaden ke tenijan en Kiostendja achagi Maaden, foe en tereno, i los terenos de estos los ivan vindiendolos, kon unos presios tan

1435         Biografia de S-res Mochonatche, i Chemoelatche, J. Arié i Behoratche.       1880

baratos kijendo dizir ke el maaden ke kosto 120,000 i 150,000 gr, se vindija por 3 or 4000 gr. i esto denpoes ke ja si pago, por goadradores i dasios, los 3000 gr. en una palavra foe ke si foeron todos sin nada aprovetcharsen, i algunos de estos terenos ke eran mas serka de la sevdad i mas grandes, los izieron por tchaires, por tomar al menos la paja, ma ni en esto si pudo reuchir, ke los kazalinos vizinos koando la paja ja estava serka por kortarse, lo azijan ke soltavan a sus Vakas i se la komijan, la jerva, ke por todas las reklamas ke las azijan mizmo la polis era ke non konvenija aparte de los gastes ke eran grandes avija tambien ke kansavan muntcho, i ansi foe ke i estos tambien los ivan vendiendolos a los mas vizinos kazalinos, tambien kon los presios baratos i foe de esta manera ke si depedrio en un tiempo de 8 i 10 anios, todas estos boenas i ganansiozas, i visjozas fabrikas, kon sus mui ermozos kazas de kampania, i goertas i las maneras de los arvoles sigun ke ja lo tengo eskrito la manera  ke eran, i ansi es ke agora pasando por estos lugares, mas ja non si veé, ni sinial ke ixesto, en un tiempo ansi koza, otro ke lo todo ja se izo un kampo,

                  Koando a los averes, ke tenijan de los lavoradores, de estas fabrikas, komo rudadjis, kimurdjis, los maestros ke lavoravan el fiero, ejos ke enpesaron a buchkar de kovrar sus averes, ke kon las boenas non si lis aserkavan era lo todo por vija de la polisia, i kon las unos ja si konvenijan kon ke lis rebatijan esto ke ejos lo kerijan i se lis endevdavan por tiempos largos kon bonos a pagarles

1436         Biografia de S-res Mochonatche, i Chemoelatche, J. Arié i Behoratche.       1880

ke anke esto tambien era mui foerte el kovrarles, i de estos avijan ke non entravan en nada a pagar, i ansi lo kontinuaron kon anios en los djuzgos, fin ke si enfastijavan i lo dechavan ansi, i aziendo a sumas grandes de gastes, i apenas avija ke el un 5 % ja pagavan en regla, i de esta manera era i kon los otros averes ke tenijan, ke si azemos konto los gastes, ja eran mas grandes de los enkasos,

               visto a esto ejos enpesaron a dar mas grandes foersas en el Tchiflik de la bana, ke tenijan, kon azer lavoraralas tieras, kon mas foersa, i aparte ejos merkaron por el presipio komo unas 300 vakas parideras ke son JOZ HAIVANI^[34], para ke parieran i por ir vindiendo los bizeros para boejes, ke valijan mas karos de los otros, ansi de mizmo merkaron i kavajas, parideras, i karneros i kavras, ke era por jubredijar las tarlas i en mizmo tiempo aprovetcharsen seja de la letche, lanas i los kodrerikos, ke i esto lo kontinuaron 3 i 4 anios, ma tambien non tuvieron konto por razon ke era bastante, en 3 i mizmo i 4 anios una vez ke non seja la rekolta de la paja or de el saman ja es bastante para englotir a todas kon el gaste ke era menester para abasteserlis el mantenimiento, solo de un envierno, or ke i akontese tambien i hazinura foe ke i esto non konvino i lo abandonaron tambien, kon venderlas,

1. Naimatche, de Kostan ke tuvo el idare, de la armada turka ke era en Iderne, sigun ke ja lo van a meldar en el un pasaje de la partida de S. Naimatche, i en su lugar lo mando a S. Behoratche Ijo de el S. Mochonatche, porke li merara este etcho i se foe

1437         Biografia de S-res Mochonatche, i Chemoelatche, J. Arié i Behoratche.       1880

djunto kon su mujer, ke estuvo el anio entero, i su paga ke resivia era de 500 gr, a el mez, porke esta suma ja li abastava, en Iderne kudijava i se okupava, djuntos kon los otros haverim de kostan ke tuvo el S. Naimatche, i los koalos tambien ja era ke tenijan a sus personales, i aparte tenijan i haverin i en Iderne, ke i los koalos tambien si okupavan, i el en su estar en Iderne lo paso mui boeno seja kon el etcho komo tambien i kon su bivir, lo azijan ke en muntchas de las notches de la semana si rekojijan en una kaza, komo a el otros mansevos i estavan kantando i biviendo de los tanto boenos, vinos de Iderne, ke ja son renomados, i tambien ejos si prontavan i de las mijores komanias, i lo ivan pasando i gozandosen, ansi tambien si okupava i el S. Mochonatche en samokov, en ir merkandole, los karneros i bakas engodradas, i algunos de los otros mantinimientos ke avijan en Samokov i se los iva mandando a Iderne, ke lo todo si lo azija sin dinguna paga, i ke ja tenija el tiempo tambien por merarse i su etcho, ke lo mas era, sovre el etcho de el maaden i los averes ke non demanda muntcho tiempo,

               I el S. Chemoelatche era ke si okupava kon los Rusos, por las ropas i los bienes ke lis tenijan tomado, en el tiempo de la gera, i de esto ja era ke la mas grande partida ja la iva tomandola, atras seja a foersa de las rekomendasiones, komo tambien i ke lo ajudava muntcho i el konsolo en Sofia, ma i de esto tambien foe mui kanso, i tambien ke i lis iva i kostandoles muntcho gaste, i mas tadre el enpeso a vijajar por las partes de la trakia, por poder kovrar

1438         Biografia de S-res Mochonatche, i Chemoelatche, J. Arié i Behoratche.       1880

las sumas grandes ke ejos las tenijan de aver de los fieros, el se estava, en pazardjik, Karlovo, Filibe, stanimaka, Stara i nova Sagora Kizanlik, i mas ansi en todas las otras sivdades ande tenijan, i de estos era lo mas muntcho ke los dava a el djuzgo, porke los mas muntchos eran ke no lis kerijan pagarle, i a el lo akompanijava, el S. Mair B. Avraam Idibaa [Edibaa], i siendo sigun ke ja lo saven ke los djuzgos son kon tiempos mui largos i ejos ke non tenijan koalo azer, era ke lo pasavan los dijas en las kavanes kon ir djugando el tavlo i las kartikas, i esto lo asijan dijas enteros i a esta razon era ke S. Chemoelatche, iva lo mas muntcho pidiriendo muntcha moneda, i apenas koando ja kovravan de alguno alguna suma era para los gastes i para pedrer en el djugo, ma non tenijan koalo azer, porke non si podijan estar en vazio, i se podijan enbeveser en otra koza,

               Ejos ke tenijan tambien i los tchiflikes de bachtinas en Kiostendil i Djuma, i era ke tomavan kortadamente, de kada tchiflik una sierta suma, seja en moneda komo tambien i en karneros i mantekas i otras kozas, ke lo todo lis entchija un revinido, de 60,000 gr. a el anio, i siendo ke kon un anio de antes de la gera ke ja no lis pagaron es ansi ke si lis avija rekojido a sumas grandes este a aver, i los kazalinos ke ja non kijeron mas de el entodo mas nada pagar en diziendo, ke era sus bienes i sus kazales, i esto ke lis kedo a los turkos era, ke koando los turkos okuparon la bulgaria, era sigun tenijan resivido de sus padres, i les dizijan, ke en akejos tiempos lis venijan a sus kasales los begis turkos, i les revatavan a

