סניור דוידונצ'ה ו בנו סניור חיימצ'ה.

1518

De aki i endelantre si enpesan las partidas de el S. Davitchonatche, Josef D. Arié kon sus ijos,

1519                     Biografia de S. Davitchonatche kon su ijo S. Haimatche.                    1877

  En el anio de 5637, ke S. Davitchonatche, non avia mas por koalo ke estuviera en la oda kon sus ermanos, anke ke ja estava apartado de un sierto tiempo de mas antes i ke tenijan de reglar algunas deferensias foe ke en este tiempo ja foeron kaje eskapadas lo izo ke si tomo una butika a kira, i se asento kon su ijo el grande S. Haimatche, i se enpesaron a tomarsen notas en sus livros moevos de esto ejos lo enpatronavan, sin ke ejos buchkaron de azer algun etcho moevo, lo todo por la razon de la gera Turka-Rusa, ja si avija deklarado, i ivan viniendo masos de turkos de los zebekis, por azer solo platchkas, ke todos eran armados, i eran de la parte de la azija, i los koalos eran sus vistidos, de unos chalvarikos kurtos, fin alas piernas, i las patchas desmudas, kon unos kuchakes en el bel bien apretados, i ensima una silah de koero, para enfilar sus armas, ke eran 2 plomos kon tchakmak, i de un kotchijo jatagan, i de una flinta, i en la kavesa jevavan una fes alta, ensima sarijado de un kochak alto, i kolorado, i sus kalsado era de jemenis^[29] bien apretados i ejos eran de poerpo bachos i menudos, ke vinieron komo velontarios para harvar a los rusos, i en el mizmo tiempo ir aziendo las platchkas, i en el poko tiempo ke ejos estuvieron ivan entrando de notche, alas butikas, ke lo mas muntcho eran en las butikas de los djidios, i era ke si jevavan sakos i los entchijan de koalo topavan i se ivan rovando, i a ejos lis plazija mui muntcho komer la miel, i en una de las notches ke ejos avijan entrado en un magazen, de una botika, ke

1520                     Biografia de S. Davitchonatche kon su ijo S. Haimatche.                    1877

 avija en una bota ratchinola,^[30] i a ejos parisiendoles ke era miel, foe ke si la komieron entera komo eran 40-50 personas sin ke tomaron savor ejos se la bivieron, i denpoes ke ja non kedo mas ejos si entcheron sus sakos de la ropa ke avija en la butika, i artos seja de la miel ke ejos komieron komo tambien i de el rovo ke izieron, se vinieron en sus koartir, i pasando komo una ora, foe ke lis tomo a todos un foerte dolor de tripa, ke lis izo efeto la miel i todos enpesaron kon gritos a demandar la ajuda, ke vinieran djente, i la polisija ke los rekojo a todos i se los jevo a la bolnisa, i denpoes ke si deklaro la koza por la etcha ke ejos izieron, foe ke sin tadrar ejos si foeran todos de samokov foendo a pie deskalsos, ke estos eran mas negros de los tcherkezes, ke visto a estas kozas foe ke non kijo tomar dingun etcho moevo, i ansi era ke salija tadre ala plasa i se venija temprano a kaza,

En este anio ke vino S. Naimatche, a Samokov, i estuvo komo 3 mezes de tiempo, por sus etchos ke ejos tenijan kon sus ermanos S. Mochonatche i Chemoelatche, i tenijan sus adjuntas por la razon de la gera, ke non ivan boeno las operasiones en la borsa, i tambien ke i los etchos de las havales, era de mizmo, i ke los presios ja avijan trokado mui muntcho, a razon ke en los vilaetes mas ja non pagavan ke tenijan ansi orden de remeter toda la moneda a Kostan ke ejos kerijan por el sostenimiento de la gera, i mas ke la kaime, ke valia a 120 gr. la lira turka ja suvio a 180 gr, era ke se ivan akonsejandosen de koala manera enkamenar, i mas por meter tambien i

1521                     Biografia de S. Davitchonatche kon su ijo S. Haimatche.                    1877

 una fin a las deferensias ke ivan tiniendo sus ermanos kon el S. Davitchonatche, de koando si espartieron, i foe ke S. Naimatche, si li endevdo por una sierta suma a pagarselos por unos tiempos kurtos kon ke lo asiguro kon depozitarle komo prenda de fondos turkos ke el ja los tenija, i kon esto foe ke si kontento i estuvo siguro de la espartision i se izieron kontratos komo espartidos,

Visto ke los ijos de su ermano i tambien i de S. Behoratche, ke si ivan a ir a brendesi^[31] lo todo fuendosen de la gera, i S. Davitchonatche por estarse i el mas levijano los mando tambien i sus ijos S. Haimatche kon Leon i su noera M. Reginutcha, djunto kon ejos, sigun ke ja lo eskrivi mas antes ke ejos si foeron a Salonique i ke si abacharon todos en las kazas de el S. M. Tijano, i se foeron a ledje, ke estuvieron de el presipio todos en djuntos fin ke si enbezaron la lingua, i denpoes se apartarom en kazas aparte, i los mas tchikos se ivan a la echkola, i denpoes ke ja estuvieron longo tiempo en ledje ejos todos se foeron a triesta, ke i esto foe algo de tiempo i denpoes todos si vinieron a kostan porke el gaste ke ejos estavan aziendo era bastante grande,

denpoes ke los mansevos ke ja avijan partido i visto la gera ke era kada dija mas foerte, a razon ke era solo en Plevna el Osman Pacha ke si estava ainda podiendo detenerse ke si era ke kaiva ja era la gera kaje ganada de los rusos, ke sigun los raportos ke vinijan era ke los rusos estavan kaendo komo las urmigas, i el espanto sigun ditcho ke ja era mui muntcho grande foe ke i ejos tam

1522                     Biografia de S. Davitchonatche kon su ijo S. Haimatche.                    1877

tambien, si prontaron para irsen i pasaportos mas non kijeron dar a razon ke el poevlo jorava ke en viniendo los rosus [rusos] era ke los iva a degojar a todos, ma ejos la familija entera de la manera ke ja lo eskrivi ejos todos ja tomaron, i sin ke lo supiera dinguno era de madruga ke ivan partiendo lo todo a Saran bei ansi de mizmo i el S. Davitchonatche, en dechando todos sus bienes, alos aires, ke era solo por goadrarsen las vidas i fin ke arivavan a Kostan era ke non si lo kreivan lo todo parisiendoles ke los ivan a boltar atras, el si abacho en el hotel en sirkedji eskelisi, i mas tadre el li kalio ke si tomara kaza porke non era koza ke se iva presto a eskapar, el decho en Samokov, muntcho fiero, i trigos, i mas ansi ropas, i tambien la kaza entera ke estava mobelijada, i todas sus vistimientas i lo todo mas ke kontenija seja en la kaza komo tambien i en la butika, i lo todo en mano de los mosos, kon los kudios de su ermano S. Chemoelatche ke resto en Samokov, i ansi era ke el tambien iva merando fin ande lo podija, kon los paitones i kavajos i pajas i mas kozas de el dichari avli se lo decho a los kudios de el molla, ke tenija, ke el koal era ke iva vindiendo, koando kerija moneda, anke ke ja li mandava siempre, de Kostan, i mas tadre ja foe ke i las pochtas tambien mas ja non serkolijaron, i era las korespondensias lo todo kon los pasajeros, i todos foeron mui espantado seja los ke kedaron en Samokov komo tanbien i estos ke si foeron de Samokov, i en Kostan mos jamavan los moadjires, i mas tadre enpesaron a vinir trenos jenos de turkos, ke los traiva el governo sin dinguna paga, i los mantenija,

