חתימת הביוגרפיה: זכויות, סיכום וברכת השושלת

2102                                                               LIBERO.

Sigun ke ya lo eskrivi en los No. 501, i 950, de esta

Biografia sovre ke ya poede kada miembro de la

Familia Arié tomarse kopia seya de su partida solo or

de ande lo kere por alguno ke kerla kontenuar

adelantre es de mizmo libero, en adjuntando ke non

poede a merkadiyar kon el por vender a otras

familias, solo ke en kavso ke la komision de el

Midrach Arié, i kon la lesensia i kontentes seya en

mi tiempo or seya denpoes de mi si deve de tomar de

prima la kontentes de mi ijo Jean de la forma ke si

tiene de enplear la suma ke si resivira, or de tomar i

el parte altramente dinguno non lo poede azer i el

yeno deretcho lo tengo yo i mi ijo Jean kon todos los

vinientes detras de el

2103                                                   FROTCHIGOAMIENTO.

En el anio i linaje, de Hr. Tchelebi Moche a. Arié. el frotchigoamiento, i el montchigoamiento, de almas, foeron en el tiempo, de 99 anios, kontando de la data ke kazo, ke es en el anio, de 5545 nasio, i en el anio de 5562, kazo, i en el anio d 5597 murio i fin a el anio de 5660-61, ke eskrivi la dita biografia, demostra, ke foeron todos los nasidos, 94 almas, i paridos de 21 madre, i las koalas foeron, las 7 madres de la Familia Arié. i las 14 madres de deferentes familias i de sivdades, i de los koalos nasidos foeron los 48 matches i las 46, embras, i mientres de este tiempo murieron las 18 almas, delas koalas los 10 foeron matches, i las 8 embras, de una edad proporsional de 42 anios, ke adjuntando, i las madres, ke ya bivas i agora, anke son de otras familias, i ke son 9, ke las koalas ya entran en la familia Arié, son en koenta todos los bivos, 85 almas, de las koalas los 38 matchos, i las 47 embras, lo todo fin a este tiempo de 5674 ke esto eskriviendo la dita, es ke ni el un miembro non biven en Samokov, i los mas muntchos estan en Sofia, i algo en Filibe, i kon las embras ke ya estan kazadas todas biven en deferentes sevdades,

2104                                       FROTCHIGOAMIENTO GENERAL.

El frotchigoamiento i montchigoamiento General de la Familia Arié de koando vino a Samokov, el premero, Sr. Avraam Arié de Vidin en el anio de 5553, ke vino kon 4 almas, es agora fin a el anio de 5660-61, ke eskrivi la dita Biografia ke salieron de sus ankas en koenta, todos los nasidos, foeron, 215 almas, de los koalos foeron kon las 4 almas ke vinieron de Vidin, los 108 matchos i las 107 ambras, i paridas de 51 madre, de las koalas foeron las 11 de la Familia Arié i las 40 de otras familias, i de las koalas almas nasidas murieron las 50, ke son los 22matchos i 28 embras, de una edad proporsionel de a 42 anios, i adjuntando i 27 madres ke ya entran en la familia Arié. son todos los bivos fin a el anio de 5660-61, almas 198, i esto en un tiempo de 110 anios ke estuvo la Familia Arié en Samokov, entre matchos i embras,

2105                                                   DADIVA DE DIO

Sigun ke en todas las partidas de este Linaje, de Hr. Tchelebi-Moche A. Arié, ke ja lo meldaron, ya lo vieron el poder, i la grandeza kon la enfloensa, ke todos eyos en general la tuvieron,

Eyos en general i en lo todo, en koalo foesa ke eyos, metieron mano, seya por negosio, seya por defendersen i por koal un ke koza foesa, ya foe ke en lo todo reucheron, i por nada non boltaron en vazio, i por koalo es ke mos kale dizir ke arivaron en esto?

            Si poede dizir ke es el MAZAL, or alguna koza otra, a tiempo, ke i eyos sigun de los otros Linajes, ya son todos unos, i de propia mizma sangre, i koando estos 3 ermanos si espartieron, foe de mizmo a igoal parte, ke tomaron, i loke uvo por demaziya foe, ke los 2 ermanos Hr. josef, kon H. Refael, ya lo tuvieron pronto sus negosios, i enkamenandolo kon la mas grande entendensia, sigun i de mas antes ke ya lo teniyan, i el Hr. Tchelebi, foe limpio, sin tener dingun etcho i foe ke enpeso komo si dize de la ALEF BED, i anke ke los todos ya lavoravan kon la mas grande entendensia, torna kon todo foe, sigun ke los 2 ermanos, arivaron en tiempos de estretchuras, lo mizmo foeron i mas grandes las estretchuras de Hr. Tchelebi, fin a el grado, ke si izo nervozo i tuvo la pohondra, es a dizir ke todos 3 ermanos arivaron en igoal pozision,