1439         Biografia de S-res Mochonatche, i Chemoelatche, J. Arié i Behoratche.       1880

todo el bien ke tenijan, i les kemavan a sus kazas, i a montchos de ejos, seja ombres, mujeres, krejaturas los matavan, i estos ke podijan foirsen era ke kedavan bivos, i estos ultimos pasando algo de tiempo lis ivan de moevo ande los begis a rogarle por ke non lo samara [mataran] i ke ejos ja li ivan a enprezentar el kazal entero, kon todos sus bienes, i ke si uvligan a lavorarla tiera por konto de el beg, solo porke non los mataran, i para ejos ke ja lis era bastante ke lis diera solo un mantinimiento, solo, i el beg ke ja si kontentava a esto, era ke si azija patron de el kazal entero, i ansi foe ke todos los ke avijan en el kazal eran sus esklavos, i los azija lavorar i en otras tieras ke el beg tenija, sin ke lis pagava nada, i el mantinimiento ke lis dava era solo pan de sevada, sin dingun kondutcho, i ansi era ke de tiempo en tiempo lo ivan enpatronando de padres a ijos, fin a ke si enpatronaron kon los tapis (dokumentos) de merkida, komo ke foe merkado, kon moneda, es ansi, ke mozotros agora ke ja salimos ala alforija, mozotros konosemos solo a las leés de el prensipato, i mas non konosemos nada, ne menos ke dechamos entrar aki a dinguno, sigun ke esto ja lo izieron kon el Ijo de H. Davitchon B, Moche, de kiostendil ke kijo ir a su tchiflik ke i el tambien tenija de esta manera de bachtinas i lo mataron sin ke podieron topar a el matador,

Ejos ke tenijan el medio bezisten en Sofia, lo davan a kira djuntos kon el S. Davitchonatche, i en kada anio era ke lis ivan pojandoles las kiras, a razon ke Sofia se iva siempre engrandisiendose, i a esta razon era ke las botikas eran mui mankas, i ke ja

1440         Biografia de S-res Mochonatche, i Chemoelatche, J. Arié i Behoratche.       1880

avijan tambien i enpesado a derokar algunas butikas por el enderetchamiento a el plan la sivdad,

              Kon el etcho de los tchiflikes ditchos mas antes, i ke uvieron muntchos konjoramientos, foe ke el governo lo tomo en mano i de estos tchiflikes non era solo en Kiostendil otro ke avijan tambien i en Sofia, i en plevna i otros mas lugares, i denpoes ke esto paso por la kamara de los depotados, foe ke nomenaron unas komisiones, para ke si enteresara de esto i en mizmo tiempo ke los presiara, la valor de kada uno aparte, sigun la grandor i el lugar, i esta komision ke lavoro en esto unos koantos anios, i lis nombro los presios de kada uno sigun lis parisio, ke esto ja foe aprovado tambien de la kamara, i lis avizaron a kada patron ke el presio ke si li takso su tchiflik era de tal presio, i ke la moneda, ja la tenija pronta en la banka, i era libero para resivirla i ansi foe ke los unos de el presipio eja si kontentaron i resivieron sus enportos ma uvo de estos ke non si kontentaron i avrieron djuzgo i lis turo longo tiempo sin ke nada ganaron, asta ke lis kalio ke resivieran el enporto, de el primer presio ke avijan taksado, solo ke las ganansias de estos ultimos foe, ke todo tiempo ke si foeron djuzgando lis ivan tambien i kovrando los dasios i sin ke el kovrava nada de los kazalinos, ke si non pagavan ja avija i una lei ke si salija de el patronaje, keri dizir ke kon el governo non si poede ganar,

i para los kazalinos de estas bachtinas la lei foe ke los devijan ejos pagarlos en tiempo koalos en 20 i koalos en 30

1441         Biografia de S-res Mochonatche, i Chemoelatche, J. Arié i Behoratche.       1880

anios, sigun de el Tchiflik, i esto en el mizmo presio, ke los merkaron de sus patrones, i sin dingunos enteresos, i de esta manera, foe ke devinieron kazales sigun de todos los otros, i kon las mismas leés sin ke uvo dinguna deferensia.

              En sus kazas ke avijan algunos derokamientos de el tiempo de el ruso, foe ke en este anio las foeron repariandolas, ansi tambien i adjustando de las mobilias ke lis foeron rovadas seja de los rosos komo tambien i de otros, ejos kada uno en sus kazas se servijan de sus mosas i los mosos, i tambien los mosos krestijanos por el dichari-avli, kon sus paitones i los kavajos sigun de antes uzado ejos ja era ke en algunas de las tadres se ivan a kamenar, seja kon los paitones or kavajos a lo poko de las kampanias ke avijan kedado, i ansi renovaron i las vakas i bufanas por tomar las letches por el menester de la kaza, i koanto a el pasar de las mujeres en kaza ja era ke lo pasavan solamente, kon rekojersen solo en kada dija entre, la familia, ke por esto ke non ivan ande otras familias era ke davan kechas porke non si lis adjuntavan a ejas ke esto montchas mujeres de las otras familias lo kerijan mas non lis tomava las avlas sujas, porke ejas ja si lo gozavan entre ejas ke ja eran unas koantas kazas S. Mochonatche era ke si okupava, muntcho en los etchos de la komunita, sovre todo en este de la echkola, i el era ke la vijitava kaje en kada dija, i tambien ke sakrifikava muntcha moneda de su petcho, i el ke era tambien i el GABAI de el KAAL, i se asentava en la teva, i el jamava a sefer tora ke non se vindija el gabajud, i todo esto

1442         Biografia de S-res Mochonatche, i Chemoelatche, J. Arié i Behoratche.       1880

ke era menester por el andamiento de el KAAL, era solo de el ke dependija, i anke ke algunos de los Jehidim lo dezonravan, ma el non los sentija ne menos ke si li enportava, i ansi era ke lo todo sigun de su pareser era ke lo enkamenava, i por esto kale dizir ke iva en mui boena regula seja los menesteres de el KAAL komo tambien i este de la echkola, i tambien por lo todo de los etchos de la komunita,

En el anio de 5641, ke S. Behoratche, ke estava en iderne, en el etcho de la armada Turka por el konto de S. Naimatche ke siendo ja si eskapo foe ke non tuvo mas por koalo restar, i se foe a Kostan por entregar los kontos, i S. Naimatche ja estuvo kontente por el etcho ke li mero, ke el etcho ja lis foe boeno ma era ke non estavan pudiendo kovrar las havales ke tomaron por estos averes, ke esto ja lo van a meldar en la partida de el S. Naimatche, i de esto, era S. Behoratche mui sikilijado, ma non tenija koalo azerle, i se, vino a Samokov, kon su mujer, i por buchkar a azer algun etcho, ke sigun ditcho por las foersas ke las avijan dado sovre el etcho de el maaden non lis estava endo de el entodo boeno, i ke la vista ja era ke non avija ni menos la esperansa, a poderse a mijorijar, era ke si iva a el tchiflik de la bana, i se okopava el mizmo en los etchos de el tchiflik, el si merko un paitoniko tchiko de un kavajo, i se iva el solo kon este paitoniko, i si estava kon mezes enteros en la bana

