קורותיו של סניור אברהם בסופיה

56

De aki en delantre vo a eskrivir la BIOGRAFIA, kon algunos PASAJES, en su estar en SOFIA, antes de vinirse a SAMOKOV.

57    BIOGRAFIA, i algunos pasajes de S-r. ABRAAM M. ARIE, I, en SOFIA.    1792

5552

El S-r ABRAAM M. ARIE I, ke partio de VIDIN a pie, kon su poko bagaje, i kon un baston en su mano, en el propio dia, se adjunto kon otros 2 viajadores, ke si vinian tambien para SOFIA, i viajavan djuntos sin ke konsintieron el kamino dingun gaste non izo por el kamino reservandose los 10 groches, por koando iva arivar en SOFIA, los ditchos 10 groches para akel tiempo non eran poko, arazon ke en akel tiempo la moneda al koriente i de el negosio era, ASPROS, i los 10 groches de akel tiempo son igual a 10 liras turkas de oro i esti konto, ja lo van a meldar mas adelantre, el viaje de VIDIN, fin SOFIA, li turo 6 dias, fin a este tiempo a dingun lugar non tinia viajado, es ansi ki esti foe el primer viaje.

Foe en dia de viernes ke arivo a SOFIA, en la medio dia i ja si keri entindido ke, ja estuvo kanso del viaje, el si abacho en un HAN, (Hotel) denpoes ke ja repozo un poko si lavo la kara i los pies, i se troko el vistido, i salio a la PLASA por merkarse algo de komania para el CHABAD, i denpoes si vino a el HAN, i de moevo si lavo mui bien por resivir el dia de CHABAD, i si foe a el KAAL, denpoes ke ja dicheron a la MINHA i el ARVID, se vino al HAN, dicho KIDUCH, i komio, i si etcho a durmir ke non si sentio la notche entera i a la maniana si foe de moevo al KAAL, dicho la TEFILA, i se vino de moevo al HAN, i mas el dia entero non salio del HAN guadrando el dia de CHABAD.

58     BIOGRAFIA, i algunos pasajes de S-r. ABRAAM M. ARIE, I, en SOFIA.     1792

Koando ja amanisio el dia de Alhad, si salio a plaza por konoserse kon algunos djidios de SOFIA, i tambien entender las merkansias ke si azen en SOFIA, ansi foe kamenando 3-4 dias ma non estava nada topando, ande aserkarse, al presipio foe muntchos korajioso, ma koando ja pasaron 3-4 dias, ke non avia topado por ke dinguno non li demando, ken era i de ande vinia i para koalo vino, i tambien ke avia gastado los 2 groches, entre el viaje i en el tiempo ki esta en SOFIA, si penso entre si, por al prisipio, topar un lugar ande empeigarse^[20], mismo ke foera kon la mas tchika paga, i ansi foe sigun kada dia de maniana ke si salia ala Plasa, era en el dia Djuevis tambien ke si salio, i kamenandose por la Plasa de los AHTARES, (droguistos) lo jamo un sierto Djidio de su BUTIKA, al punto si li aserko, ke li demando, ken era, i de ande vinia, i para koalo vino a SOFIA, i la razon ke li esta demandando, es porke lo a visto unos koantos dias ke va kamenando por las plazas de SOFIA, en vazio i ke para su butika tieni menester de un empeigado, i si es ke lo keri ser esto ke li dichera, i el S-r. ABRAAM, denpoes ke sintio todo esto ke li demando, kon grande repozo li respondio, en iziendole, ke era de akordo por empeigarse, i li konto kada su estoria, adjuntandole tambien ke era patron de FAMILIA, i ke la tiene en VIDIN, a la ora li dicho va bien, i ti vo a poder pagar a 8 groches al mez, kon ke los dias de CHABATOD, i

59       BIOGRAFIA, i algunos pasajes de S-r. ABRAAM M. ARIE, I, en SOFIA     1792

los dias de los MOADIM, ke iva a estar en su kaza a komer i  dormir, i kon los dias de la semana ke iva a komer i dormir en otro lugar, i el S-r. ABRAAM I. kontentandose a estas kondisiones en akel dia mizmo resto en la BUTIKA, ke era de el S-r. NESIMATCHE^[21] FARHE, vindidor de los artikolos de AHTARIE,^[22] (drogueria^[23]) los desendientes del S-r. NESIMATCHE FARHE, son agora en este tiempo, los S-res. de la Firma ke jevan A. N. FARHE, i entre los djidios los jaman los Farhitos, vindidores de las artikolos de GALANTIRIA.