1523                     Biografia de S. Davitchonatche kon su ijo S. Haimatche.                    1877

 i les dava koartires, ke todas las michkitas i lugares ansi de el governo todo foe jeno de muadjures [muadjires] turkos, i ansi foe ke la sivdad de Kostan si entcho komo el goevo, de la djentoria ke ivan en kada dija viniendo, a razon ke el ruso pudo ganar la gera en Plevna, i el S. De Osman Pacha li kalio ke fujera, djunto su armada, a razon ke non li avija kedado las munisiones de gera, ni menos el mantenimiento, ke al deredor de plavna lo rodejo todo de soldados rusos, i denpoes los rusos ke foeron kamenando adelantre mas ja non izieron gera solo era ke ande topava soldados turkos el lis demandava ke entregaran sus armas, ke akel ke si entregava, li amostrava el kamino por koala vija devija de partir, i le dava para 2 dijas de komania, i este ke non si kerija entregar era ke por foersa li tomavan las armas i li azijan avrir la boka i kon sus revolveres era ke por la boka lo aplomavan i koando ja era moerto lo azijan enterar en el kampo, ande podijan, i koanto a los sevdadinos los meravan i los protejavan mui muntcho, sin deferensia de relejion, sin ke lis azijan dingun danio i siempre ivan akavedando a todos por ke si en kavzo algun soldado ruso si permetera a azer seja algun rovo or, ke demandara algunas paras or otra koza sin travarsen ke si akecharan a koal komandir foesa por la mas tchika koza ke ejos ja lo topavan i los apenavan de las maneras de las penas ala rusa, ke es foertamente, sin peadad, propio komo alas bestias, lo mas muntcho era ke los harvavan, i la manera de harvarlos era, ke los azijan dezmudar i los azijan abokar de boka abacho, i los harvavan en las nalgas kon unas fletchas, delgadas ke

1524                     Biografia de S. Davitchonatche kon su ijo S. Haimatche.                    1877

 las mojavan, i en siendo dezmudos, lis davan las devetnadeset i chest^[32], (19 i 6) i de la primera ves li davan las 19 asotadas, i komo pasando unos koantos puntos li davan i las otras 6 asotadas, i en harvandolo era ke li saltava tchoros de sangre, i ansi era ke mas non si podija levantar i era ke lo tomavan otros voinikes kon tezgeres^[33] lo jevavan ala bolnisa ke dopo de 24 oras ja li pasava, i a algunos los apenavan kon detenerlos delantre el sol 2 oras en pies sin ke si podiera menejarse, i a otros kon meterlis 20 kilos de karga en la espalda, i ke estuviera kon la flinta en la mano tambien 2 oras en pies sin poderse menejar, ke estas ultimas penas eran mui foertes, avijan muntchos ke kaivan desmajados, i si non si li adjustavan las 2 oras lo dechavan a ke li pasara el dezmajo, i denpoes lo metijan de moevo fin ke se li adjustavan las 2 oras, era ansi las penas ke los apenavan sin pejadad, muntchos joravan i algunos avijan ke si i matavan, i non lis era nada, i ansi era ke la temor era mui grande,

En el anio de 5638, ke S. Davitchonatche estuvo en Kostan, lo izo ke si auno, kon S. Behoratche, Jshak G. Arié, ke eran badjanakes, i se alkelaron una kaza en Bei-oglu, su kule kapusi i se konvinieron para morar i komer djuntos, en una meza, por azer la ikonomija, ke estuviera djuntos, i ejas las mojeres ke ja eran ermanas era ke ja si konvenijan, i pasavan mui kontentes, anke ke ja i

1525                     Biografia de S. Davitchonatche kon su ijo S. Haimatche.                    1878

tenijan sus gizanderas, era ke todas las 2 ivan tambien ala kozina i se akonsejavan de esto ke ivan a prontar, ejas todas las 2 tenijan sus mosas, ke las servijan aparte, i los ombres, era ke markavan todo el menester de la komanija i en kada semana se meravan konto, i se pagavan, era ke ejos los ombres venijan a komer los dijas a kaza porke non tenijan dinguna okopasion en la plasa,

En este anio li nasio a S. Davitchonatche un ijo, en su estar en kostan i lo jamaron Jaakov Jak, (sovre esto ke li metio Jaakov el nombre es grande maravija, a tiempo ke ja tenija otro ijo ke si Jamava Jsrael, ke es uno i mizmo nombre, non se por koalo non foe ke lis vino a el tino, i esto es kale dizir, el dezmazal de el uno de estos, sigun ke ja foe ke el Jsrael murio, i por esto es ke para meter nombre si kere ditcho tambien i a los parientes,) i todos los parientes vijitimos a la parida solo ke non si izo sigun el uzo de Samokov, por razon ke en kostan las komadres non dechavan entrar en la kamareta de la parida, i su propia madre lo aletcho i lo kudio sigun todos los otros,

Mas tadre ke los rusos ja estuvieron en Samokov, i ke ejos tambien governavan, se vino S. Davitchonatche a Samokov, por, buchkar los bienes ke el los avija dechado, sigun ditcho alos aires, ke adetras de loke li ivan eskriviendole, de Samokov, era ke los rusus si avija enpatronado, de todo el bien ke lo avija dechado, i esto de la djente ke si foeron, i tambien ke algunos de los bienes se los ivan i rovandolos, otra djente, i por estos ke si avija enpatronado

1526                     Biografia de S. Davitchonatche kon su ijo S. Haimatche.                    1878

 los rusos era ke los goadrava debacho de goardija, kon ke los sijavan fin a koando los tenijan de menester para seja para ejos or por venderlos, ke koando ja estuvo era ke los reklamo i kon muntcho darse a entender era ke algunas kozas ja las iva tomandolas atras ,ke lo mas muntcho foe al presipio sovre los fieros ke los tomo i se los metio en sus depozitos, seja estos de samokov komo tambien i de estos ke el los tenija en Pazardjik, lo todo el kerija venderlos ma non si topava a vender prima ke si espantava non seja ke de moevo si los tomaran ma non avija ken ke los merkara, por ke ja avijan muntchos de estos ke rovaron i los ivan vindiendolos sin presio, porke a ejos ja lis konvenija, a todo presio, i en estos tiempos vendijan kovres ke rovaron a un groch la oka, i lanas a 5 gr. el sako, ke peza 50 i 60 okas, i koanto a trigos i otras komanijas i vakas i kavajos esto ja era ke lo tenijan todo los rusos ja i non lo davan a dinguno, ke si lo emplejavan para sus menesteres, en esta manera era ke foe unas koantas vezes viniendo a samokov, i en kada ves ke el venija ja era ke tomava algunas kozas, i se boltava a Kostan,

En todo el tiempo ke el estuvo en Kostan su pasatiempo entre el dija a los kavos lo pasava siempre en la borsa, kon ke azija algunas operasiones de merkar i vender, fondos, por ganar la deferensia ke djugava solo en el mizmo dija, ke alos presipios ke djugava en sumas tchikas era ke ja iva alguna koza ganando, ma alos kavos ke el enpeso a enkacharse en sumas mas grandes, era ke muntchas vezes tambien pedrija solo ke ja era koza somportavle, i era tambien ke i

1527                     Biografia de S. Davitchonatche kon su ijo S. Haimatche.                    1878

jugava en istelans, ke esto ja lo saven komo lo asijan, ke en vezes ja li kedava las djojas barato i vezes ja era ke li kostavan a 2 i 3 vezes mas karas,

El izo mas ke li metio a S. Azarjatche Geron 500 liras de kapital i se asento en una pike^[34], en galata a la entrada de el kiopri por azer saraflik, ke esto lo kontinuo poko tiempo por razon ke non si pudo ketar ni el gaste de la butika i denpoes ejos si espartieron i li kedo a dever S. Geron algo de moneda,