1443         Biografia de S-res Mochonatche, i Chemoelatche, J. Arié i Behoratche.       1881

i en este tiempo ke los presios de las tarlas i los tchaires, ja pujaron muntcho, ke el un dekar ke valija mas antes, 5 napoliones, ja lo savijan enpesado a buchkar de merkar i por 15 i mas napoliones i visto a estos presios era ke vendija algunos pedasos ke non li eran tanto boenos, i mas tadre anke ke valio mas karo ma ja tenijan i para vender i denpoes, i aparte ejos ja tenijan, i muntchas piedras de molinos, i ke non lis traiva tanto boeno los revenidos, i esto a razon ke pujaron mui muntcho los enstrumentos i las piedras para estos molinos, i lis kalija ke los foeran trokando en kurtos tiempos, i los rovos ke si espandieron mui muntcho era ke i los molineros ke los metijan era i ejos ke ivan kaje todo rovandeselos, era i de esto tambien ke algunos selis ivan estruendoles, i era forsado de venderlos, por dar mas muntcha foersa a estos ke ja eran mas mijores, i ke ja los podijan ejos merarlos, era ke dava tambien i foersa a las vakas JOZ HAIVANLARI, i en este tchiflik ke avija i un dutluk, keri dizir arvoles de amoras, i eran tambien komo a 1000 arvoles, en un kampo mui grande ke foe sembrado de el tiempo de Usref Pacha, ke por el koal ja tengo eskrito en esta biografia en muntchos pasajes komo de persona enfloente era, i las kozas ke lis tenija pasado kon moestros padres de los plazeres ke lis azija, sin konto, i este tchiflik tambien ke era de el ditcho Usref Pacha, ja lo tengo eskrito komo foe ke si lo merkaron en el anio de 5621, i kon las ojas de estos arvoles ke si mantiene el guzano de el kubak^[35], Kokolio ke se kita la seda, foe ke lo izieron tambien i esto i mantuvieron el kobak, ke ja ketavan

1444         Biografia de S-res Mochonatche, i Chemoelatche, J. Arié i Behoratche.       1881

de la seda ma non era koza enportante, porke tenija tambien i muntcho gaste, i en este tchiflik komo tenijan grandes kampos, lo izieron i por mantener kovanes, por tomarles la miel, i esto ejos tuvieron muntchos, ke el un kovan tenija la valor de un karnero kon su kodreriko, ke kostava de 45 fin 50 gr. ke i esto tambien sigun ke ja saven ke paren komo los kodreros, i los ke nasieron moevos si apartan kon su bei (komandir) i el patron de los kovanes los rekoje en estos moevos ke ja si aprontados para esto, i esto lo ivan kontinuando, i la miel kon la sera ke tomavan era ke denpoes ke si apartavan por el menester de sus kazas, i ansi tambien i kon la sera ke de esta apartavan para azer los sirios ke los davan para el KAAL en JOM-NORA, ke si asendijan en el KAAL, el dija i la notche entera, ke estavan ardiendo, i por ke foera enteramente KACHER, sin otra dinguna mleskatina i lo restan lo vendijan solo ke i en esto avija anijadas, ke koando era la anijada de sikura, era ke las bezbas aparte ke non podijan entchir las plakas para vender era ke non si podijan abastesersen i por sus mantinimiento de el envierno, i ansi era ke kalija merkaran la miel para mantenerlos, ke i esto una anijada no pagava a 4 i 5 anios de las rekoltas, ke se rekojija, de ejos,

                        El S. Nesimatche el ijo sigundo de S. Mochonatche era en Kostan en la banka de el S. Naimatche komo empeigado, i era en la kanselaria de los eskrivanos, i en vezes era ke lo mandavan por eskapar algunos de sus etchos ke tenijan en la plasa, i le pagavan i una mesada regular, el estava por komer i dormir i mas en la kaza de el

1445         Biografia de S-res Mochonatche, i Chemoelatche, J. Arié i Behoratche.       1881

1. Naimatche, ke de esta manera tambien era ke estava i el S. Leon el ijo de el S. Davitchonatche, i a todos los 2 era ke los kudijava komo a sus ijos, i lis pagava tambien, i esto lis turo algo de tiempo ma mas tadre, lo mando a Samokov a S. Leon, i resto solo el S. Nesimatche, i kontinuava en las operasiones, ke li amostravan,

El S. Chemoelatche, tambien ke en este tiempo ja estuvo en Samokov, era ke si okupava, sovre los maadenis, i algunos de los etchos ke los tenijan por resentar de el tiempo de antes de la gera, i mas tadre, el partio de moevo por la parte de la trakia, por buchkar a vender los fieros ke los tenijan lavorado djuntos kon el S. Jovantcho srebenikov, i en mizmo tiempo torna por buchkar a kovrar sus averes ke los tenijan de las venditas de los fieros de antes de la gera, el ja tenija muntchos de los (prosesos) aviertos lo todo de esto de las otras vezes ke estuvo i esto lo mas muntcho eran entre Filibe i Pazardjik, i su asiento era lo mas muntcho en Filibe, i entre los prosesos ke tenija, uvo uno de estos devdores ke li avrio, proses a S. Chemoelatche en el prekuror, kon uglavno Delo^[36], en konjorandose ke lo maldicho kon la palavra a JOL. i a S, Chemoelatche, ke li paresija ke el prekuror non lo iva a tomar en mano esto, i mas tadre ke ja si apararon en el djuzgo, i visto ke el prekuror estava mui seriozo anke S. Chemoelatche, ke ja li izo saver ke la palavra, JOL kere dizir IJO, i aparte ke ja es esto una palavra ke si emplea, en muntchos lingoajes, es tambien avla de onor i non maldision, i jo ke li diche foe ke esta manera mi vino ala avla, koando platikimos

1446         Biografia de S-res Mochonatche, i Chemoelatche, J. Arié i Behoratche.       1881

en moestra merkansija, ma el prekuror non lo tomo en mano la defensa de el S. Chemoelatche, otro ke lo izo protokol komo ke foe maldision i lo kondina a S. Chemoelatche, komo kulpozo, i visto a esto li kalia ke tomara advokato, i ke lo iziera apelo a Filibe, i kon ke paso muntcho tiempo en djuzgos i kon muntcho gastar, foe ke pudo trokar la rechenia de el prekuror de pazardjik, i esto lo izo muntcho kansar i atagantar, ma torna kon todo el de su etcho atras non si estava kedando, i se iva en todas las sevdades ande tenija de aver, i lo iva aziendolo ke kon algunos si lo konvenija a el amigavle i kon algunos vija de los djuzgos i de estos ke ja non tenijan por pagar, era ke non lis demandava, i de esta manera lo izo un anio entero tambien, i su ermano de Samokov, ke li iva eskriviendole, por ke si viniera a Samokov por razon ke ja non estava konviniendo, sovre todo i ke si li envistio i esto de el djugar, i iva tambien i pidriendo, ke koando non tenija paras iva travando polisas a Samokov,

1.       Mochonatche era siempre en Samokov, i kodiando por enkamenar a los mansevos, i tambien el korespondijava muntcho kon S. Naimatche, de Kostan, akonsejandolo de koala manera ke si foera konportando, sigun ke esto ja lo van a meldar en las partidas de el S. Naimatche, ke en estos tiempos era ke ivan travando muntchos apretos i ke non estavan boeno pudiendo azer sus pagamientos, i sovre todo, ke su Haver el S. Baruhatche, iva indo mui deskorajado, i S. Mochonatche tambien azija i algunas operasiones, de borsa lo todo vija de S. Naimatche, i en Samokov tambien era ke davan i a algunos algo de

1447         Biografia de S-res Mochonatche, i Chemoelatche, J. Arié i Behoratche.       1881

moneda kon entereso, i estos a las personas ke lis eran mas konosidos S. Mochonatche, en este tiempo por koala razon foesa el si jevava por edeja, de ir vindiendo, koando topava sus presios, de sus mulkes, seja butikas, tarlas, tchaires, i otras kozas, i ansi lo izo, ke iva vindiendolos, i esto ke los presios ja pujaron en lo todo, era ke non los detenija, ke lis foeron aziendo algunas defekultades, de parte de la polisija, i es tambien i esto una de sus razones,