Mozotros todos los desendientes del S-r. ABRAAM I. somos uviligados [uvligados] de serli mui bien rekonosientes, a todos los Signores desendientes del S-r. NESIMATCHE FARHE, seja los ke biven aki en SOFIA komo tambien i ande avra de esta FAMILIA, por el bien izo a moestro AVOELO, S-r ABRAAM M. ARIE, I. en el tiempo ke estuvo en SOFIA

 El S-r. ABRAAM I. kon grande atansion, lavorava en la BUTIKA, del S-r. FARHE, i S-r. FARHI, tambien lo enbezandolo i amostrandole todos sus artikolos, de su BUTIKA i en pokos dias el S-r. ABRAAM I. alkanso a poder konoser los mas muntchos artikolos de la BUTIKA, i ansi era ke S-r. FARHE se topava muntcho kontente de su moevo empeigado.

En pasando komo 15 dias el S-r. ABRAAM I, li demando del S-r. FARHI, su S-r. en rogandole porke li diera la media mezada ke li keria mandar a su mujer en VIDIN, algo de moneda

60         BIOGRAFIA, i algunos pasajes de S-r. ABRAAM M. ARIE, I, en SOFIA     1792

 i S-r. FARHE, sin en nada refuzarle, li dio 10 groches i li dicho, ke su mezada va aser 10 groches, ke sovre ejo el S-r. ABRAAM, si lo rengrasio, i estos 10 groches ke resivio si los mando todos a su mujer en VIDIN, en aziendoli saver tambien por el viaje ke lo paso mui boeno, i ke ja estava sano i boeno i ke ja topo un boen lugar ande lavorar kon su boena paga, i la akavedava^[24] tambien porke kudiara por sus kriaturas i non decharlas sufrir por nada tambien i eja misma non apretarse por nada ke el DIO ja si va apeadar de ejos, i mas non kudiara por el ke ja estava mui boeno, i kartas ke li mandara koanto a su S-ra MADRE, li eskrivio porke la kudiara i ke li diera los 2 groches, i komo lo kiria ke si foera a su kaza, porke estava kon los otros ermanos el S-r. ABRAAM I, topandose kontente ke ja remetio a su mujer i sus kriaturas moneda era en mui grande repozo ke por su menester de gasti ja tinia ainda moneda de la ke si trucho de kaza, en la butika iva dia kada dia engrandisiendose el etcho i en mizmo tiempo si iva enbezandose los modos de MAADJUNES,^[25] ke los azia S-r. FARHE, de modos de drogas [m]leskadas i etchas en polvo, i denpoes amasadas kon modos de azeites de jervas ke las kitan kon alambik, komo menta kajaput^[26] i otras, i estos MAADJUNES, los azia de mountchos modos, los unos servian por purgativ, i los otros por traer foersa a los ombres, i otros por deferentes dolores, ke tinian las personas, ke lis azia efeto, i todos los empliavan estos MAADJUNES, sovre