Kon la suditansa ke ejos todos kamenavan por renovar, el pasaporto de Tch. Jeuda sigun ke ja lo tengo eskrito en su partida en el anio de 5611 de la manera ke lo vino a enpatronar, foe en este tiempo tambien ke ja foeron rekonosidos, komo veros soditos, i anke ke ja avijan pasado 27 anios ma ja uvo una lei ke si pagavan las taksas, i era komo ke ja eran de el tiempo, ke esto lis ajudava mui muntcho en el tiempo de los rusos por todas las kozas ke lis avijan tomado i por vija de el konsolato era ke las ivan todas tomandolas atras, ke los protejava mui muntcho el konsolo, franses, i mas tenijan ke non ivan a dar por soldados a sus ijos ke en este tiempo, los bulgares avijan tambien enpesado a tomar soldados i de djidios, i siendo ke esto non avija en el tiempo de el turko era ke lis estava siendo mui foerte para los djidios, i ejos komo suditos ajenos ke non los podijan tomarlos, ke por los presipios sufrieron muntcho por la razon ke si enkamenavan adetras de la desiplina rusa ke era mui kroela ala rusa, sin peadad, anke ke i ejos devijan de servir en la fransia ma ja non era ALA RUSA, ke avija i un espanto ke los podijan

1528                     Biografia de S. Davitchonatche kon su ijo S. Haimatche.                    1878

 tambien i jevarselos a la rusija, i devijan de sirvir 5 anios, lo koal ke la fransia de los soditod ke tenija en la turkija era mui ralo ke los tomava por soldados, i mas ke denpoes ke ja si foeron los rusos i se governaron solos los bulgares, enpesaron a non kerer darles sus mulkes, ke avijan etcho una lei por akel ke si avija foido en la gera, ke non iva a enpatronar mas sus bienes, era i por esto tambien ke los ajodava el konsolo, aun kon todo ke esta lei mas tadre ja la trokaron, i mas lis valija para los djuzgos, seja koando tenijan de aver seja por koando lis reklamavan de ejos sin razon i los kondenavan mui presto, lo azijan ke komo kerijan si aparavan a el djuzgo ke para los soditos era la lei ke kalija ke uviera prezente en el djuzgo i un dragoman de el konsolo i esto ke non avija konsolo en Samokov lis kalija ke todos sus djuzgos si meraran en Sofia, i el dragoman los defendija, i mas ke non devijan de pagar dingun dasio, solo era ke por el mulk ke pagavan el imlak^[35], i esto solo el nomenal ke las verhninas^[36] ke eran a 50 % ejos non pagavan,

El merko en Kostan una kaza en la kaleja de jazidji sokaka, en bei ogli por el presio de 1500 liras, ke era mui grande i kontenija komo 40 kamaretas en 3 etajes, i la kira ke li traiva ja era konvenivle, solo ke tenija tambien i muntcho gaste, i aparte el merko tambien de un sierto turko ke estava en kostan un Hotel (han) ke tenija en Sofia por la suma de 400 liras ke esto era mui barato, ma koando ja si vino a Sofia, i a razon de el plan ke lo izieron en la sivdad entera foe ke si lo tomaron para antchar la kae, i li avia

1529                     Biografia de S. Davitchonatche kon su ijo S. Haimatche.                    1878

kedado de lugar mui poko, i siendo ke non le iva a servir para nada, foe ke lo vendjo, i esto kon su mui boen presio, a un sierto sinsar [sinior], i siendo ke el merakador murio i la fijansa ke tenija era mui chikaner, li kalio kon djusgos ke li podiera kovrarle ke li toro mui largo tiempo i tambien muntchos gastes,

De los averes ke el tenija de S. Naimatche, de el tiempo de sus espartision, el los iva en mui regla kovrandolos, i la suma ke el la tomava era ke la iva pasandola a bankeres kon tchiko entereso i kon la kondision de resivirla por el dija ke el la demandarija, ke esto tambien ja si topava en kostan,

Las mujeres i las krejaturas enpesaron a kortarsen de las vistimientas de la moda de kostan i kon esto era ke ivan i ejas a poder salir, seja en kazas de los vizinos komo tambien i plasas, ejos si vijitavan lo mas muntcho entre los parientes, ke lo mas de las notches ejos se ivan a la kaza de S. Naimatche, ke ja estavan djuntos kon S. Mochonatche, i ke ja eran tambien serka, i pasavan i las notchadas kon mui muntcho keef, i alegrdja, a razon ke lo mas de las notches li venijan a S. Naimatche, sus amigos i komijan i pasavan todo kon kantar, i se traivan a muntchos ahbapes para ke los izieran areir, i los vizinos ke tenija tambien ke si li venijan, ke S. Naimatche lis azija muntcha onor, kon ke lis dava, modos de las champanias i de los otros bevrajes, i muntchas frutas kon muntchos salados, i lo todo lo azija traer de la evropa, ke non si li enportava, el gaste ke lo asija, solo porke foera lo todo de lo fino, i esto era ke

1530                     Biografia de S. Davitchonatche kon su ijo S. Haimatche.                    1878

lo azija a razon de pagar por todas las onores, ke li azijan i a el de koando estuvo solo en kostan sin familija ke lo onoravan mui muntcho, i agora lis kijo pagarles,

En el anio de 5639 ke los rusos, ja lo izieron el kontratado de la pas en San Stefano, foe ke enpesaron apokos apokos a partir, de la Bulgaria, i S. Davitchonatche, ke si enpeso a prontar para vinirse tambien a Samokov kon la familija, i en este tiempo ke estava S. Mair B. Chemoel (Majo) en Kostan, foe ke si konvino kon el i se izieron Haverim por los artikolos de la malifaktura, para vender en Samokov, i ejos izieron los empleos, de Kostan de ansi ropas, i djunto toda su familia, en dechandolo a su ijo el grande S. Haimatche, en la banka de S. Naimatche, komo eskrivano, i ejos todos si vinieron a Samokov, i se resentaron en sus kaza anke ke ejos toparon muntchas kozas mankas, ke si las avijan rovado, ke de las koalas era ke algunas kozas ja las ivan topandolas i estas ke li eran mas promurozas lo azija ke las merkava, de los ke si las rovaron ma non li estava enbarasando mizmo si li mankavan algunas kozas en tal de estar repozado en su kaza, i mas tadre ke ja enpeso a arivarle las ropas, de la merkansia ejos se alkelaron una butika, i se asento solo el S. Mairutcho, i enpeso a vender a los merkaderes de Samokov en groso, ke en poko tiempo el ja vendjo la mas grande partida, i partio

1531                     Biografia de S. Davitchonatche kon su ijo S. Haimatche.                    1879

 de moevo por kostan, por enplejar ropas moevas, i esto lo kontinuaron djuntos, 3 i 4 vezes, i mas tadre S. Davitchonatche non kijo mas kontinuarlo, i se konvinieron de moevo kon decharselo el etcho entero a S. Mairutcho, kon ke si li endevdo a pagarle por unos siertos tiempos i esto ja foe ke li pagava en su tiempo todo en mui boena regla, i S. Mairutcho lo kontinuo unos 2 anios, esto,