            El los vijitava mas espeso a los tchorbadjis, krestijanos a el uzo Turko, ma foe ke non tuvo dingunos provetchos de ejos, i ke en algunas kozas foe i al kontrario, ke esto lo azija tambien i por pasar i el tiempo, ke mas tadre, lo abandono tambien i esto, i se asentava en kaza, i era lo mas muntcho ke lo pasava kon ir meldando livros de los mas ondos estudios, en LACHON AKODECH, ke avijan en el midrach, i el ke ja era savido i en el TALMUD, era ke lo iva estudiando i koando non lo entendija era ke si lo Jamava a Hr. Avraam, i lo estudiavan djuntos, el meldava tambien i muntcho de todas las gazetas seja en djudesimo komo tambien i en turko, ke i esto de el turko, tambien lo konosija, i era S. Naimatche, ke si las mandava kon kada pochta, ke avija 3 vezes ala semana, el era tambien mui amorozo, del pasatiempo, i ansi foe su natura de siempre, el non si lo tomava, por grande apreto koando li arivava algunos tiempos de estretchura, de koala manera, foesa i el era ke en todas las okaziones, koando topava a pasar el tiempo, seja kon kantar, or meldar, i platikar, ansi i koalo foesa de otras kozas de el pasatiempo, nada atras non lo dechava

1448         Biografia de S-res Mochonatche, i Chemoelatche, J. Arié i Behoratche.       1881

el siempre si vistija de los vistidos mui limpios, i en los dijas de las fiestas, i vijitas se vistija tambien de los mas mijores vistidos, ke los tenija muntchos, el tenija muntchos kiordis i echkurtas de los modos de las samaras las mas finas i las mas valutozas, i el tenija tambien i muntcha djoja, en birlante i dejamante, i muntchos anijos, i alfinetes, ke de lo todo en kada tiempo, el los enplejava i lo todo de las mas mijores i finas piedras, i de todo modo de piedras, zombrut, jalkut, lal^[37], dijamante, berlante^[38], perla, tenija i una tabakera, por enfie, en dijamante, i era en los moadim, ke la kolanijava, el si mantenija de lo mijor de las komanias, i bevija en kada meza serka de a un kilo de vino, fumava de el mijor tutun, en kada dija denpoes de komer, durmija komo una ora, su poerpo era alto, i mui deretcho, i kamenava mui repozado, en era godro, en kada viernes el si lavava en los banios ke ja los tenija en kaza, la barva i los mustatchos si los kirkijava, el era mui sano i fursudo, su vista non si li akurto en toda su vida, i entojos non si metio, en las notches si estava meldando fin a denpoes de la medija notche, el si levantava demanijana i dizija la tefila, en kaza, por la semana i en los Chabatiod i moadim se iva a el KAAL,

              En kaza las mujeres era ke si okupavan de la kaza, i eja la Bu. Amadutcha, a las djentes ke li venijan a vijitar koala foesa las resivija kon kara alegre i a todas lis azija las mizmas onores sin dinguna deferensia, i era mui ikonomioza, i arta de lo todo, eja non si enselava por nada, eja vijitava a muntchos hazinos i kon

1449         Biografia de S-res Mochonatche, i Chemoelatche, J. Arié i Behoratche.       1881

las manos jenas ande los menesterozos, eja era mui Sana i mui rezija, los amava, i los kudijava muntcho a sus krejaturas, eja koando avijan algunos hazinos en la familija se estava i muntchas notches para velarlos, tenija korason limpio i boeno,

             En el anio de 5642, S. Mochonatche era mui okopado, sovre la espartision de S. Naimatche, en Kostan kon su Haver el S. Baruhatche, ke este ultimo sigun de loke ja lo tengo eskrito, ke de un anio mas antes, ja foe mui deskorajado, visto a sus negosios, ke non lis estavan kamenando, tanto boeno, sovre todo de esto ke non estavan podiendo kovrar, seja los averes de las havales komo tambien i algunos de los averes de sus klientes, i lo todo ke eran tambien i a sumas grandes, i por enfrentante ke i ejos tenijan de mizmo i grandes respondimientos, i sovre esto los amigos i los parientes de el S. Barohatche, lo ivan siempre akonsejandolo, porke li kalia a todo presio ke si espartiera, sin merar muntcho i mas tambien ke si iva i hazenejandose, de loke si iva sekelijando, ke li arivo i un akurtamiento en la vista ke non estava podiendo ver, i a razon de esto tambien era ke mas ja non estava podiendo merar nada de etcho, i ansi foe ke si espartieron ke anke lo mas muntcho de las kondisiones de esta espartision ke ja foeron en favor de el S. Naimatche, ma torna kon todo izieron i algunos jeros, por ke non lo alkansaron a toparlo de

1450        Biografia de S-res Mochonatche, i Chemoelatche, J. Arié i Behoratche.       1882

koala manera iva a ser mas mijor, (ja abastava el enchemplo de el deskorajamiento, de el S. Baruhatche,) el S. Naimatche ja foe mui enkorajado, arimandose a sus ermanos, ke i ejos tambien por lo todo, fin ande lo podijan ja lo ajudavan i lo enkorajavan, ke S. Mochonatche, fin a ke si eskaparon de espartirsen otra okupasion non tuvo, i mizmo denpoes tambien lo izo ke lo mando a S. Chemoelatche, por las partes de el vilaet de Iderne, para ke si okupara, sovre las havales ke li avijan kedado de aver, a S. Naimatche, ke estuvo longo tiempo en jenidje, i esketche, i otras sivdades, lo todo por ir buchkando a kovrar los averes de el S. Naimatche, i en mizmo tiempo tambien iva presigiendo i a sus debitores, por el konto sujos, ke tenijan de Samokov, i era en esta manera ke lo ivan pasandolo, seja en Samokov i komo tambien i el S. Naimatche en Kostan, ke lo todo lo azijan kada uno por sus kontos,

koanto por sus etchos de lo poko ke lo tenijan era solo S. Behoratche ke si okupava, i esto ejos non si enkacharon en dingun etcho moevo, ni menos ke kijeron echpekulijar en nada, porke ejos ja tenijan sus mui bien vinida i demazija de sus menester, por sus mantinimientos i torna kon todo en este tiempo non azijan algunos grandes gastes, en este tiempo era ke entre el padre i el ijo tenijan algunas deferensias, i eran kontra en las edejas, ke de esto lis arivava, tambien i litigas ma ja era ke non lis salija a la djente, i entre ejos ja si lo konvenijan i presto tambien ja lis pasava, i se konvenijan, komo de antes, i sigun ditcho ke S. Behoratche, era lo

1451         Biografia de S-res Mochonatche, i Chemoelatche, J. Arié i Behoratche.       1882

mas muntcho ke se iva a el tchiflik foe i en este tiempo ke el estuvo, i frago 15 botikas deredor de el tchiflik, a razon ke se izo, el pazar en la bana, i venijan komo 15-20 kazales, a este pazar ke eran mas serka ala bana ke los koalos de mas antes se ivan a Samokov i ixtiman^[39], i esto tambien kavzo una de las roinas de Samokov i de el ihtiman, i mas tadre avrieron tambien i djuzgos en la bana, por ke los djuzgara a estos kazalinos i ke non foeran a Samokov or ihtiman i izieron tambien i telegraf, i apteka, i mas otros menesteres, por levjanezas a estos kazalinos porke estos kazales eran de los mas grandes, i de Samokov si establesieron komo 10-12 familijas de djidios ansi de mizmo i en ihtiman ke ja avijan komo 10-12 familijas se vinieron las 6-7 a la bana todos estos kon sus merkansijas i ejos se alkelaron un lugar por Keila, i se tomaron a un Hazan i el koal lis era Chohet i a sus krejaturas lis enbezava las presipios de la TORA, i estas butikas las alkelava a los merkaderes i sus keaja, derektor de el tchiflik lis era un sierto S. Jshak Levi, ke el koal era mui akurat para el etcho, i en estas butikas gasto komo 25,000 gr. el koal Jshak era ke si okoupava por lo todo, i este ultimo alos kavos, les merko, algunos de los molinos i de las butikas, i partida de el kampo de el tchiflik, porke el ja foe estabelisido de los primeros ke si lo jevo tambien i a su ermano i toda su familia, i tuvieron tambien i butikas de merkansija i de los kolonijales, sigun ke ja lo saven tambien kon las vakas i los kavajos, ke los tenijan por ke si foeran muntchigoando foe ke en este anio, la rekolta ke foe mas manka, i