61       BIOGRAFIA, i algunos pasajes de S-r. ABRAAM M. ARIE, I, en SOFIA      1792

todo los Turkos mas muntcho, porke en akeos tiempos non avian medikos sigun ke ai agora, otro ke era solo kon ansi MAADJUNES, i azeites, de las jervas de los kampos ke las rekojian por el enverano, i se sirvian kada uno por si para el menester de sus maladias ke sufrian, sigun ke kada uno ja lo tinian resivido de Padre a ijo, kuala droga or azeite servia para kada maladia, i el S-r. ABRAAM, los ditchos MAADJUNES, si los enbezo mui bien i los azia kon muntcha atansion, i ansi era ke dekontino dava de estos MADJUNES a los mas grandes BEGUIS, seja de SOFIA komo tambien ke vinian de otras sevdades deredor de SOFIA, i ansi foe ke esta BUTIKA alkanso a tener renome grande, i el S-r. NESIMATCHE FARHE patron de la BUTIKA visto ke su empeigado el S-r. ABRAAM I, ja la estava mui bien enkamenado la butika, foe ke li dicho ke esta mui bien kontento de su lavoro, i ke por endelantre tiene de resivir por su paga a 15 groches al mez, i li dicho mas ke por endelantre ke la enkamina la BUTIKA, sigun de su boen pareser, i ke la BUTIKA es konfijada enteramente a el, i el S-r. FARHE enpezo a vinir a la BUTIKA mui ralo, sovre la pujita de la mezada, i de esto ke tuvo la konfiensa de entregarli la BUTIKA entera, el. S-r. ABRAAM I? li dio las grasias menesterozas, i sin dingun trokamiento, menos kontinuamiento, iva kontinuando en su lavoro, i li era mui oumilde al S-r FARHE, i en pasando komo otros 3 mezes de este tiempo la BUTIKA ja se gano mui grande RENOME, i ansi foe ke enpesaron a konoserlo al S-r. ABRAAM I. komo patron de la BUTIKA, i tambien

62     BIOGRAFIA, i algunos pasajes de S-r. ABRAAM M. ARIE, I, en SOFIA     1792

enpesaron a vijitar en esta BUTIKA aparte de los BEGUIS de SOFIA i de otras SIVDADES ke ja li vinian, foe ke vinieron tambien i de los HAJANES, or ISPAIS, ke estos eran las kaveseras de los JENI ITCHERIS, komo unos PRENSIS, ke avian en las mas muntchas SEVDADES, de la TURKIA, estos ISPAIS, eran ejos ke governavan la SIVDAD, i los KAZALES, a su deredor, eran ejos ke tenijan el poder de nombrarles dasios a todo el poevlo, el rekojia los diezmos de los trigos de los karneres, DAMGUA PARASI,^[27] una forma de komertcho de una SIVDAD a la otra i mas todo modo de dasios ke los kovran todos los GOVERNOS, i esto todo si rekojia para su kacha, ejos tinian jusgadores para jusgar a su poevlo sea en merkantil komo tambien i kondinar a la moerte i a prezo, lo todo kon las leis del MUHAMED, i al sus boen pareser, tenia aparte SU-BACHIS^[28] ke eran los KOMANDIRES, de la POLISIA, djunto sus DJANDARES, seja por el repozo de la SIVDAD, komo tambien i por los KAZALES, i todo el gaste ke si azia por el sostinimiento se azia de la KACHA, di el ISPAI, i mas tinia el poder koando tenia el menester de lavoradores, komandava ke kada persona de 20 anios fin a la edad de 40 anios ke divian lavorar a 5 fin a 10 dias a el anio i esto era la kantedad de lavoradores ke kira los jamava kon sira, i kalia ke si trucheran sus mantimientos de su kaza porke el non los mantinia, ni menos ke lis pagava dinguna paga, dinguno non tinia