I S. Davitchonatche, ke si asento en su botika, el lo enpeso a rekojer sus etchos ke los avija dechado de koando si foe a Kostan, i kamenava tambien por las polisijas, para poder, enpatronarse de sus depozitos de las ropas, ke si las avijan sijado los rusos i de esto ke el ja lo tomava era ke sin merar los presios los iba vindiendolos, i kon el etcho de el maaden, buchko por de moevo a lavorarlo ma non pudo ser, por rason ke los lavoradores mas ja non kijeron vinir, i kimur ke ja non si estava topando a merkar sigun de antes, arazon ke el governo defendio, de kortar los koris, sigun de antes, otro ke era ke lis apartava, una kantedad, de los arvoles, ke ja eran podridos or sekos, i esto ke non era bastante, i los dasios ke lis metio ke eran tambien grandes, ansi era ke non lis konvenija tambien i alos kimordjis, visto ke mas antes eran liberos de kortar de koal kori ejos lo kerijan, i el dasio ke pagavan era tambien mui poko, ansi era ke lis konvenija seja a el kimordji komo tambien i a el maadendji, ke el presio de el mas karo kimor era de fin a 6 paras la oka, i ansi eran ke si podijan mantener, ke kon las rudas tambien foe lo mizmo, ke si merkava antes las 360 okas por 10 gr. i fin ke

1532                     Biografia de S. Davitchonatche kon su ijo S. Haimatche.                    1879

 lo lavorava, era ke li detinija a el rudadji a 3 gr. a el dija, i era de esta manera ke podija tener konto el maadendji, por merkarles estos artikolos, i ansi foe ke non tuvo dingun konto por lavorar para adelantre, i mas ke en el tiempo de la gera, todas las vignas i los maadenis, las foeron derokando, i los enstromantos seja de kon las vignas komo tambien i de los maadenis, la mas grande partida si las rovaron, ansi i kon las ermozas kazas de kampanija, ke avijan seja en las vignas komo tambien i en los maadenis, todo lo derokaron, ke si ketavan las tejas, i dechavan la fragoa deznuda, i de las luvias i las inieves ivan kaendo las suvas, i vinijan otros ke tenija de menester un lenio, era ke lo travava i non si li enportava ke iva a kaer la fragua entera, i mas tadre visto ke non iva a ser koza de repararlas, iva vindiendolo lo poko de material seja de lenio komo tambien i de piedra, ke avija kedado, i el kampo lo izo tchaires por rekojer al menos la jerva, i de esta manera foe ke si depedrio todo i kon los averes ke tenija en los lavoradores, seja de los kimordjis komo tambien i rudadjis, i vignares i kovatches^[37], ke non era a poko non pudo kovrar ni el 10 % i esto siempre por vija del djuzgo, ke ainda pasando mas tiempo siendo mui enfastiozo non lo pudo mas buchkar, foe ke si depedrio i esto i kon los kampos de estas fabrikas ke los bolto en tchaires, era tambien ke los kazalinos ke eran mas serka lo azijan ke soltavan a sus bestijas, serka koando ja era el tiempo de kortar la jerva, i se la lambijan, i darlos a el djuzgo non tenija el konto ansi foe ke i esto tambien, li kalio ke los foera,

1533                     Biografia de S. Davitchonatche kon su ijo S. Haimatche.                    1879

 vindiendolos, lo todo kon unos presios mui muntcho baratos, es ke esta gera, Turka-Rusa, foe kavzante de azer depedrer, todas las boenas fabrikas, sovre todo para la familia moestra ke las alkanso, en un tiempo de 30 anios, i de tanto ke si agozavan kon ejas foe ke en el tiempo de un anio, si depedrio todo, para mas nunka levantarsen, esta manera de gozos, ke es unos esfoenios, para akel ke lo vido, i algunas kozas ja las tengo eskrito mas antes,

Visto ke de las fabrikas non uvo remedio el enpeso a dar kon entereso mas muntcha suma de moneda, a los djelepis arnautes ke merkavan karneros por Kostan, i li pagavan fin a 25 % de entereso a el anio, i aparte el lis dava tambien i a los turkos ke avijan en Samokov, ansi moneda kon unos enteresos mas baratos, tenija tambien ke los turkos li dechavan sus moneda a goadrar, i le pagava tambien algo de entereso, ke los turkos ivan vindiendo sus bienes, apoko apoko, i la moneda ke ejos ivan rekojendo, era ke si la dechavan ande el por goadrarla ke si espantavan de detenerla kon ejos por razon ke si la rovavan, i esto era fin ke eskapavan de vender sus bienes ke si estavan en samokov, i denpoes era ke se ivan endo ala turkija, i la kundision ke azija el S. Davitchonatche, para resivirles sus moneda era, ke por koando si la ivan a demandarsela, ke li devijan de azersilo saver, kon un mes mas antes, para i el poderse aprontar, a razon ke i el tambien la dava a otros, su pasatiempo lo mas muntcho era kon los turkos, ke el se iva a sus kavanes, i se estava kon ejos, dias enteros pasando la ora, i ansi era lo mizmo ke koando estava en

1534                     Biografia de S. Davitchonatche kon su ijo S. Haimatche.                    1879

su botika era ke si li vinijan los turkos ande el i tambien lo pasavan i kon otra djente el non li plazija pasarlo, el si levantava temprano i salija tambien temprano ala plasa, i koando ja era komo 10 la ora ala turka el ja se iva a kaza, i se englenijava en la goerta, el era mui rekojido en todos sus etchos i se goadrava mui muntcho de non azerse konoser por los negosios ke el los azija,

En kaza el si pasava kon ikonomija, non li plazija el saltanat, i koanto ala komanija era kon muntcho boluk^[38], i era mui mirikijozo de tener todo modo de la komanija en kaza esto a demazija de loke li podija primir, por enfrentante kon la vistimienta era mui tchusto [djusto] de tener solo esto ke lis premija, i demazija ke non uviera, sus ijos ijas noeras lo katavan muntcho, i por enfrentante tambien i el era ke los kudijava tambien muntcho, el en kaza non si araviava por nada i kon la komanija non tenija dingun punto, ni dava dinguna kecha, su poerpo era alto i godro, era mui sano, i forsudo, savija mui ermozo kantar, ke tenija una boz mui alta i grasioza, el koando kantava en el kampo ke si rekojijan las tadres de el enverano kon sus akranes, ke azijan juvetchis, i se ivan a los arvolikos, i de loke el kantava era ke si oiva fin a moestra kaza, i mozotros ke ja li konosijamos la boz era ke avrijamos las ventanas de el salon i lo sentijamos komo ke estava kantando en moestra kaza, i el ja estava en todos los ansi pasatiempos, el non vijajava en otras sivdades mizmo si lo tenija el menester, por koal negosio foesa, era ke siempre, lo buchkava de konvinirlo vija de otros, ansi era tambien ke i a los

1535                     Biografia de S. Davitchonatche kon su ijo S. Haimatche.                    1879

 djuzgos non iva i de mizmo buchkava de konvenirlo por afoera de la manera foesa mizmo ke li kostava, lo todo por non tener atagantos, i ansi se kamenava mui kontente,

En el anio de 5640 li nasio una ija i la jamo IDA, i kon eja tambien lo izieron sigun de todas las paridas de este tiempo, ke non si li izo kama alta, kon brozlados sigun de antes, solo ke la vijitavan i li mandavan algunos presentes los serkanos parientes, porke ja si avija levantado la moda de los uzos de antes, i se enkamenavan sigun de los uzos de kostan, i tambien ke la parida ja foe mas aidada, i esta ija foe la potchinka^[39] ke mas non pario, i eja su madre la kreo i la kudio, i koando ja foe en la edad de 6 anios, enpeso a frekontar las echkolas, ke a el presipio foe ala echkola de los djidios, i denpoes a la franses i bulgar, fin prontarse por arivar en las klasas de las gemnazias, i estuvo en la gemnasia^[40] fin ala sinkena klasa, porke en Samokov non avija mas ariva de esto, i denpoes eja estuvo en las maestras chastras, i de lavoros de mano, ke si foe enbezando tambien el de estos ofisios,

En este anio se izo haver, kon Zafir pernikli, i tomaron el mantinimiento de los voinikes ke avijan en Samokov, i era ke lis abastesijan el pan i la karne, i los zelentchukes, i todas las otras kozas ke si lis azija el menester, i lo todo lo azijan a el