1452         Biografia de S-res Mochonatche, i Chemoelatche, J. Arié i Behoratche.       1882

ke non podijan abasteser por el mantinimiento de la enviernada, lo izieron ke las mandaron en kichlas a los lugares mas kaentes, por ke lis konviniera i en este lugar ejos vindijan de los bezeros ke ja eran mas grandes kon el presio de 2 vezes mas karos de los otros por razon ke estos lis tetan toda la letche de sus madre por rason ke non si dechan mundjir nonka, i estas non entran en ahires i a persona ajena koando lo veén lo eskornan fin matarlo, i la manera ke las aferan a estas ke mas ja non paren or ke ja son viejas, ke non lis keda dientes es ke ai maestros ke lis etchan kon koedras unos adzos^[40] en las kavesas i la punta de la koedra la atan en algun arvol, i eja de loke si va arodejando es ke si va endevanando la koedra en el arvol, i koando ja non keda mas koedra se etcha en bacho i kon bien atarla es ke la poeden aferar i la venden para degojar ke tambien es ke valen mui karas porke son grandes i bien engodradas, i denpoes ke de moevo ja vinieron a el tchiflik, tovieron la hazinura ke lis viene a las vakas, de CHAP^[41], ke es ke si lis hazinejan las bokas i van siempre bavejando i ansi es ke non poeden komer, i de esto ke si aflakan mui muntcho es ke algunas de estas se moeren i sovre todo ke non si dechan aserkar para azerles i algunas de las itchorijas, i por esto ke si deskorajaron foe ke enpesaron de ejas a venderlas, i de mizmo i kon los kavajos, en dechandosen solo unos koantos ke sirvieran para los armanes ke era solo kon los kavajos ke lo batijan el saman para ketar el trigo ke non avija en akel tiempo las machinas ke ai agora, i de esta manera foeron apoko apoko dezbarasados i de

1453         Biografia de S-res Mochonatche, i Chemoelatche, J. Arié i Behoratche.       1882

esto, ma ejos tomaron muntcha moneda de estas vakas i kavajos, ke valijan tambien i kon boenos presios,

En el anio de 5643, visto a los grandes apretos ke S. Naimatche los travava, en Kostan, i por venirle a sus ermanos en la ajuda, lo izieron ke partio S. Mochonatche, el mizmo, por el Vilaet de Salonique, por buchkar a poder kovrara, las havales, ke tenia el S. Naimatche, seja de estas ke las tomo, por el asker ke mantuvo en iderne, komo tambien i de las ke tenijan, la banka de Kostan, de koando eran Haverim kon el S. Baruhatche, i estuvo vijajando, en las mas muntchas sivdades de este vilaet, i kon las muntchas rekomendasiones, ke el ja las tenija seja para el Vali komo tambien i para los mutesarifes i kaimakamis, i el tambien ke ja era mui pratik, de estos etchos, ja foe ke reucho a poder kovrarle la mas grande partida, i siempre ja era ke si las iva i remetiendeselas, a S. Naimatche, ke lo mizmo tambien era ke lo azija i el S. Chemoelatche, ke estava por las partes de el Vilaet de Iderne, i todos los 2 estuvieron viajando longo tiempo, sin ke ejos meravan nada de otro etcho, solo i solo, por vinierle en la ajuda, i sin dinguna paga ke mizmo los gastes de el vijaje si lo gastavan ejos de sus petcho, ma a el S. Naimatche, non li era bastante esto, porke el tenija kon muntchos kontos,

Ejos los 2 ermanos ke tenijan de parte en el balkan

1454         Biografia de S-res Mochonatche, i Chemoelatche, J. Arié i Behoratche.       1883

de Kiostandja, el 15 % i en este anio ke vinieron unos makedonijalis, ke eran maestros de bitchkis kortadores de tavlas, i en el ditcho balkan ke ja avijan muntchos arvoles por esto, foe ke vinimos, en un akordo Jo Tchelebi kon S. Refaelatche, ke tenijamos de parte en este balkan el 50 % i S. Davitchonatche, ke tenija el 35 % i les dimos la lesensia por ke izieran 5 bitchkis por el presipio sovre a 40 liras de kira a el anio por kada betchki, i ke mas tadre siendo ke ja pagavan la kira mui en boena regla, los alesensimos por ke lo izieran i mas, solo ke por desplazer estos todos eran latakes [yatakes], (madres por goadrar a los ladrones), ke avijan muntchas bandas de esto i ke se ivan a la granisa de el Turko, i ivan soidejando a los merkaderes ke vijajavan en la Turkija, i avija tambien ke lo enpesaron i azerlo tambien i en la Bulgaria, ke anke la polisija los presigija, ma torna kon todo, ejos lo ivan aziendo de jevarsen personas a los balkanes, ke kon esto era ke tomavan mas kolai moneda, i foe en este tiempo ke si jevaron tambien i a S. Refael Arie, de uno de los balkanes de Kiostendil, i de la manera ke si pudo delebrar, ja lo eskrivi en su partida sigun el N. 427, de esta biografia, i ke tuvo grandes apretos, ansi de mizmo foe ke si lo jevaron tambien i a S. Jeuda B. Chelomo, ke estava en radoil en el maaden de S, Mochonatche, ke a este ultimo foe otra banda de ansi ladrones, i lo detinijan en los Balkanes de Rodopi, kamenando i foendo djunto kon ejos de Balkan en Balkan, koando los presigijan i era ke a este S. Jeuda lo ivan apretandolo porke eskriviera a Samokov porke li remetieran a lo poko 500

1455         Biografia de S-res Mochonatche, i Chemoelatche, J. Arié i Behoratche.       1883

liras, i esto fin a el tiempo de 5 dijas, i si en kavzo kontrario ke li ivan a enpesar a kortarli de el presipio el un braso, i denpoes la una patcha, i mas denpoes la una oreja i esta manera lo ivan a estar aziendole fin ke si morija, i S. Jeuda ke ja si los iva eskriviendoles todo esto a Samokov ma non era koza ni posible por rekojerle esta suma de moneda, i mas lo akavidavan por ke lis eskriviera lo todo ke foera en mui sikreto ke si en kavzo lo asijan saver a la polisija ke ejos ja lo ivan a saver de mas antes de sus jatakes, ke ejos ja los tenijan, ke iva a ser al punto aplomado, sigun ke esto ja lo izieron, en un krestijano ke si jamava Mihal Kristo oglu, eskrividor de suplikas, ke el koal ja era riko, i era de Samokov, i lo aferaron en el kamino viniendo de Dubnisa a Samokov, i lo mizmo era ke lo azijan i kon este, i lo detinijan kon ejos kanenando, de balkan en balkan, i le asijan eskrivir por ke li remitieran tambien 500 liras, i el koal ke ja tenija era ke lis iva eskriviendo a sus parientes por ke si las remetieran, a detras de las sinijales ke los ladrones ja li davan, i ke las decharan en tal lugar adebacho de tala piedra, i ke non lo izieran saver a dinguno por ke era ke lis rogava por ke si las remitieran de su moneda, ma los parientes lo izieron, esto sigun ke lis iva rogandoles otro ke ejos si aderesaron ala polisija i la polisija ke non decha azer esto de remeterles, kon la entision ke ejos ja lo van a delebrar, kon las foersas sujas, i anke ke la polisija tomo todas las mizuras, de mandar su armada, por los lugares ke estavan ma los ladrones ke ja tienen su jatakes, foe ke