No, es de demandar, por koala razon, ke venga a ser, ke solo los djerenansios vinientes de Hr. Tchelebi, ke tengan el solivantamiento, i los otros ke non lo tengan, i sigun ke ya lo meldaron

2106                                                   DADIVA DE DIO.

por la entelejensia, en general de todos los djerenansios, vinientes denpoes de los 2 Linajes de Hr. Josef, i H. Refael ke ya eran muntcho mas grandes de los djerenansios vinientes denpoes de el Linaje de Hr. Tchelebi, i ke anke non si poede dizir nada sovre ansi koza ke es sikreto de DIO, ma yo mi permeto a dizir, ke siria poede ser, el non pedrer el kuraje, i ser foerte de energia, i sin pensar atras en ansi okaziones, sigun dize el proverbo, (el ken arichka es ke pichka,) i los otros 2 Linajes ke si veye ke foeron deskorajados, foe ke si etcharon a detras de los enpeigos, i kontinuan i fin agora, kijendo torna dizir, ke li kale ala persona nunka de non pedrer el kuraje, i de tener la pasensia, kon i kontinuar, solo en la merkansia, ke aparte ke esto es binditcho de el DIO, tiene i por mas, de non ser dependiente

Sovre ke este Linaje de Hr. Tchelebi, ke ya foeron i en general todos engrasiados, kon la dadiva de el DIO, aser poderozos i enfloensados i respektados, ya es klaro a todos,

2107   El Sr. Avraam M. Arié I. es entetolado de sus ijos por sus djenerasion

De Hr. Tchelebi-Moche A. Arié.

Kon Tch. Jeuda, el deretcho de la BEHORA por la Familia Arié.

Kon   "   Gavriel, devino toda persona ermoza de forma en Arié.

Kon   "   Avraam kontinua su nombre de padre a ijo, en Arié.

De Hr. Josef A. Arié.

De H. Merkadutcho, la entendensia en la Familia Arié.

De H. Elijatchuno, la entelejensa en la Familia Arié.

De H. Rabenutcho la eskritura en la Familia Arié.

De H. Refael A. Arié.

De su uniko ijo H. Avramatche R. Arié el kante en los Aries.

2108

Asta aki si eskapan todas las partidas de la

biografia en general, de la Familia Arié, ke bivio

en Samokov, de el anio de 5553 fin a el anio de

5661, ke el alto DIO, mi dyo la foersa i tuve el

koraje para kompozar, i eskrivirla yo mizmo, i lis

demando el pardon por las mankuras de algunas

eskrituras, or demazia, eskrito aki en Sofia fin a

el 24 Avgusto 1914 i el 15 Ilul 5674.

Moche A. Arié Tchelebi.

2109                                                   Table de lo kontinido

.

de No.      1.   fin   No.    7.  la prefas, deretchos, i reglamientos,

"     "        8.  "      "     16.   ke nasio el Sr. Avraam M. Arié ke vino  el primer a Samokov, i sus pasajes de Viena

"      "      17.    "      "    55.  los pasajes de su estar en Vidin.

"      "      56.   "       "   71.    "          "      de el Sr. Avraam en Sofia

"      "      72.  "     "    78.    El kontebido, los karakteres, kurtamiento, titolos, yeros, en la Familia Arié.

"      "      79.   "      "   262. los pasajes de el Sr. Avraam en Samokov.

"      "    263.   "       "   268.    a memeoria, i la espartision de los 4 ijos de el Sr. Avraam.

"       "    269.  "      "    277.   Biografia de H. Refael kon su ermano Sr. Haimatche, fin a el anio de 5591.

"        "    278.  "      "   321.  Biografia solo por H. Refael fin 5605.

"        "    322.  "      "  327.       "           de  H. Refael kon su ijo H. Avramatche

"        "     328.  "     "  374.         "          "   H. Avramatche R. Arié fin  5623

"         "    375.  "     "  414.          "          "   Sr. Refael kon su padre   "   5638

"         "    415.  "    "   438.           "         "    "        "      i M. Davi A. Arié

"          "   439.  "     "  450            "          "   "        "      A. Arié solo fin 5648

"          "   451   "     "  466            "          "   "         "     A.  Arié kon su ijos en Richon le Sion fin a el anio 5652

"          "   467   "     "  480     Biografia de los ijos de sr. Refael A. Arié sus estar en Richon le Sion.

"          "   481.  "     "  505.   Biografia de M. David A. Arié en estar, En Jeruchalaim i en Tunos.

2110                                                   Table de lo kontinido

.