1536                     Biografia de S. Davitchonatche kon su ijo S. Haimatche.                    1880

nombre de S. Pernikli, a razon ke S. Davitchonatche ke era sodito franses, non podija ser a su nombre, porke la lei de el estado non alesensija, ke los soditos ajenos tengan etcho kon el governo, i toda moneda ke era menester la desbolsava, el S. Davitchonatche, i el S. Pernikli era ke iva entregando todo el menester ke si li demandava i koanto a el risivimiento de la moneda, era ke S. Pernikli lo azija prikura a S. Davitchonatche, i el la resivija, i los pagamientos el governo los azia en mui boena regla ejos eran mui kontentes de el etcho ke azijan i los ufiseres todos lo kerijan muntcho a S. Pernikli i lo ajudavan en lo todo i ejos los haverim tambien era ke si pasavan mui boenos, i eran mui aunados,

Foe en este tiempo ke merko en Sofia la butika de S. Jshak B. Mordehai Tatcher, en tergovska ulisa, por el presio de 600 napoliones i es esta la butika ke lis kavzo a fragor, la kaza ke tienen i oi, en la punta de las ulisas tergovska i lege, ke koando se izo el plan en Sofia ke li derokaron tambien i esta butika i en el enderetchamiento ke li tomaron algo i en su lugar seja ke li dieron i ejos ke merkaron lugares de una djami i otros ansi malo-merno, foe ke adjustaron komo 150 metros koadrados, de kampo, i se metieron en fragua, i era solo el S. Haimatche el ke si okopava de esta fragua, i la frago en el tiempo de 2 anios, i el medio bezesten ke ja lo tenijan era ke en kada anio lis ivan pujando las kiras, por razon ke avijan derokado el tcharchi entero, i mankavan las butikas,

Era el uzo ke las ijas koando ja arivavan en la edad,

1537                     Biografia de S. Davitchonatche kon su ijo S. Haimatche.                    1880

de komo a 15 anios ja kalia ke estuvieran kazados, i S. Davitchonatche ke tuvo ansi una ija M. Rebeka ke ja estava adjustando los 15 anios, el buchko para kazarla ke la espozo en Nich, kon S. Daniel de Bukos Gerchon i en el mizmo anio el izo la boda i li djo muntcha achugar i 300 napoliones de kontado ke esto era mui muntcho para akel tiempo en el tiempo ke estuvo enkolgada la achugar era ke lo izo kon muntcho saltanat ke kombedava aparte de ala familia era ke i a todos los amigos, i se foeron a Nich, i de mizmo lo izieron tambien i en Nich la boda kon muntcho saltanat, ke S. Gerchon era una de las primeras  firmas de Nich, i denpoes ke ja estuvieron komo una semana ke ja foeron mui bien kontentes de todas las 2 partes, se vinieron a Samokov, i el novio ke ja era mui savido ke estuvo en las echkolas de Wienna, i konose muntchas linguas ajenas, i ejos bivijan mui kontentes ke esto foe unos koantos anios, ma mas tadre ke S. Daniel non li foeron reuchendo sus etchos, era ke si avija etchado a el komardjilik i el ke ja tenija boen mulk ke li avija kedado de el padre, era ke las iva enprendandolas, lo todo para el komardjilik, i su mujer ke si lo iva eskriviendo a su Padre, en jorando porke kudijara por eja i ke buchkara un remedio ke non era kaleja ke li podija salir, foe ke lo topo por mas deretcho de irse el mizmo el S. Davitchonatche, a Nich, i lo pudo konvenserlo de azersilas las butikas i mas otros de los mulkes ke tenija a el nombre de su ija M. Rebeka, i se los trucho a Samokov, i lis djo una de sus kazas, porke moraran aparte, i lis dava tambien i el menester de sus mantinimiento, kon ke era ke el li

1538

azija los kovramientos de los revenidos, ke esto de la una parte al punto de vista ja kale dizir ke es boeno ma siendo ke la koza es mui delikada, non lo estudio koalo li podija arivar a los kavos ke li aranko un pedaso de la alma atiempo ke ja avija otro molde, i non li areventava la fiel, sin ke si podija ketarse de boka, sigun ke ja foe ansi, el S. Daniel anke ke gritava i se espedasava, i lis avrio proses, mizmo ke non podija nada ganar, ma ja trucho la jelor, i kavzo a estar mortos [moertos] bivos, malgrado ke mas tadre ja li dieron i algo de sus botikas, ke las vendjo para azer algun etcho ma siendo ke ja era kon enojos, foe ke non li reucheron tambien sus etchos ke azija, i el ke era siempre raviozo era ke i pelejava kon su mujer, i de non poderlo somportar, eja si hazenio i li vino el mal de kaer, EPILEPSI, i mas tadre si foe a el kairo i jeruchalaim, ke fin a este tiempo ke esto eskriviendo la dita es ke esta tambien el Kairo i sin ke si kartejan, ke una vez ja la jamo a su mujer porke si foera kon el a el Kairo ma eja non lo kijo, i biven kon su madre en una kaza i a un komer, i eja si gaste de su moneda ke eja tiene de el marido de los mulkes, (es esto loke kije dizir ke son kozas mui delikadas i a tan presto ke si aravijan sin pensar lo reintchen esto ke lis parese lo koal ke igoal a esto lo izo tambien i su Ijo el S. LEON, kon su jerno S. Pasah i se vino la M. Loiz a su kaza, es desplazer de eskrivir ansi kozas, ma son kale dizir kulpozos i kroeles los padres anke ke los jernos ternan algunas kulpas i kale dar de pasadas, i no traer la koza, a los kavos, ke non si entendjo nada ke la kazo, i ke se la traen a kaza mujer kazada, ke es mui grande pekado, azer esto de dechar jorar a sus propias karnes, para siempre,)

1539                     Biografia de S. Davitchonatche kon su ijo S. Haimatche.                    1880

En kaza las mujeres, lo pasavan mui kontentas, i ejas kudijavan por la kaza i sus krejaturas, se vijitavan siempre entre los parientes, solo ke el S. Haimatche ke non bivija de el en todo boeno kon su mujer la M. Reginutcha, era un desplazer para la kaza entera, i el S. Davitchonatche era ke si sikilijava mui muntcho, ke el restan todos los de kaza la meravan a la M. Reginutcha kon boenos ojos, ke i eja tambien era lo mizmo, ke si pasava kon todos los de kaza, i los konsederava a kada uno sigun lo meresijan,

En el anio de 5641, S. Davitchonatche lo mando a su ijo el sigundo S. Leon a Kostan, en la banka de s. Naimatche, para ke si praktekijara, en las operasiones de el bankerlik, i estuvo komo 2 anios, en kostan i S. Haimatche lo detenija en su kaza, i aparte el li pagava una sierta mezada por su djep hachlik, i S, Leon ja era i ke li eskapava tambien algunas de sus eskrituras en la kanselaria, i mas tadre lo mandava tambien i por algunas komandas de la plasa, i se topava kontente, de sus etchas,

i a S. Davitchonatche lo ajudava su ijo el grande S. Haimatche, ke i en este anio tambien ke ejos tuvieron el mantinimiento de los soldados, lo todo kon el S. Pernikli, era ke i S. Haimatche tambien kamenava kon el S. Pernikli, ejos visto ke la rekolta no era de el entodo boena, lo izieron ke merkaron de Plevna una suma