1456         Biografia de S-res Mochonatche, i Chemoelatche, J. Arié i Behoratche.       1883

si los izieron saver de las mezuras ke si tomavan de la polisija, i por koal prezuniero, i los ladrones ke ja vian de los balkanes, ke vinija soldadirija kontra de ejos, i kon este S. Kristo oglu avija tambien i un prezoniero ke era Turko, i siendo ke era solo por el krestijano la gera ke ivan a azer, lo azen ke lo atan a el S. Kristo oglu en un arvol kon darle tambien i un plomo en su mano, porke vieran los soldados komo ke ja lis iva a tirar, i ejos los ladrones ke si resentaron mas adetras de el aprezado, i ivan tirando, de todas las 2 partes, i kon esto foe ke lo aploman propio los soldados a el aprezado porke estava atado, i los ladrones ke non podijan vinir kontra foe ke si foeron en dechando a el aprezado moerto, i denpoes ke si aserkaron foe ke lo toparon aplomado de sus parte a el ke ejos foeron a delebrar, i lo trucheron moerto a Samokov, (dicheron entonses ke foe kavzante, la rovadura de este, el S. Srebenikov, por razon ke li estava deklarandole un IDUD, demostrasion falsa,).

Visto a esto, su ermano el S. Josef, ke los jamavan Josef el de moni i Jeuda el de moni, lo poko, de moneda, ke pudo rekojer de entre los djidios, foe apenas una suma de 100 rublas, de i la koala suma las 50 rublas, ja si la dieron S. Mochonatche, kon su ermano, i sin tadrar, el S. Josef, se vistio, de unos vistidos viejos i arazgados, i si tomo kon si las 40 rublas, i las otras 60 si las decho en kaza kon la entision, ke si en kavso non podra kontentar a los ladrones, kon esta suma por venir de moevo a kaza, por tomar i las otras 60, i sovre ke lo izo de esta manera el non lo deskuvrio

1457         Biografia de S-res Mochonatche, i Chemoelatche, J. Arié i Behoratche.       1883

a dinguno, i el partio en una demanijana por el balkan a radoil, apie akompanijado, de una tojaga, (vara de palo) i enfelo en la tojaga una tchanta de un koero de kodrero, viejo i arazgado, i se metio ariento de esta tchanta pan moreno i en un kotiko de palo, kontiniendo sal i pimienta kolorada, i ala manijana ke el ja arivo en el lugar ande estavan los ladrones, i ke lo topo a su ermano Jeuda, ke estava atado, kon una larga koedra, de la patcha, i ke la detinija el uno de los ladrones, a el presipio non lo dechavan aserkar, era ke de enfrente kon las senias de las manos i los joros ke iva jorando, foe ke lo alesensiaron i se foe anlado de su ermano Jeuda, i se abrasaron i enpesaron todos los 2 a jorar, kon boz alta, i el voivoda ke lo siente esto foe ke los amenazava, foertemente, i kon unas koantas asotadas a kada uno, por ke non joraran ni ke gretaran, i ejos ke ja si akajaron, entonses el S. Josef, si li foe, ande el Voivoda i enpeso a rogarle kon torna jorando, i li djo las 40 rublas, kon ke si las metio en bacho en la tiera, i le dicho na ke esta suma es lo ke jo pude rekojer, ke jo vendi todo loke tenemos, i todos los 2 tenemos a 5 i 6 krejaturas, a kada uno, ja mi estach viendo ami la mia pozision, i esto es, ke mozotros somos los mas proves de todos los otros djidios, i es solo kon moestras sodores ke las mantenemos a moestras krejaturas, 2 ermanos somos, ke i jo mi vini aki i azeldo de mozotros koalo vos plaze, i moestras krejaturas ke moeran a el ambre, ke por esto es ke mi vini i jo, por non verlas jorar por pan, ala ora el voivoda li dize, vozotros ke soch djidios mi estach,

1458         Biografia de S-res Mochonatche, i Chemoelatche, J. Arié i Behoratche.       1883

enganiando, ke jo non mi krejo en nada de loke mi estas avlando, i el S. Josef li respondjo, ke es solo kon avlarvos ke vos poedo aservos kreer i kon merarmos en moestras vistas, i otra kosa mas kon nada, na ke i jo ja esto aki sigun ke ja volo diche mas antes ke para esto es loke i jo vine, i aze de mozotros todos los 2 koalo vos plaze, i kon una tchika riza el voivoda li dize jo so peadozo, i mal no kero de estos ke non tienen, tomate a to ermano i andavos, na i una rubla para ke gastech por el kamino, i non seja ke avlech a dinguno mas nada de todo esto ke mos paso aki, i le dezataron la koedra de el S. Jeuda, i partieron sin kreersen i se abacharon a el maaden de radoil, ande estava, i dormieron la notche, i ala maniana se vinieron todos los 2 a Samokov, i mas tadre el S. Jeuda si foe de moevo a el maaden de Radoil de S. Mochonatche, ke era el Nastoinik, i S. Jeuda ke era mui mansevo en este tiempo se li izieron los kavejos de su kavesa i barva blankos komo la nieve,

1. Behoratche ke era solo en Samokov era el ke si okupava solo en sus etchos i tambien kudiando por los menesteres de la kaza, i el si okupava tambien i por los etchos de el kolel, i estos de la echkola, i kon el etcho de el tchiflik era mas ralo ke iva por ke non avija ken ke estuviera en Samokov, el se iva de ves en koanto a Sofia por kovrar las kiras de las butikas ke las tenijan en el bezesten, ke i esto lis kalija siempre ke los foeran dolachijandolos por ke non pagavan tanto en regla, i ke non lo tenijan apartado kon el S. Davitchonatche, lo azijan ke ivan de todas las 2 partes, por

1459         Biografia de S-res Mochonatche, i Chemoelatche, J. Arié i Behoratche.       1883

non tener i algunas deferensias i entre ejos, i aparte ke ja tenijan los prosesos de los averes de el tiempo de el turko ke esto los atagantava mui muntcho, sovre todo ke ja lo tenijan i por los apretos ke los iva travando el S. Naimatche, en Kostan ke i esto lis foe de mizmo mas grandes sikletis fin reglarlo,.

            En el anio de 5644, li nasio a S. Behoratche, un ijo, ke si gustaron la familia entera a razon ke avija 15 anios ke ja avija kazado i ainda non avija parido, ke kon eja se izo lo todo sigun ke lo azijan en todas las paridas, seja kon los irse a komer, ansi tambien i kon los vijitares i los prezentes i los platos ke ja li mandaron la familia entera, i en el dija de el Birid konbedaron a la sivdad entera a komer, i lo jamaron Reuben, ke su madre lo aletcho i lo kudio, kon ke mui muntcho velado,

Los S-res Mochonatche, i Chemoelatche, ke estavan viajando por el kovramiento de las havales de el S. Naimatche, foe ke en este anio ja si vinieron todos los 2 por razon ke fin ande se pudo azer, los kovramientos ja lo izieron todo, i mas ke non tenijan por koalo restar, i anke todo loke buchkaron por sostenerlo a S. Naimatche, de los grandes apretos ke lo apretavan kada uno por sus averes foe enposible, porke era tambien ke mas ja non estuvo topando i moneda para prevalerse algo, i ansi foe ke non tuvo otro remedio,