63        BIOGRAFIA, i algunos pasajes de S-r. ABRAAM M. ARIE, I, en SOFIA.      1792

 el animo de vinirle en alguna kontra de esto ke koalo foesa ke iziera, era ke al punto li kortava la kavesa, i non avia ande konjorarse, estos Hajanes tenian de kontino de 300-500 mansevos solo TURKOS, armados, sigun las armas de akel tiempo, ke eran una FLINTA, or garabina kon tchakmak, 2 PICHTOLES, plomo^[29] tambien kon tchakmak, i para aplomar^[30] kon estas armas eran muntchos djidios ke prontavan FUCHEKIS^[31], atando a la kavesa del fuchek una piesa redonda de kruchum (plomo) de pzo [pezo] de 15 dramas (49) gr. i ariento de fuchek ke era de godro papel vertian 5 dramas (16) gramos de BARUT, (polvora)^[32] ke kon esto entchian la flinta i los plomos apretandolo kon un arbi^[33] enstrumento de fiero kontiniendo arientro del arbi una macha i aparte un JAIAGAN, [jatagan] ke es un kotchio grande ariento de una vaina de palo etcha ermoza seja la Flinta komo los Plomos, i el Jatagan eran todos lavrados kon modos de pinturias en plata i oro i de deferentes kolores de piedras por depozitar los fuchekis tenian komo unas tchantaika en forma de una tabakera ermozas lavradas de plata atadas en unos zindjirikos de platas atados a una SILAH^[34], ke si la enkochavan en el bel (talia) etchas de koero en kolor kolorado or preto kontiniendo 4 i 5 fachas antchas la una mas estretcha de la otra kuzidas solo de los kenares kedando en medio en vazio para meter la ditchas armas debacho sus petchaduras, 3 dias a la simana los enbezavan a intchir los plomos i saverlos vaziar i mas otro dingun exersisio los enbezavan, sus vistidos eran de unos chalvararikos

64       BIOGRAFIA, i algunos pasajes de S-r. ABRAAM M. ARIE, I, en SOFIA     1792

 de amerikan godro mavi kurtos fin a las piernas i en las patchas unos tuzlukes apretados enbotunados kon koptchas los unos de panio i otros de aba godros lavorados kon gaitan delgado de seda i de klabedon en modos de rosas i ramos ermozos i ariva en las piernas rodias atados kon unos etek-baguis^[35] de seda chirites komo un dedo de antchura dechando enkolgar unos tchikos piskolikos de seda i en sima de esto una SAJOLA, de hase blanka muntcho enkojida en plises estretchos ke koando saltavan se antchava al deredor komo medio metro, kurtas fin a las piernas, i se las atavan en el bel ensima un kuchak de lana entel [en el] bel rodejados 4-5 vezes bien apretado i en sima esti kuchak si enkochakavan la SILAS, sigun ditcho el deposito de las armas, i en sima de todo esto una kurta hervani sin mangas i ivan del aire bolando en los pies se kalsavan de unas tcharukas^[36] de koero de manda medio chtaviado^[37] bien apretadas kon gaitanes i en las puntas unos piskoliko de seda kolorado era saltando i resaltando se kamenavan el mantenimiento era de 1 oka de pan al dia i por kondutcho era karni de karnero matcho i kon pilaf, aros i de todos los kondutchos, i kada dia lis davan kahve i en los dias de viernes lis davan zerde pillaf^[38], ke es aros buido kon agua i muntcho manteka i mesklado kon miel esto era por dulse i los detinia 3 anios los detinia en kazarmas separato para ejos dinguna paga en moneda non resivian otro ke sus parientes lis mandavan por algunos tchikos menesteres patikular eran mui repozados ke non azian a dingun nada 2 vezes ala semana los soltavan,

65      BIOGRAFIA, i algunos pasajes de S-r. ABRAAM M. ARIE, I, en SOFIA    1792

para ke si kamenaran i ke si vieran kon sus parientes i ke si tinian menester de merkarsen algunas kozas, ivan aser estos Soldados prontos para koandos el SULTAN, iva a tener algunas gueras, lis mandavan todos estos ISPAIS, de estos SOLDADOS ke prontavan, a sus gaste de los ISPAIS, por paga ke enpatronavan estos ISPAIS, sigun ditcho kada UNO una SIVDAD, kon sus KAZALES, ja tinian kortadamente la suma ke divian de pagar por TREBUTO, (dasio) al SULTAN, ke era komo por enchemplo, el ISPAI, de SAMOKOV, ke era MEHMED EMIN AGA^[39], el koal foe ke si lo jevo a SAMOKOV, al Sr. ABRAAM, I. pagava al SULTAN, en kada anio, 200 KESE AHTCHE, en moneda sonante, (una kese ahtche) es 500 groches i aparte li mandava 2000 KOTCHES^[40], keri disir karneros ke eran matchos i 5000 KUTCHLAS, del trigo boeno, (una kutla es de peso 30 okas,) i 1000 okas manteka, i 2000 okas de kandelas de sevo puro ke las lavoravan en SAMOKOV, i koando tinia el Governo TURKO, algunas gueras li mandava 500 soldados de estos ke los tinia siempre prontos, djunto kon todo los komandires^[41], i todo el mantinimiento i los vistidos i todas las munisiones de guera lo todo por konto del ISPAI, se azian los gastes, en todo el tiempo ke los ditinia el GOVERNO TURKO i de esta suma de los 500 Soldados koando mankavan algunos sea ke murrian or ke si hazeniavan era uvligado de adjustarsilos, aparte tenia ke mandava prezentes a muntchos de los PACHAS grandes