1540                     Biografia de S. Davitchonatche kon su ijo S. Haimatche.                    1881

bastante grande de trigos, kon unos presios bien baratos, lo todo kon la entision para el abastisimiento de los soldados, ke esto lis foe una mui grande ajuda a razon ke en poko tiempo ja pujo el trigo a 3 tantos mas karo, ke non lo vendjo solo ke era ke lo enplejava solo para las soldados, i ansi foe ke non pedrio en el pan, ma kalkulando la suma ke podija ganar se lo vendija el trigo, non podo ganar en el pan de los soldados, i a razon de la pujita en los trigos foe ke pujaron tambien i todos los otros artikolos, de komania ma el ja si topo kontente mizmo ke li foeron las ganansias mas tchikas, enfrentante de loke podija pedrer, ke el lo tenija el pan kon unos presios mui baratos,

Kon el etcho de los echkontos ke iva dando moneda, kon entereso el era siempre ke lo kontinuava ansi de mizmo era ke siempre los turkos li depozitavan sus moneda, sigun ditcho ke lis pegava unos tchikos enteresos, el lavorava tambien en Kostan i kon la kaza de banka ke avija, Chemoel Haim i Co. foe en este anio ke los arnautes ke el lis dava moneda, ke non pudieron azer sus venditas de sus karneros kon los presios ke lis podija konvenir i a esta razon non pudo kovrar, en regla i foe uvligado de prolongar sus polisas,

Kon la kaza ke la tenija merkado en Kostan foe en este anio ke si li salieron los moradores ke estavan de koando la merko sigun ke ja saven ke era mui grande, ke kontinijan 40 kamaretas en 3 etajes, i la reparasion tambien li foe grande, i mas tadre la alkelo por echkola para los gregos, i la kira ke li pagavan anke ke ja era

1541                     Biografia de S. Davitchonatche kon su ijo S. Haimatche.                    1881

 grande ma era ke non la meravan i se li iva estroendo i el gaste ke azija era tambien i mas grande, i kalkulando los revenidos era ke non estava tiniendo dingun konto, ke el enpeso a buchkar por venderla ma non estava topando su presio, ke denpoes de la gera todos los mulkes foeron muntcho abachando en kostan i non avijan de el entodo merkadores, lo koal ke por moestras partes foe al kontrario, ke suvio mui muntcho el presio de las tieras, komo tarlas i tchaires, i el ke tenija en los kazales de ihtiman, muntchas tarlas, ke las koalas li kaeron a el de el tiempo de la espartision kon mi S. Padre, en el anio de 5630, i ansi foe i koando si espartio tambien i kon sus ermanos estas mizmas li kedaron sovre el, i en este anio ke topo su mui boenos presios, izo ke las vendjo todas kon 3 i 4 vezes mas karas, de el presio ke li kostavan, i todas las tarlas, ke ja eran boenas i en los mas mijores lugares, era ke si las ivan revatandolas i de estas tarlas avijan tambien de las primeras ke merkaron moestros papus i las tenijan merkado mui baratas ke lo mas era por devda, i en akeos tiempos valija el un dekar por 80 i 100 gr, lo mas karo, i dopo valieron a 100 fr. i agora valen a 400 fr. ke en todas estas tarlas era ke si sembrava, de los trigos bogdai^[41] ke es el mijor trigo ke krese por moestras partes ke si vendija kon 20 san. mas karo de los otros trigos, ke la arina salija mui blanka i rejeva muntcha agoa, i se avre la fila mui delgada,

Su komporto de la kaza el non la troko, i siempre si enkamenava en un andar, li tenijan muntcho respekto todos sus ijos,

1542                     Biografia de S. Davitchonatche kon su ijo S. Haimatche.                    1881

i el los amava muntcho, koando el se iva a ir a algun lugar seja a vijitar or seja por pasar la ora, era ke si iva solo kon su mujer i todos sus ijos si estavan en kaza, ke si goadrava muntcho de el AIN ARAH. era mui kontrario de la fantazija, si levantava demaniana i se iva a el kaal a dizir la tefila, el kortijo ke tenija era mui grande, i non era apartado kon estos de sus ermanos, S. Mochonatche i S. Chemoelatche, ma ja si savijan sus granisas, kon ke tenijan a una sira de tchimchir asembrado ke esto lis apartava, sus konfin, i mas tadre se izieron todos paredes, i se decharon komchilikes i en las notches si las seravan de todas las 2 partes, i la espandidura, de los kampos de los 3 kortijos era komo de 12.000 metros, koadrados i al deredor de las 3 kazas eran todo de goertas, de rozas boenas, kon tchimchir vedre, i bostanes i chadervanes, i hoentes i arvoles, i tchimenis i kiochkes, i kaminos bien etchos de las 2 partes sembrados de vidruras, esto era en los kortijos de arientro, i en estos, de afoera ke son los dichari avlis, eran los ahires i las pajeras, i selamlikes i kazas para los mosos, i aparte otras kasas para los goadradores turkos ke tenijan komo gavazes, armados i los mollas, i los kortijos ke ja eran tambien grandes ke si boltaban los paitones i los karos ke entravan, i aparte avijan tambien i los anbares para los trigos, i otros depozitos, de ropas ke detinijan, i kanselarias por merar los etchos de los maadenis, i koal foesa ke kerija venir ala kaza era ke non si podija entrar deretchamente sin ke lo iziera saver, or ke batiera la poerta del haremlik, i sin ke foera alesensiado

1543                     Biografia de S. Davitchonatche kon su ijo S. Haimatche.                    1881

non podija entrar si entiendo solo para los ajenos seja ke era djidio or turko i krestijano ke non si azija deferensia para esto ma para los parientes eran todos liberos,

En el anio de 5642, a su ijo el grande S. Haimatche lo mando a Paris, a razon ke lo jamaron por ke sirviera el askerlik, en la armada franseza ke esto lo detuvieron en mui grande sikreto, espantandosen non seja ke lo tomen los bulgares por soldado, i el ke ja si jevo muntchas kartas de rekomendasion para paris seja para S. kamondo komo tambien i para, el savido Mr. Roze ke el koal ja lo tengo eskrito ke tiene estado en sus kazas i ke en este tiempo era tambien i depotado de la kamara, i ansi tambien i para otros, i el estuvo en paris komo un anio, i li kosto tambien muntcho el gaste ma ja reucho a delebrarse, i el en este tiempo ke estuvo en paris era ke lo jamavan ala kaza de S. Kamondo i se estava kon semanas enteras por komer i durmir, i koando el S. Kamondo dava algunas soares era i a el tambien ke lo jamavan para ke foera kavaler de onor para resivir alas damas i Mr. ke li venijan, i a esta razon li azijan i muntchas vezes ganar en algunas de las operasiones de la borsa ke lo azian por vija de el tambien i siendo ke ja si avija uzado ala vida de Paris i anke ke mas ja non tenija por koalo restar, ke ja estava delebrado era ke non si kirija venir, i kon muntcho ke lo jamavan foe ke si vino

1544                     Biografia de S. Davitchonatche kon su ijo S. Haimatche.                    1882

En este anio S. Davitchonatche, merko una partida mas grande de lanas de los kara-katchanes^[42] (vlahos) kon unos presios mui baratos, i esto a razon ke estos ultimos ke non tuvieron sus rekolta de la letche boena i moneda ke si lis izo menester, i las lanas ke era ke non si vendijan en kontante, foe ke lis kalio la dieran mas barata, i se alkelo depozitos ke el non los tenija por venderla por el envierno, i el ke kijo todo vender en kontante, es ke las venditas foeron tambien i tchikas, por ke otros vendijan siempre a kredit i a esta razon li resto por otro anio i konto ke non tenija de pagar kiras lo izo ke en sus otlukanas ke tenija en kaza lo izo todo kon duchemes de tavlas i se la jevo a su kaza ke esto li turo unas koantos anios fin a esbaraserse, i ansi foe ke las ganansias li foeron tambien tchikas por rason ke li turo longo tiempo, i alguna partida tambien si li bozdejo, a razon ke era kirli,

aparte de esto su negusio ke lo azija de antes seja el dar moneda kon entereso komo tambien i trigos i los tirkes el lo kontinuava, i sigun ditcho ke el si rezervava siempre en todos sus etchos de enkamenarlos, sovre lo posivle en mas siguro,

