בני סניור רפאל א. אריה בראשון לציון

467

De aki i en delantre si enpesa la partida de los IJOS de el S-r. Refael de H. Avramatche, en Richon le Sijon, a la kavesera de los 2 mas grandes S-res Gavriel i Chemoel,

468                        Biografia de los IJOS de S-r. Refael en Richon lo Sijon.                  1893

En el anio de 5653, denpoes ke ja kortaron el mez, de la moerte de sus padre, i ke algo ja si konortaron, ejos todos los ermanos, i ala kavesera de los mas grandes, vinieron en un akordo en apretandosen las manos por de moevo torna kontinuar sus lavoro i de guadrar la union ermandad i lavorar sigun el tiempo de sus S-r. padre, kon ke lis foera por kavesera sus S-ra madre, i de esta manera ejos todos, ke estuvieron de boen akordo, foeron de esta manera, kontinuando, i ansi foe ke sus prodoidos, ivan siempre andando i adelantando, ejos kontinuaron sigun de antes de ir a los pazares, i se jevavan de todos los artikolos ke ejos, los jevavan de antes, i sovre los arvoles, si okupavan siempre, i siempre buchkavan de non dechar nada atras sigun de loke era de mas antes,

Sus S-r. Tio M. David, ke era en Jeruchalaim, profesor en la Echkola de la alijansa jsraelid, el los vijitava, i los akonsejava siempre, ke i ejos tambien lo sentijan, el kudijava tambien i por los mas tchikos IJOS i IJAS, de el S-r. Refael su ermano, por ke kontinuaran las Echkolas, i tambien fin a un grado lis ajudava por los sujos sostinimientos, i estos ke kontinuavan la Echkola de Jeruchalaim era el ke los resivija en su kaza, seja para durmir komo tambien i para mantenerlos, i ansi foe ke entre ejos ke si protejaron tanto, foe ke todos salieron mui bien idukados, i bien savidos sovre todo en los lavoros de sus tieras, i ejos de mizmo todos lavoravan sin kansarsen, ansi era de mizmo ke i sus S-ra madre, aparte de loke kudijava por la kaza entera, foe tanto kapatche, de

469                         Biografia de los IJOS de S-r. Refael en Richon lo Sijon.                      1893

kudijar tambien i por todo el menester, de sus tieras ke era eja en kada manijana, ke los mandava a sus ijos al lavoro i estava tambien al koriente de todo el menester, i lo mas mijor de todo era ke todos ejos la sentijan,

            En el anio de 5654, ejos todos los ermanos ke kontinuavan en sus lavoro, las rekoltas de este anio lis foeron mui boenas i mui grandes, i ejos solos ke non alkansavan por rekojerlas, le izieron ke si tomaron lavoradores, para ke lis vinieran en la ajuda, i ansi foe ke ejos presto lo rekojeron i una boena kantedad de los prodoidos les foeron vindiendo, i la moneda ke rekojeron ejos si foeron merkando algunos pedasos de tiera, ke eran las mas serka de las ke ejos ja tenijan, i mas tadre si merkaron tambien i algunas vakas i kavajos, lo todo para ke lis foeran pariendo, ke esto tambien lo konosijan el engrandeser, animales, eja la S-ra. Dudutcha si okopava de mizmo en las gainas eja en este tiempo ja tuvo 200 gainas, ke li parijan goevos, i aparte tenija ke engrandesija pojos, para jevar los a los pazares i lis vendija a 8 i 10 groches el uno, i aparte si jevava tambien i las gainas ke ja eran viejas, i ke non servijan para detenerlas ke non etchava goevos, i mas engrandesija, de las gainas, ke eran mui grandes, i tambien mui tchikas ke los S-res las merkan ansi i los gajos, para detenerlas, por fantazija, para ke

470                         Biografia de los IJOS de S-r. Refael en Richon lo Sijon.                      1894

lis kanten mientres la notche, i kantan en kada ora, i esto kon boz mui godra, ansi las ke son tchikas sigun ditcho antes kantan lo kontrario kon una boz mui delgada, i estas tambien en kada ora, i las merkan a 20 i 25 frankos el par,