66       BIOGRAFIA, i algunos pasajes de S-r. ABRAAM M. ARIE, I, en SOFIA    1792

 i al SARAF (banquer) de la VALIDE SULTAN, ke era ke depindia muntcho de estos S-res por el sostinimiento de su etcho sovre la VALIDA SULTAN, ja tengo eskrito, ke es la madre del SULTAN, i ke si konsidera komo los otros REIS, ke a la mujer di el REI, la jamamos, la REINA, i en los TURKOS es ala reves, i se jama, por REINA, a la madre de el REI, por razon ke en los TURKOS, al REI, non poedi tomar mujer de algunos PACHAS, or de los de la FAMILIA, de los REIS solo por la razon ke komo tiene ISFOEGRO, va aser konsidrado komo mas grande de el REI, esto ke non poedi ser ke aiga mas grande de el REI, es ke toma mujeres ke non si sepa ken son los PADRES, ke lo mas montcho de las mujeres ke tiene el sultan son merkadas kon moneda de los TCHERKEZES, en ser ke las mas ermozas mutchachas salen en el TCHERKISTAN, ke i estas tambien ja son TURKAS, non es fiksado en los TURKOS, fin a koantas mujeres poeden tomar los REIS, ke poedi tener i 200-300 kon KIDOCHIM, aparte de las DJARIES, ke son tambien komo sus mujeres, kontan por el CHAH, de la PERSIA, koando murio se supo ke tuvo 500 mujeres, i la mujer ke komandava a todas estas 500 era de la edad de 16 anios,) i todos estos HAJANES kalia ke foeran a KOSTAN, en kada anio por tomar ordenis moevos sovre los SOLDADOS, i tambien lis pujavan el TRIBUTO, i raportiava el andar del poevlo^[42], i sovre los dasios ke tomava del poevlo, ke avia tambien en sikreto ke si akechavan ande

67      BIOGRAFIA, i algunos pasajes de S-r. ABRAAM M. ARIE, I, en SOFIA     1792

 Los PACHAS, i ande el SARAF, de la VALIDE SULTAN sigun ke ansi una kecha ande el SARAF, de la VALIDE SULTAN, en el tiempo de SULTAN MAHMUD, ke era TCHELEBI BOHOR KARMONA, ja akontesio en la Familia moestra ke si akecho Hr. JOSEF, el ijo sigundo del S-r. ABRAAM, I. ke esto eskriviendo ande TCHELEBI BOHOR KARMONA, de USREF PACHA ke era el HAJAN de SAMOKOV dopo^[43] del MEHMED EMIN AGA, sigun ja lo van a meldar adelantre en su partida, mi paresi de boeno dizirles de agora alos S-res. meldadores de esta Biografia, ke poedi ser algunos de ejos podran dizir, ke de ansi pasajes, or ouzos de akeos tiempos ke non serian enteresantes para esta Biografia, kali ke sepan ke kada pasaje or uzos tienin kada uno su enportansa para esta Biografia, ande kale azersilos saver los presipios para ke poedan entender loke van a meldar adelantre, esta BIOGRAFIA, jo MOCHE A. ARIE el II. ke la esto eskriviendo en SOFIA, en el anio de 5673, ja es una BIOGRAFIA, de 150 anios, ke ja esto siguro ke los mas viejos de la FAMILIA ARIE De este tiempo muntchas kozas non las poedin saver, ke jo esto lo pude rekojer en 15 anios i agora lo esto eskriviendo a blanko, i sigun ditcho ke ala Butika li avian enpesado a entrar i de los ispais, foe ke entre estos en un dia koando non estava S-r. FARHE, en la BUTIKA, ke entro tambien i MEHMED EMIN AGA, ke era el HAJAN^[44] de SAMOKOV, i el S-r. ABRAAM, I. non lo konosia, i lo