En los dijas de el enverano salio a demaniana ala plasa i en las medio dijas non iva a komer en kaza, ke si azija traer ala butika, i koando ja si azija 5 la ora de la tadre el ja si iva a kaza, i se englenijava en la goerta, aziendo asembrar los modos de las rozas, ke las simientas las azija traer de la avropa, de los modos de cheboes i otras ansi seja de goezmos komo tambien i sin los goezmos

1545                     Biografia de S. Davitchonatche kon su ijo S. Haimatche.                    1882

 i ansi era ke la goerta suja era la mas mijor de todas las otras, el los azija resentar los tchikos arvolikos de las frutas, komo de kontchas i malinas i merdjanes, i de las perlas, lo todo deredor de la goerta, i en medio de la goerta ke tenija el chadivan ke li sovia la agoa komo a 15 metros de altura, i koando ja era mas tadre ke ja era la ora de dizir la Minha kon el ARVID, el si lavava mui bien i dezija el arvid kon la minha enteros mui repozado, i denpoes li traivan, en una tchika meza una tabla kontiniendo una redomika de raki kon unos koantos modos de los mezes, agros i salados, i kon un vaziko el medio de raki i el medio de agoa, apoko apoko si lo iva biviendo ke era komo una kantedad fin a 50 dramas de el raki de uva ke si lo azija traer de stara-zagora etcho en mastika, lo todo en la goerta asentado enfrente de el Chadirvan, i esto ke li turava komo una ora denpoes se iva a komer ke la meza ja estava pronta, se asentavan todos djuntos mujer ijos ijas, noeras, komijan i se artavan, i bevijan algo de vino todos ejos, i tambien de las frutas de el tiempo, i eran todos gustozos i alegres, i kon el mas grande respekto si konportavan de los unos alos otros, i denpoes dezijan la BERAHA, i S. Davitchonatche se iva a su kamareta, i restavan los ijos todos en la kamareta de komer, i ejos kantavan i areivan i se kontentavan, porke ejos todos ja eran kantadores, i denpoes ke ja si artavan i de esto era ke si ivan a sus kamaretas por durmir, i restavan sus mosas i la gizandera, por meter lo todo de la notche en orden i denpoes seravan las poertas de la kaza ke kontenija 4 poertas kon las foerte seraduras

1546                     Biografia de S. Davitchonatche kon su ijo S. Haimatche.                    1882

i ansi era en kada notche i repozavan todos ke esto todo lis turava fin a la ora 10, i ala maniana era tambien ke si levantavan todos mui temprano, i todos se lavavan mui muntcho bien i las ombres se ivan ala plasa, i los tchikos alas echkolas, i las mujeres era ke lis restava por kudiar de la kaza,

En el anio de 5643, el avrio una fabrika, por tutun para lavorar kon el banderol, i lo izo haver a S. Jsrael Chalgan de Dubnisa, ke este ultimo ja konosija este ofisio, i lo metio a su ijo el sigundo en esta fabrika, S. Leon para ke jevara los kontos, kon ke li nombro tambien i un sierto % de la ganensia, i el S. Jsrael Chalgan metio por kapetal 6000 fr. i el S. Davitchonatche metio 14000 fr, i esto lo izo para ke estuviera enbevisido su ijo S. Leon ke era ke avija venido de Kostan, sigun ke ja lo saven ke estuvo en la Banka de su tio S. Naimatche, komo 2 anios en kostan, i esta fabrika la kontinuaron komo 2 anios, ke tambien tuvieron algo de profito,

En este anio tambien S. Davitchonatche ke lo kijo espozar a su Ijo S. Leon, el si akonsejo kon S. Nesimatche E. Arié ke era su konijado, i me lo mando ande mi komo kazamentero, por demandar ami ija Behora Rachel, por novija para S. Leon, i jo li dicho ke komo es taksado de los sielos, ja esto kontente solo ke mi kale demandar en kaza, i tambien ala novia, ke esto todo denpoes ke ja se,

1547                     Biografia de S. Davitchonatche kon su ijo S. Haimatche.                    1883

platiko i ke si exameno en kaza, i se demando tambien i la kontentes de la novia anke ke ejos sin mozotros saverlo ja tenijan etcho las amores de mas antes, i kon muntcha levijaneza se izo el espozorio kon las kondisiones de darle 300 poles emperiales de kontado i la achugar ami onor, i mas tadre se izo tambien el espozorio ufisial ke esto ja lo van a meldar en la partida mija de la manera ke foe etcho i ke ja esta eskrito en mas largo

Su ijo el koatreno S. Jakim, ke agora si jama Lusien el ke ja avija eskapado la echkola ke avija en Samokov de la aliansa jsraelid, i por ke kontinuara sus estudios de las mas altas echkolas i kon la entision de azerlo mediko, foe ke en este anio lo mando a kostan, i lo metio en la gemnazija de Galata Sarai, ke en la koala echkola enbezan tambien los presipios de la medkirija, i lo metio en pansion en la mizma echkola ke ja resivijan ansi por komer i durmir i el enbezamiento, lo todo kon la paga de 45 liras a el anio, el ke ja es mui entelejente, i mui repozado, era ke lo pasava mui bien i mui kontente, i se enbezava las liksiones seja del franses komo i de el turko, i los profesores lo kerijan i lo aserkavan mui muntcho i el non foe nunka amoroza de los visios^[43], i el tenija ala semana solo medio dija de kongeto, i esto era en el dija de viernes ke salija de la echkola i se iva a la kanselaria de su tio S, Naimatche, i koando ja era tadre el si boltava ala echkola sin buchkarse kompanieros para irsen en algunas promenatas, or pasatiempos, el resivija por su djep hachlik, i gastis tchikos por si mesmo, solo un midjidie de

1548                     Biografia de S. Davitchonatche kon su ijo S. Haimatche.                    1883

plata ala simana, ke son 4 1/2 fr, i por koando si li azija el menester de mas era ke li demandava de el tio, i le dava la suma ke li demandava, ke jo en este tiempo ke estuve en kostan foe tambien ala echkola por vijitarlo, ke akontesio ke tenija un foerte dolor en los dientes, i kalia ke foera en algun dantist, seja por milizinarse or por ke si la ketaran la moela, i el ke demando la permesion de su derektor, por esto, es ke mos vinimos djuntos ala kanselaria de S. Naimatche, i lo vide ke li tomo paras para irse a el dantist, i esto non me lo dicho ami ke el non tenija paras, ke podija ser ke jo li dava sin ke foera el menester de ir ande el tio, i el tio ke ja li djo la suma ke el li demando, i se foe a el dandist i se la keto la moela, el era vistido de la uniforma de todos los elevos, ke eran en la echkola komo a 1800 elevos, de todas las nasiones,

De mizmo era ke kontinuava en todos sus negosios, i lo todo kon la mas grande deretchedad, el koando non tenija loke azer en su kanselaria era ke se iva ala kavane de los turkos, i pasava la ora kon ejos i tambien djugava i el tavlo kon ejos, en kostan su komisioner era su ermano el S. Naimatche, el koal era ke li azija los enkasos de los arnautes por la moneda ke el lis avansava en Samokov, kon entereso ke lis dava, ke los koalos de las venditas ke asijan de sus karneros, i en kada tiempo ke ejos enkasavan era ke si la entregavan por su konto, i en este tiempo ke S. Naimatche ja avija enkasado komo una suma de 1500 liras li eskrivio si podija ser ke non si la travara, i ke el ja li iva a pagar sovre 10 % de entereso, a el