            El S-r. Gavriel enpeso a ir mas muntchas vezes el mizmo a los pazares, ke sigun si vido denpoes foe ke el iva indo para toparse Novija, ma si travo de aderesarse ande la madre, sovre esto i mas tadre el si lo dicho a su S-r. Tio, M. David, i el li atcheto por azerlo esto, ke si lo dicho en sikreto a su konijada, i eja si gusto mui muntcho, solo ke li rogo a su konijado porke li topara un partido ande podran bivir non solo ejos otro ke tambien i eja, ke agora non es komo los tiempos de mas antes, i M. David li dicho ke el lo primero ke tiene de azer es esto, i ke non tenga loke pensar, sovre ke i la madre tambien ja estuvo kontente porke si kazara foe ke el M. David enpeso a avlar kon algunos sus konosidos sovre esto ke li ivan traendo muntchas novijas, i por kada una era ke si los azija saver seja a el Novijo komo tambien i a la madre, i entre ejos siempre lo kalkulavan,

En el anio de 5655, de mizmo ejos todos los ermanos mui aunados ansi tambien i sus madre los guijava, kontinuavan en todos sus lavoros, i de mizmo vijitavan en kada tiempo los pazares ke sin

471                         Biografia de los IJOS de S-r. Refael en Richon lo Sijon.                      1895

esto de ir a los pazares non podija ser, ke era solo en el pazar ke si lis vendija sus artikolos, i tambien ke si merkavan todo el menester por la kaza i de sus tchiflik, aun kon todo ke ja avija, en la kolonija, de todo el menester, solo lo azijan por mas barato ke ejos lo merkavan lo todo en kontante,

            kon la kareta ke la tenija merkado sus S-r. padre de 2 aznikos foe en este anijo ke la vendieron i se merkaron otra mas grande, i la kochejavan en vezes kon aznikos i en vezes kon un kavajo i era kon esto ke si ivan a el pazar, en este anio ja tuvieron 4 vakas muntchideras, ejos kontinuaron de ir koajando los jagurtes, i los vendijan siempre en jeruchalaim, ke agora si avija enbezado la IJA ke tenijan en kaza, i eja era, ke li venija en ajuda de muntchas kozas de la kaza, a su madre i a sus ermanos,

1. David ke en este anio non foe mas profesor en la Echkola de Jeruchalaim i a razon ke foe el eskrivano de parte la alijansa Jsraelid, para las kolonijas, ke a esta razon venija mas muntchas vezes a la kolonija de Richon le Sijon, foe ke lo izieron el espozorio, de el S-r. Gavriel, kon la IJA de Hr. Avraam Mevorah, ke ja estava en Jeruchalaim, ke la Novia si jama _____ i lo konvinieron ke li devija de dar ____ liras de kontado i achugar a su onor, i pokos dijas pasando si foeron todos a Jeruchalaim, i lo izieron el espozorio, kon muntcho gusto i se alegraron todos, en siendo mui kontentes de todas las 2 partes, i el novio li dio muntchos prezentes a la novia, i mientres ke estuvieron espozados si mandavan i

472                         Biografia de los IJOS de S-r. Refael en Richon lo Sijon.                      1895

resivijan las dulsuras i presentes sigun el uzo de Samokov, i en kada vez ke ivan a el pazar de Jeruchalaim, seja el Novio komo tambien i la Esfoegra li javavan muntchos modos de prezentes, de los prodoidos de sus tchiflik, i ansi era ke la Novija si gustava mui montcho koando li jevavan ansi prezentes, de el tchiflik, de koando li jevavan otros prezentes, i siempre lis dizija, ke eja non kere presentes ke van a ser merkados kon moneda ke eja ja tiene muntchos i su plazer es ke koando li van a kerer bien mandarle ke seigan de estos de sus revinido solo,