1460         Biografia de S-res Mochonatche, i Chemoelatche, J. Arié i Behoratche.       1884

mas ke de detener sus pagamientos, sigun ke ja lo van a meldar en la partida suja, i esto mos foe para toda la familia, un mui grande ataganto i vergoensa komo ke mos metio un velo preto en las karas, de toda la familia, i arazon de esto uvo ke si i foeron kortando tambien i los kreditos de los otros miembros de la familia, i kada uno fin ke si pudo reglar ja tuvo i algo de danios, ma solo ke esto non turo tiempo i de moevo todos los kreditos de kada uno ja foeron en mui boena regla renovados, sigun de mas antes, solo ke los etchos foeron endo dija kada dija, mas kurtos, ke de koando vino el ruso foe ke trokaron en djeneral todos los negosios ke azijan la familia arié i ejos ke non lo pudieron las echpekulasiones de este tiempo lavorar era ke non azijan dingunos etchos i estuvieron komiendo siempre de lo pronto, i ansi foe ke foeron los enpesijos, de los kedamientos de la familia Arié, ke kale dizir ke siempre se ivan jevando por edea de algun trokamiento sigun ke era de viejo, i esto ke non foe ainda vino aser [a ser] komer i vender de lo aprontado de mas antes, ke ja son komo 40 anios, i esto es loke kiji dizir en algunos de los pasajes eskritos de mas antes, ke por desplazer, lo mas muntcho de los mansevos de este tiempo estan buchkando los empeigos mas antes de entremetersen en koala echpekolasion foesa de alguna merkansia, i non azen el konto ke esto non poede traer por los vinientes detras de ejos dingun adelantamiento a la Familia, solo ke el ke lo poede alkansar el empeigo de los postos mas altos, ja poede el solo bivir, i les van dechar por eredad a sus vinientes ke seigan siempre mosos, sotometidos

1461         Biografia de S-res Mochonatche, i Chemoelatche, J. Arié i Behoratche.       1884

sigun ditcho ke a S. Chemoelatche si li avija envistido esto de el djugar, foe ke lo mandaron de moevo por ke foera, a buchkar de kovrar de estos ke ja los tenija en los djuzgos i se asento en Filibe, ke esto de djuzgos ke ja es lo todo ala largia, era ke si estava en las kavanes, i lo azija tambien ke iva i djugando, ke muntchas vezes kedava i por las notches, i lo todo ke era el djugar kon paras, iva tambien i pidriendo, i unas koantas vezes lo izo ke foe travando kon tchekis, a samokov, i esto de a 40 i 60 liras, ke visto a esto anke ke ja le ivan eskriviendole, de Samokov porke si viniera, ma el non los sentija, ke sigun dizen ke tuvo un tiempo ande pidrio, una suma bien enportante, i se iva endevdando kon polisas, kon unos antereses grandes, i non topando otro molde lo izieron ke lo mandaron a S. Mochonatche su konijado a filibe porke podiera, konvenserlo i traerselo a Samokov ke lo izo por azerles el plazer i foe ma non lo pudo konvenser, i ansi foe ke si bolta en vazio, solo ke mas tadre ja foe ke lo enpesaron a apretar en filibe por esto ke ja devija i moneda mas ke ja non topo, ja foe de sujo ke se vino, i estovo algo de tiempo avregonsado, i su ermano ke lo foe tambien i algo akonsejandolo i en vezes tambien i amenazandolo, era ke non salija a la oda, i se iva ala kavane de el chichko, i era de mizmo ke iva tambien djugando i tambien i pidriendo, ke esto sigun el lo dezija era porke non eran de akordo los 2 ermanos, por sus deferensias, ke ejos las tenijan i lo azija por depedrer es ke iva djugando,

A razon de la katastrofa ke li arivo a el S, Naimatche

1462         Biografia de S-res Mochonatche, i Chemoelatche, J. Arié i Behoratche.       1884

era ke non salijan a dengun lugar de pasatiempo, i non estavan muntcho entre la djente, i eran mui avregonsados, i mui atagantados, i non azijan dingun etcho otro ke solo era ke reglavan algunos de los kontos de mas antes, i siempre eran sovre rekojidos, i koando si lis prezentava algunos merkadores de koal de sus mulkes foesa era ke sin muntcho merar lo vendijan,

los Hahamim ke meldavan en las tadres de los mierkoles por la alma de sus S. Padre ke las pagas ke lis pagavan ja lo tengo, eskrito mas antes, foe ke en este anio lis dicheron ke siendo S. Naimatche non lis podija mas pagarles sus parte ke si lo kerijan azer de meldar torna sin el 1/4 de S. Naimatche ke meldaran ma ke non ke i ejos non lis ivan a poder pagarles por sus djusto i los Hahamin ke ja foeron kontentes, foe ke lo kontinuaron

1. Nesimatche el ijo segundo de S. Mochonatche ke estava en Kostan en la banka de S. Naimatche, en este anio se vino i el a Samokov, sin ke avija resivido la paga, de el tiempo ke li lavoro, i li resto por mas tadre por koando se li iva a resentar, el etcho ke i esto koando ja foe resentado ja li pagaron de la kanselaria franseza de kostan, sigun de a todos los otros,
2. Davitchonatche, anke ke ja estava espartido de el etcho kon todos sus ermanos, era ke tenija i algunas tchikas deferensias por reglarlas porke era mui pontual el en los kontos ke non dechava pasar ni el santim lo todo parisiendole ke ja lo van a enganijar, i non si li enportava de azer revedijar a sus ermanos los

1463         Biografia de S-res Mochonatche, i Chemoelatche, J. Arié i Behoratche.       1884

kontos unas koantas vezes i esto por algunos santimos, i esto ke lis era mui grande ataganto ke non los dechava, repozados, i lo todo era lo mas muntcho ke lis salija a ravias, i en este anio ke lo izo tambien ansi i ke non tenijan las ganas por ansi tchikas kozas, de pedrer los tiempos, i siendo ke insestava, i los examenavan de moevo ma en esta ves lis foeron las ravias i las litigas mui grandes fin ke lis arivo el etcho, a palavradas litegavles, kon ke su ermano, el S. Mochonatche, li dicho, la kroeldad tuja ja la amostrates, en el tiempo ke moestro, padre estava en las agonijas, i tu foe ke tovites el kuraje, de azerte prontar, de Hr. Haim, un dokumento, para ke lo afermara moestro padre, or ke atorgara koal mente, ke ti enpresento a ti, 100,000 gr. i a Hr. Haim lo izites eskonder en la kamareta de la odjakli, por en akel momento ke tu li ivas a demandar, ke foera Hr, Haim pronto, seja komo ED, or ke afirmara por moestro padre, tu, non ti adjidijates de moestro padre, kon esto ke foetes kavzante de azerlo araviar, i akarijarle la moerte, mas presto, sigun ke ja ti kovalio, de la kamareta, i el S. Davitchonatche, ke si kijo defender, kon algunas razones de deskulpamiento, i S. Mochonatche, de tanto ke si aravio, li djo unas 2 dadas i korio adetras por mas harvarlo, i salieron fin alas poertas de la oda kon gritos de todas las 2 partes, i se rekojeron muntcha djente para espartirlos, i de este tiempo lis kavzo, ke estuvieran apartados i non si saludavan ni menos ke si vijitavan, ansi de mizmo foe ke i las mojeres tambien non si frekontaron longo tiempo, i en este anio foe ke S. Davitchonatche,

1464         Biografia de S-res Mochonatche, i Chemoelatche, J. Arié i Behoratche.       1884

troko el treser lugar en el kaal, ke si asentava anlado de su ermano i en una edeja ke tuvo si asento anlado de el S. Mairutcho Alkalai ke en el koal lugar ja si asentava i el Padre en vezes, i koando ja foeron estos pleitos, si asento anlado de la poerta, ke era el logar de H. Jeudatche Koen ke lo keto kon ke li djo unas koantas paras i esto lo izo por salirse presto de el kaal por non dizirle a el ermano seja el Chabad Chalon or seja el Moadim lesimha, ke si uza a saludar a los parientes en saliendo de el Kaal,