68      BIOGRAFIA, i algunos pasajes de S-r. ABRAAM M. ARIE, I, en SOFIA    1792

sirvia sigun a los otros grandiozos klientes de la BUTIKA, i el S-r. de MEHMED EMIN AGA, komo era una persona, de muntcho esprito bacho non si izo konoser de el grado ke era, en la konversasion ke tuvieron al S-r. de MEHMED EMIN AGA li plazia mui muntcho, porke el S-r. ABRAAM I. konosia muntcho bien la lingua TURKA, i denpoes ke ja izo sus empleos li demando el MEHMED EMIN AGA, si es ke si va a SAMOKOV, ke foe entonses ke lo supo era ansi un grande personaje, i komo en akejos tiempos a ansi personajes nada non si lis podia refozar por todos sus dezeos, si levanto enpies i li dicho ke el era un empeigado en esta BUTIKA, i sin la lesensia de Su AMO, nada non li podia responder, i komo lo asolta su amo ja si va, solo ke non tiene paras, i mas ke es tambien patron de FAMILIA, i ke la tiene en VIDIN, ala ora li dicho el MEHMED EMIN AGA, je^[45] ti veigo a ti una persona kapatche i entelejente, i komo tu ja ti keres vinir, a la ora koando viene tu AMO, li diras ke es jo ke ti esto jamando ke ti vengas kon mi, i jo la vo a estar aki ainda unos koantos dias, por azer algunos empleos, porke en las SIVDADES tchikas deredor de SOFIA, non avian merkaderes de ropas i de drogas i de otras kozas era ke vinian todos en SOFIA, para azer sus empleos, i jo ja ti vo a dar paras para Ke tengas kapital, i ti vo a dar i kaza para bivir, i todo esto ke es menester ja ti vo ajudar, i vas a ser el BAZIRJAN^[46] – BACHI, mio para merkarte todo modo de ropas i de las drogas ke a

69      BIOGRAFIA, i algunos pasajes de S-r. ABRAAM M. ARIE, I, en SOFIA     1792

esta okazion vas a tener de mas ke ti van a ser i todos los otros BEGIS, i los S-res. de. SAMOKOV, i sovre todo esti linguaje del S-r. de MEHMED EMIN AGA, el S-r. ABRAAM, si asento de rodias i li bezo los pies del MERMED EMIN AGA, en la singal de atchitamiento, i el MEHMED EMIN AGA, si salio de la BUTIRA, i pasando algo de tiempo ke ja vino el S-r. FARHE, a la BUTIKA, li konto todo esto ke li paso kon el MEHMED EMIN AGA, ke foe mui deskontente, ma non pudia en nada refuzar, sigun ditcho ke a ansi PRENSIS, en akeos tiempos, era ke kalia si lis reintcheran todos sus dezeos, i el S-r. PARHI, li mero el konto i li pago su boena paga adjuntandole i de un boen prezente, i li bezo la mano I li rengrasio por todo el bien ke li izo i el S-r. ABRAAM, I. si salio de la BUTIKA, i se foe deretcho ande el MEHMED EMIN AGA, i li konto ke ja estava pronto a detras de su komando, i li respondio ke dopo unos koantos dias ke tinian de partir djuntos, el S-r. ABRAAM, I si foe a su Han i li eskrivio a su mujer en largo aziendole saver todo esto ke li paso kon el PRENS, de SAMOKOV, i ke si gustara ke por endelantre, ja tieni boena esperanza, de bivir una vida regular i ke dopo de pokos dias ja tieni la entision ir a VIDIN, de mizmo li eskrivio tambien i a su ermano.