En el anio de 5656, era tambien de mizmo ke kontinoavan en sus lavoro de el tchiflik, ejos nunka nun pensaron por la vida de ser sevdadinos, ke koando sintijan avlar or platikar de algunas merkansijas ke non lis enteresava a ejos i ke non eran ke si podijan enbezar, algunas moevas sovre la agrekoltura, lo azijan ke si apartavan de ansi konversasiones, i se adjuntavan ande lis konvinija a ejos solo por sus, etchos, i foe de esta manera ke si lis envistio, la amor, de los solo sujos, sus entremitimiento, i ansi es loke mos kale dizir ke ejos siempre foeron andando i profetando, i se toparon siempre kontentes,

            ejos kijeron demandar por azer la boda solo ke lis foe la kaza mui tchika, ke sovre esto sin tadrar ejos presto foe

473                         Biografia de los IJOS de S-r. Refael en Richon lo Sijon.                      1896

ke si prontaron el matirijal menesterozo para la fragua de 2 kamaretas ainda adjuntar, a la kaza ke ja la tenijan i en un enterval de un mez ejos ja estuvieron prontos de las 2 moevas kamaretas, i denpoes ke las mobelijaron, ejos demandaron la boda ke lis foe akordado, i en el tiempo ke ejos fiksaron la izieron la boda kon muntcho gusto i alegrija, i la novija ke ja lis trucho boena achugar i bien kontado, i eja ke ja foe, mui onasta, i boena, i ermoza ke ja es de todas 2 partes estuvieron mui bien kontentes, i ejos los moevos kazados ke si aman i si respektan muntcho, ansi tambien i kon toda la familia, es ke biven mui kontentes,

            Su esfoegra la S-ra Dudutcha, era mui gustoza, de verse ke ja tiene Noera en kaza i ke ja la respektava, ke eja si espantava komo muntchas Noeras ke del presipio ja non keren a las esfoegras aki foe al kontrario i ansi era ke la amava mui muntcho i non la dechava lavorar en nada ke por lo todo kudijava, eja solo i a eja la mandava ke pasara la ora kon otras mansevas ke ja avijan muntchas en la kolonija,.

En el anio de 5657, M. David, ke era el eskrivano de las kolonijas, los ajudava mui muntcho sovre los entereses de sus sovrinos, sovre todo ke kudijava, por los tchikos ke frekontavan la Echkola i los detinija en su kaza, i en este anio ke lo nomenaron

474                         Biografia de los IJOS de S-r. Refael en Richon lo Sijon.                      1897

por profesor, de la Echkola de la aliansa Jsraelid en Tunis, esto lis foe algo de sikinti ma el M. David, ja foe tanto entelejente i kapatche, para resentarlo i esto vija de la aliansa Jsraelid, i por ke foeran kudijados, de una de las muntchas lokaledades ke ja avija en Jeruchalaim, para sostener i kodijar por algunos menesterozos i ansi elevos, i esto tambien es por la amor i ermandad, del adelantamiento de su familia, en ser ke si topan lechos de los otros parientes, i non decharsen, el protejamiento de los unos a los otros, ejos en la kolonija, ke non foeron nunka enfasijados de sus lavorar, ainda koanto mas buchkavan siempre a merkarsen algunos pedasos de tiera, i non meravan al presio si era karo or barato lo azijan siempre de ir antchande sus tieras, i ansi de mizmo lo azijan en ir merkando tambien i los animales seja kavajos komo tambien i las bakas ejos en este tiempo ke ja estavan en mas antcho de la moneda porke los presios de todos sus preduides, foeron muntcho mas karos ke de el anio pasado, sovre todo en el etcho de los goevos i los jagurtes ke lis foe mui provetchozo, era lo mas muntcho, ke rekojijan moneda en kada sigundo dija, ke alkansaron dijas ke tomaron fin a 250 groches ke esto ja es mui muntcho para un tchifliktchi,

En el anio de 5658 li nasio a S-r. Gavriel un IJO, ke foe aligria mui grande sovre todo ke levantaron el nombre de el