De  N. 506.  Fin  N.  531. Biografia de Hr. Josef A. Arié 5592

"     "    532.   "     "    569.   "         de H. Merkadutcho kon su ijo

"    "     570.   "     "    577.   "          "  Sr. Josef Mihael Arié, en Berkovisa.

"     "    577.   "     "    590. Biografia  de Bu. Ruzu mujer de H. Merkadutcho en Berkovisa,

"     "     591.  "      "    593. Biografia de Sr. Mihael Josef Arié en Berkovisa,

"      "    594.  "      "    603. Biografia  de H. Eliyatchuno i H. Rabenutcho soto sus madre la Bu. Revka.

"       "    604. "       "   627. Biografia de H. Eliyatchuno i H. Rabenutcho Josef Arié fin a el anio de 611

"        "   628.  "       "   662. Biografia de H. Eliyatchuno J. Arié,

"         "  663.  "        "   698.         "    de Sr. Refael A. Arié kon su madre Bu. Bulisu.

"          "  699.  "       "   711.  Biografia de Sr. Refael E. Arié kon sus ijos,

"          "  712.  "        "   766.  Biografia de Sr. Behoratche Josef E. Arié fin a el anio de 5653.

"          "  767.  "         "  780.           Biografia de Sr. Sabat i Rahamim Arié

"          "  781  "         "  .832.         "         de Sr. Nesimatche Eliya N. Arié.

"          " 833.  "         "   846.         "         "    "   Gavriel i Eliyatche N. Arié

"          " 847  "         "    901.         "          "      H. Rabenutcho Josef Arié

"        "   902.   "        "    909.         "          de  Sr. Behor David Arié.

2111                                                   Table de lo kontinido

.

De   N.    910 fin   N.  954.  Biografia de Sr. Jeuda i Josef D. Arié.

"       "     961   "     " 1014.      "        de Hr. Tchelebi Moche A. Arié.

"       "    1015.  "    "1173.      "          " Tch. Jeuda, Gavriel i Avraam M. Arié. ke foeron Haverim.

"       "    1174.  "   " 1211.    Partida de Tch. Jeuda i Avraam M. Arié.

"       "    1212.  "   " 1220.        "         "     "        "     "        ״        "     "  kon S-r Mochonatche i Davitchonatche.

"        "   1221. "   " 1355.     Partida de Tch. Jeuda i Avraam, i s-res mochonatche, Davitchonatche, Naimatche i Yo Tchelebi, en tiempo de Haverim.

"         "  1356. "    "  1398. partida de S-res Mochonatche, Davitchonatche, Haimatche, Chemoelatche, Haverim.

"           " 1399. "   "  1405.  Partida de S-res. Mochonatche, Naimatche i Chemoelatche Haverim.

"          " 1406. "   "   1469.  Partida de Mochonatche, Chemoelatche, J. Arié i su ijo Sr. Behoratche Haverim,

"         " 1470.  "    "  1517.  partida de Sr. Mochonatche kon su ijo Sr.  Behoratche.

"          " 1518.  "   " 1571.   Partida de Sr. Davidtchonatche kon su Ijo Sr. Haimatche,

"           " 1572.  "    " 1606. partida de M. Bulusutcha, kon sus ijos,

"           " 1607.  "    " 1629.       "       "  S-res. Leon, Lusien, jeaqe, D. Arié.

"           " 1630.  "    " 1643.       "       "      "     Haimatche D. Arie.

"           " 1644.  "    " 1659.       "      "      "      Jomtov D. Arié.

2112                                                   Table de lo kontinido

.

De  N. 1660.  Fin  N.  1731.  Partida de Sr. Naimatche J. Arié en Kostan

"       "  1732.    "     "  1758.        "       "  "  Chemoelatche J. Arié.

"       "  1759.    "     "  1800.        "       "  Tch. Gavriel kon su ijo S. Behoratche

"       "  1801.    "     "  1909.        "       "  Sr. Behorache kon su ijo Sr. Moche

"       "  1910.    "     "  1926.        "       "    "            "            "    "    "   " Jechua.

"       "  1927.    "     "  1932.        "      Sr. Mochonatche kon su ijo Bension.

"       "  1933.    "     "  1941.        "       "  Mochonatche Jshak Arié.

"       "  1942.    "     "  1952.        "       " Bension M. Arié en Filibe.

"       "  1953.    "     "  2021.        "       " tche. Avraam kon sus ijos Moche i Refaelatche Haverim.

"       "  2022.     "     "  2039.   Partida de mi Tchelebi kon Sr. Refaelatche en el  tiempo de Haverim.

"       "  2040.     "     "  2069.  Partida de Sr. Refaelatche A. Arié.

"       "  2070     "     "   2101.       "       de mi Tchelebi Moche A. Arié.