Koanto a los otros ermanos S-r. CHEMOEL ke partio por la ROUMANIA, i el S-r ISHAK, ke resto en VIDIN si non tengo dinguna enformasion para eskrivir i por ejos alguna koza

70     BIOGRAFIA, i algunos pasajes de S-r. ABRAAM M. ARIE, I, en SOFIA     1792

 ke esto ja es kuriozo, i de akel tiempo fin a el anio de 5633 ke estuve jo MOCHE A. ARIE, II. El kompozetor i eskrividor de la dita BIOGRAFIA, en ERKOLES-BAD^[47],(Mehadia) i topi en estas BANIOS, a un sierto mansevo komo de edad de 30 anios, ke si estava aziendo Banios porke sufria de una dolor en la kachareta de el pie deretcho, i jo kon mi mujer i mi ija la grande RACHEL, i en akel tiempo la jamavamos LA BUKA, ke es la BEHORA, ke era de edad de 6 anios el koal estava tambien en el HOTEL, ke mozotros abachimos, merandonos komo jo li kiria azerli algunas demandas al Hotedji i non mi estava pudiendo darmi a entender porke non konosko la lingua VLAHA, i viendome ke So Djidio, mi se aserko i mi demando, ke li dichera a el loke kiria, ke el ja li va demandar i jo si lo rengrasi i li deklaro al Hoteldji esto ke jo lo kiria i denpoes mos konosimos komo eramos todos los dos de una mizma sangre i de una Familia, i ansi foe ke estuvimos en un Hotel i en djuntos komiamos i kamenavamos, 5 semanas, i en este tiempo mos kontavamos de los unos a los otros, muntchos pasajes de las vidas, i mi kontava tambien ke ejos ja savian ke tienen parientes en SAMOKOV i ke se enteresavan muntcho por mozotros, i por moestras puzisiones i ke sus negosios era en las merkansias de TRIGOS i de LANAS lo to todo a sumas grandes, ke muntchas vezes mi amostrava sus kartas ke resivia de sus ermanos de Bukarest, el koal si jamava JAKOV, i sus otros ermanos el uno si jamava CHEMOEL I el otro ABRAAM, todos los tres HAVERIM, i el S-r. CHEMOEL

71     BIOGRAFIA, i algunos pasajes de S-r. ABRAAM M. ARIE, I, en SOFIA    1792

koando murio, decho 6.000.000 de fr. ejos eran ke tomavan a kira las muchias^[48] del REI de la Vlahia, ke kon el ditcho S-r. JAKOV, jo TCHELEBI MOCHE A. ARIE, II, tenia siempre korespondensia Familiar i koanto a los S-res ARIES, de VIDIN, foe de mizmo ke non si avlava nada por ejos, solo ke en este viaje ke jo bolti de las MIHADIAS, a razon ke avia karantina ke avia Holera en VIENA, mi abachi a VIDIN, via el TIMOK, por la SIRBIA, i mi konosi kon las Familias de los tres ermanos ke avian en akel tiempo ke eran las kaveseras de estas 3 Familias de ARIE, el grande se jamava JEUDA i el sigundo REFAEL, i el treser ABRAAM, i estuvimos en las kazas de todos los 3 a komer, i en la kaza del S-r. REFAEL mos izo unos Juvetchis de pichkado Jasetra^[49], mui muntcho savrozos, ke ansi juvetchis^[50] ni ke tenia komido ni menos, fin agora otra ves tengo komido, ejos todos empatronavan sus kazas, i kon sus puzisiones la mijor era la de S-r. REFAEL.

asta aki eskrivo la BIOGRAFIA, kon, algunos pasajes ke tuvo el S-r. ABRAM M. ARIE, I. el primer ke vino a SAMOKOV, de los 8 mezes ke estuvo en SOFIA, en la BUTIKA, del S-r. NESIMATCHE FARHE.