475                         Biografia de los IJOS de S-r. Refael en Richon lo Sijon.                      1898

S-r. Refael ke foe el primero ke si foe a la tiera santa, ejos lo azijan en kada dija komo una boda, ke kombedavan a todos sus amigos de la kolonija, i en el dija de el birkad mila jamaron a los parientes de jeruchalaim ke li vinieron todos, i se alegraron i lo jamaron REFAEL, ke su madre propija lo aletcho i kudio, i ansi foe kon muntcho kudijado mui bien engrandisido, sovre todo su Vava la S-ra Dudutcha ke ja es koanto una boena medika, de el pratik ke tuvo de koando los kudijava, a todas sus krijaturas, sigun ke todas ja foeron tanto boenas elevadas, lo mijor ke si poede pensar,

Koanto a sus dekontino lavoro de nada atras non dechavan lo todo kontinuavan sigun de siempre, ejos enpesaron a prontarsen por sembrar de 1500 a 2000 arvoles de zeitunas, i foe en este tiempo ke lis akaisio un kampo bastante para esto ke foe en una altura, i lo markaron i sin tadrar ejos si prekuraron los fidanes ke ja avija chpekulantes ke los venden, solo ke para esto tuvieron el menester de algo de moneda, i foe ke si aderesaron al derektor de la kolonija, por rogarle si era posible a ke los ajudara por esta koza ke ejos deja^[3] ja lo tenijan lo mas enportante pronto i el derektor ke ja los kerja azerlis bien lo izo esta propozision un raporto sigun de esto ke premia lo todo en la favor de los ditchos ermanos i lo mando a la alijansa Jsraelid, porke lo egzamenaran i ke lo ajudaran ke esto ja era tambien primerozo en la kolonija i esto ja foe presto akordado i en pasando komo 2 semanas, ja li vino el orden al Derektor, porke li avansara la suma menesteroza kon

476                         Biografia de los IJOS de S-r. Refael en Richon lo Sijon.                      1898

la kundision ke si endevdaran a pagarlos por el tiempo ke ejos lo kerijan i de esto foeron mui gustosos, i lo izieron ke si endevdaron a pagarlos en 10 anios, i sin tadrar ejos si metieron en el lavoro porke ejos ja lo konosijan tambien i esto i en este anio alkansaron a asembrar la metad de el kampo, ke era solo el S-r. Gavriel ke si okupava de esto, i era mas merakli de el padre, para reintchir todo su dezejo, fin al tiempo ke lo alkansava, sin ke si kansava, i nunka tambien non si deskurajava,

En el anio de 5659, el S-r. Gavriel era de mizmo okupado en el sembramiento de los arvoles de las azeitunas, fin al grado ke el reucho a sembrarlo el kampo entero, ke koando ja lo eskapo de sembrar, lo kombedo al derektor de la kolonija, porke viera ke ja es verdad ke sembro, i tambien ke i el derektor ja konosija este estudio mui bien, i el ke era una persona mui amable, foeron djuntos i li plazio mui muntcho ke ja foe sembrado sigun de loke premija, i en batiendole la espalda de el S-r. Gavriel li dicho, jo ainda non vidi en la kolonija, a dinguno otro amorozo de el lavoro komo la Familia ARIE, i el S-r. Gavriel li respondio ke ejos non si konsienten fin a este grado de ser alavados, i el Derektor por ser ke si topo mui kontente lo raportio lo todo a la alijansa Jsraelid, i en este dija ejios komieron en djuntos en el kampo de los

477                         Biografia de los IJOS de S-r. Refael en Richon lo Sijon.                      1899

arvoles, i si boltaron de mizmo djuntos,

            Kon los versamientos ke ejos tenijan por los 200 dekares ke tinija tomado el S-r. Refael, ejos los versavan mui regularmente, en kada anio, i en este anio tambien ke ja lo versaron en su tiempo, eran mui alegres ke tenijan otro un anio de versar para ke si eskapara i entonses lo kontan ke ja son ejos deja enteramente patrones de estas tieras, lo koal ke uvo muntchos ansi otros ke non pudieron versar en regla, i uvieron muntchas defekultades fin ke si lo reglaron, i de algunos lis tomaron atras algunas tieras i las dieron a otros, porke non las lavoravan,