En el anio de 5642, li nasio a S. Chemoelatche, un ijo, ke lo izieron i kon el sigun de todas las paridas, i lo jamaron Jeuda (LEON)

En el anio de 5645, S. Chemoelatche anke ke ja estava a Samokov, ma non estava kiriendo ir ala oda por merar algunos de sus etchos, i esto era por ke non estavan de akordo kon su ermano, por algunas deferensias ke ejos las tenijan, i era koando ja salia se iva ala kavane,  i estava djugando, por depedrer, sus penserios, i su ermano ke li es tambien i esfoegro, li era mui grande ataganto i siempre ke lo iva akonsejandolo el era ke nada non sentija, i mas tadre ke ja non lo podija mas somportar era ke lo jamava, por dizirle si era ke non kerla mas estar en un lugar ja si poeden i espartir i kon esto ke el ja foe de akordo foe ke si enpesaron a merarsen los

1465         Biografia de S-res Mochonatche, i Chemoelatche, J. Arié i Behoratche.       1885

kontos, para espartirsen, ke esto lis turo komo 2 mezes, fin ke lo podieron reglar i rekojer sus bilanso, i li entregaron a el esto ke li revino, en moneda sonante, ke kon los mulkes i kazas i otras kozas ja lo tenijan kada uno por si aparte, ma el non foe kontente de estos kontos, ma esto era loke tenija, porke el si gastava mas muntcho de loke tenija de revinido, i tambien todo esto ke foe pidriendo en los djugos era lo todo por su konto, i kon esto mas non entro en la oda de su ermano, i S. Mochonatche kon su ijo, ke restaron solos ejos si resentaron de moevo sus livros i enpesaron a kontinuar, por sus kontos el lavoro ke lo lavoravan, i S. Nesimatche, su ijo el sigundo ke ja estava en Samokov, era ke non tenija en koalo enbeveserse otro ke era solo ke si entremetija en ir abastisiendo los menesteres de la komania para la kaza ma de esto ja foe mui enfastijado,

Sigun ditcho por el S. Chemoelatche ke non estuvo de el entodo kontente de loke resivio de la espartision, de su ermano, el lo izo ke si foe a Kostan ande su ermano S. Naimatche por demandarle ke el non estuvo kontente de la espartision i ke lo kere renovar todos los kontos seja este de su ermano de Samokov komo tambien i este de S. Naimatche, ke por las piedritas ke tuvo S. Mochonatche en las operasiones de los djugos de la borsa de kostan, ke el non poede tomar parte, por razon ke el estubo en Samokov, jevando los mil males de los Rusos, para goadrar sus bienes, i ke todos ejos gozandosen en kostan, de todo lo boeno i ke ejos ke esten gastando, sin koenta i pidriendo por sus plazeres, i alos kavos ke este i el de

1466         Biografia de S-res Mochonatche, i Chemoelatche, J. Arié i Behoratche.       1885

tomar parte en los sujos gastes i piedritas, es ansi ke a dingun presio el non atcheta, i esto todo el S. Naimatche ke si lo iva eskriviendo a su ermano en Samokov, de esto ke lo iva mui muntcho afedentandolo, i sovre todo i amenazandolo, li rogava por ke merara el molde de ketarselo de ensima i ke si foera de Kostan, ke el non tiene el tiempo para sintir estos amenazos, i ke a el ja li abastan, esto ke el ja esta jevando, de sus kreditores, ke lo ivan apretandolo de dija i de notche, i a esta kavsa era ke S. Mochonatche se iva mui muntcho sikilijando, ma non tenija loke azerli, solo ke le iva eskriviendole, ke en los kontos non tiene nada, de koalo reklamar, ansi de mizmo, i de las piedritas i los gastes de Kostan el non tomo nada de parte, otro ke el pedrio sumas grandes de moneda, en los djugos de las kavanes, ke foe djugando en filibe, pazardjik, i samokov, i non si lo kulpa dinguno de loke no kijo sintirmos, koando li ivamos eskriviendo, i jamandolo porke si viniera, ke aparte de todo loke iva kovrando de los averes ke ja lo iva pidriendo, ainda mi travava i chekis por ke si los pagara, es esto las mankuras ke el las tiene, i kale ke non li des nada de repoesta, i visto a esto foe ke i S. Naimatche mas non lo kijo resivir, i el estuvo en Kostan, fin a el anio de 5646, i visto ke de S. Naimatche el non topo dingun protejo, lo izo ke si adereso a el konsolato, Franses i reklamo por vija de el konsolato, sus demandas, ma siendo ke i esto non reucho, i gaste ke tenija grande foe ke si vino a Samokov, mui kechozo, i non si akarava kon su ermano longo tiempo,

1467         Biografia de S-res Mochonatche, i Chemoelatche, J. Arié i Behoratche.       1885

En este anio li nasio a S. Chemoelatche una ija i la jamaron Rachel ke kon eja tambien se izieron todos los uzos de las paridas, i su madre la kudio, i la aletcho,

En kaza ja era ke lo pasavan mui bien, i a S. Mochonatche en este tiempo, era, ke lo pasava lo mas muntcho kon los livros de los estudios de la Gemara, el si lo jamava a Hr. Avraam ke era el Rabino de Samokov, i estavan estudiando en la gemara i algunos de los otros estudios, el era en todos los Chabatiod, i moadim ke lo azija esto, i siempre kon el ditcho Hr. Avraam, i en las notches de los alhades de el envierno, ja era siempre ke li vinijan i otros hahamim i estavan lo todo en estos estudios ke otro lingoaje non li plazia, por ke el ja estava al koriente de lo todo, de esto ke meldava las gazetas i de las moevas de la sivdad ja lo metijan al koriente sus amigos i parientes,

Sus ijos non estavan en el pasatiempo ke lo pasava su S. Padre, otro ke ejos eran en otra kamareta kon las mojeres ke lo pasavan, tuvo tambien i unos tiempos ande komija tambien i solo sea en los dijas komo tambien i en las notches, por ke non kerija avlar, ni menos sintir avlar, i en okazion ke era el menester de vijitar seja ande los parientes komo tambien i ande los amigos era ke se iva el solo i denpoes los mandava a jamar a su familia, i ja se li ivan ala plasa era en algunas tadres ke salia, ke lo mas muntcho era ke se iva a la butika de S. Mairutcho Alkalai, i a su kontoar era mui poko ke iva i se estava tambien poko, i koando a S. Mairutcho non lo

1468         Biografia de S-res Mochonatche, i Chemoelatche, J. Arié i Behoratche.       1885

topava en la butika lo azija ke si boltava atras a su kaza ke a otro lugar non iva, i en estas saliduras a la plasa, su kamenado era muntcho de avagar, ke regularmente la persona ke si podija ir en 10 puntos el era ke si iva en 25 puntos, i muntchas vezes i en media ora, i en kamenandose por ir ala plasa era ke siempre iva avlando, solo, i muntchas vezes ke avijan djente a detras de el era ke lo sentijan esto ke lo iva avlando, ke en vezes si li avlava tambien i mas foerte, i en vezes tambien el azija i algunos djestos i kon las manos, de esto kale entender fin a koal grado el estava undido en sus penserios, ke non via ni merava koando tenija otra djente seja detras de el komo tambien i adelantre, i de esta manera li turo algo de tiempo ke mas tadre ja li paso, i dava a lo todo de pasadas, ke el ja era una persona mui pasensioza,

1469

Asta aki si eskapa la partida, de el tiempo ke estuvieron haverim, los 2 ermanos S-res Mochonatche I Chemoelatche, kon S. Behoratche,