1. David ke era en Tunis foe ke non pudo estar solo en este lugar i lo nomenaron torna komo derektor en la Echkola de jeruchalaim, ke esto lis era grande foersa para ejos el estarsen kon el de mas serka, porke siempre lo tenijan de menester, seja por algunos protejos komo tambien i konsejos, ke los guijava, siempre de koalas maneras ke si enkamenaran, i de este modo foe ke ivan siempre esuchendo^[4] en todos sus andamientos, i M. David era ke siempre los vijitava, i lis demandava, por todo esto ke lis pasava en kada dia i ejos non li enkuvrijan de nada,

En el anio de 5660-61, ke todas las kolonijas ke eran en las tieras santas, foe ke pasaron todas adebacho de los

478                         Biografia de los IJOS de S-r. Refael en Richon lo Sijon.                      1900

kudios i la admenestrasion de la alijansa Jsraelid, porke lo mas muntcho era ke dependijan i se admenestravan kon los ordenes de la alijansa, solo ke tenija kada una su derektor solo aparte, ke esto todo dependija tambien i de los Derektores de las Echkolas, ke ja eran de la alijansa, esto lis foe para los ditchos IJOS de el S-r. Refael grande ajuda, sovre todo ke ja era i M. David el Derektur de la Echkela de jeruchalaim,

            El S-r. Gavriel era en este anio siempre ke si okupava solo en el lavoro de los arvoles seja estos ke ja tenijan de antes de las frutas ke li kalija ke foera renovandoles porke algunos ja si ivan sekando, i en mizmo tiempo el iva adjuntando i otros de otras maneras de frutas ke avijan en sus partes, i tambien el izo ke en algunos arvoles ke eran grandes i forsudos, los achlejava^[5], ke es adjuntar otros modos de frutas para ke krisieran, en un arvol 3 i 4 maneras de la mizma fruta, i en un arvol ke el adjunto, ke era mansanas li achilo portekales, i limones, foe ke sovre este se izo kistion, en diziendole ke moestra lei non alesensija, esto porke es CHAATNES, i este arvol ja es enkonado i kalija ke lo kortara, i ansi foe ke si lo izieron kortar, i es solo ke si poede adjuntar en un arvol solo de la mizma fruta, solo ke si el arvol es de mansanas, dulses, si va a poder adjuntar, i tambien mansanas agras, or ke son mas grandes or tchikas, i ansi en dingun arvol non si poede adjuntar otro fruto ke non es de su MIN, i kon los arvoles de las azeitunas, iva tambien renovando moevos fidanes, a estos ke non si

479                         Biografia de los IJOS de S-r. Refael en Richon lo Sijon.                      1900

aferavan, i en su tiempo el era ke rekojija las frutas ke ja esta van etchas, i las jevava a los pazares por venderlas,

            I kon lo restan de los sembrados se okupavan los otros ermanos, porke todos ja konosieron todo el ufisio, koanto a i los etchos de kaza eran todos a los kudios de la S-ra Dudutcha, ke si okupava, i eja tambien si iva a los pazares, i se javava, seja gainas i tambien de los goeves ke esto ja era muntcho, ansi de mizmo i kon las letchos i los jagurtes, i de esta manera todos ejos eran siempre, mui gustosos i mui aunados,

sigun ditcho ke en este anio ejos ja eskaparon de versar toda la suma de los 200 dekares, lo izieron en este dija ke non foeron al lavoro i lo fiestaron, kon ke si prontaron modos de komanijas boenas i se las komieron en los kampos, alegrandesen kon komer i bever i kantar,

480

Aki si eskapa la partida de los IJOS de el S-r. Refael A. Arie, de Richon le Sijon, ke es fin a el anio de 5660-61, i en kijendo kontinuar, son liberos, en komportandose sigun eskrito en el kavo de todas las partidas de sus linaje, eskrito en Sofia fin el 21 oktomvri 1913,