1549                     Biografia de S. Davitchonatche kon su ijo S. Haimatche.                    1883

anio, i S. Davitchonatche li respondjo ke ja estava de akordo, ma fin a un sierto tiempo ke el li fikso

En el anio de 5644, S. Davitchonatche lo mando a su ijo el grande S. Haimatche a Wiena, por ke lo topara a S. Chulman ke el koal era un professor de la echkola de Samokov de parte de la aliansa jsraelid, para el franses, i el koal ke estuvo komo 3 anios en Samokov, era ke li dava tambien liksiones partikolar de el franses a su ija LA DONNA, i el ke ja estava lo mas muntcho en su kaza foe ke la enganio, i li prometio ke si iva kon eja a espozar, fin a el grado ke la dezonro, i pario en su motchatches en la kaza de el padre ke lo todo se lavorava en mui sikreto, vija de las komadres, i su prometa komo non la reintcho i el ke foe arondjado de la aliansa por el negro komorto [komporto], foe ke en un dija sin ke lo izo saver a dinguno partjo de Samokov, i eja ke kedo e esta manera, era ke lo supieron ke estava en wiena, i de tantas kartas ke le ivan eskriviendole por nada non respondija, ke lo toparon de mijor por ke foera el S. Haimatche, i ke li entendiera la suja edeja, i el ke estuvo komo de serka un anio ke apenas lo pudo topar, i anke li prometija ke ja rekonose los jeros ke el los izo, i ke ja tenija de vinir a Samokov, ke li prometieron i muntcha moneda, ma non kijo kazarse ke non tenija la konfiensa, en eja, i ansi foe ke si bolto en vazio,

1550                     Biografia de S. Davitchonatche kon su ijo S. Haimatche.                    1884

Los soldados de Samokov, ke non tenijan kariolas de fiero, foe ke lis merkaron de ejos 400 kariolas kon unos presios mui konvenivles, i esto a razon sigun ditcho ke tenijan, ejos el mantinimiento, i Zafir ke ja era siempre kon ejos, foe las dieron, i tuvieron tambien boenos profitos i en esto, i kon la fabrika de los tutunes era tambien ke lo kontinuavan, de mizmo kon el S. Chalgan i su ijo el S. Leon era ke la enkamenava, i visto ke ja estava boeno kamenandoles este etcho, los enkamenadores lo izieron ke merkaron una partida de tutun mas grande i la metieron en magazen, por ke sirviera por otro anio ke el tutun koando mas viejo era este karar de mijor se azija, i S. Davitchonatche ke non kijo dezbolsar para esta merkida lis kalio ke si prevalieran de la plasa, i visto alos enteresos ke ejos pagavan foe ke non tuvieron tanto konto, porke el tutun foe mas barato por el otro anio, i kon el darles moneda a los arnautes, era de mizmo tambien ke lo kontinuava, solo ke en este anio tambien los ditchos djelepis non tuvieron tambien sus venditas boenas, i ansi foe ke muntchos de estos non vinieron mas a Samokov, i se kedaron kon la devda, ke estos, arnautes koando ganan ejos ja pagan ma koando no ejos si van de la parte de la azija, i lavoran de akeja parte, or, ke algunos si van a el arnautluk i de sus lugares dinguno non los poede ketarlos porke son djente matadores, i es por esto ke dizen los turkos el proverbo ARNAUTAN BEFA GELMEZ kere dizir de el arnaut non si espera provetcho,

La konfiensa ke li tenijan ande el los turkos era mui

1551                     Biografia de S. Davitchonatche kon su ijo S. Haimatche.                    1884

grande i el sigun ke ja lo eskrivi mas antes su pasatiempo li era siempre kon los turkos i era ke de mizmo lo dechavan ande el sus moneda kon las kondisiones ke ja las tengo eskrito, ke de estos versamientos era ke tenija muntchos provetchos, el non kerija saver por entrar en algunas echpekulasiones lo todo por non arivar en algunas litigas ke el ja estava mui enfastijado de las deferensias ke el las tenija kaje siempre kon sus ermanos, ainda de los kontos de la espartision, ke era koza maravijoza de esto ke non si lo pudijan avenirlo ke muntchas vezes, venija ande mi S. Padre kechandose de algunas de las tchikas deferensias, i el anke los konvenija ma komo eran muntchas era ke siempre estavan en deferensias, ma ja era de boeno ke lo englotijan entre ejos, i non si davan a saver a otros, ke koando se vinijan en un kavo por koalo foesa ja era komo ke non tuvieron nada i kantavan i avlavan i pasavan mui boenos, esto era tambien i mizmo i kon los kontos ke tenijan denpoes de la espartision ke ejos tenijan en hevra la jaila i el bezesten i los kovramientos los azijan sigun lis venija de todas las 2 partes, ansi era i kon los gastes para esto era ke siempre estavan medios anojados,

El ke tenija de aver de S. Naimatche de la banka de kostan una soma de 1200 liras i siendo ke en este tiempo foe ke S. Naimatche detuvo sus pagamientos, era ke estava mui sikilijado i mui pensativle porke era ke i el tambien las devija ke a razon de esto ja es natural ke kada uno li iva a reklamar su aver sobre todo los turkos ke el lis devija, bastante, ansi tambien i a otros i el ke no estava saviendo koalo rijir era ke foe mui pensativle ma kon la pasensia en un dija el si mero un bilanso por saver la suma ke la devija

1552                     Biografia de S. Davitchonatche kon su ijo S. Haimatche.                    1884

i kon esta nota el si adereso ande su ermano el S. Mochonatche, i li dicho si en kavso las 1200 liras ke el las tiene de aver de el S. Naimatche, non las podra kovrar en estos dijas adetras de la suma ke el tambien la deve i ke kada uno li va a demandar su moneda, es ke no lis podija responder, i de ande prevalerse en ansi unos tiempos ja es mui bien savido ke dinguno non li dava ni un santim, i su ermano visto a esto el lo izo enkazar [enkasar] de una sierta suma de las 1200 liras para ke podiera fin a un grado akomodar, sus devdas, ke esto li foe mui grande ajuda i mui gustozo de esto el la moneda ke resivio se la metio en su kacha de fiero, i komo pasando unos 2 dijas ja li enpesaron a vinir sus kreditores i el sin esperar ke lis demandaran ja i lis dizija meraremos los kontos i lis pagava a kada uno por su djusto, ansi de mizmo lo izo i kon los turkos ke el los jamava i lis pago a todos, ke uvo de estos ultimos ke non li kerijan resivir sus moneda ma el non lo kijo esto solo ke lis pago kon dizirles ke mas tadre bien poede ser ke lis podra torna resivirles, i kon esto foe ke el repozo, de tantos apretos ke los paso non saviendo komo lo iva a konjenir [konvenir] sus devitos,

En el anio de 5645 ke estava espozado venijo S. Leon kon mi ija Rachel i el ke ja lo kijo kazarlo porke ja estuvieron espozados 2  anios, i sigun el uzo de akel tiempo era, ke para demandar boda,

1553                     Biografia de S. Davitchonatche kon su ijo S. Haimatche.                    1885

era ke si prometijan los de la parte de el novio ke keren vijitar ande la novija, i esto era en algunos dijas seja de fiestas or Chabad, i ja es bien entendido, ke los kombedavan de moevo ansi a toda, la familija, i koando ja vinijan ke ja eran resividos kon muntchos de los kantes ke ja avijan prontadas kantikas spesijalas para esto, i ke ja savijan tambien ke era la vinida para esto era ke kombedavan i a muntchos i otros amigos, i en moestra kaza el salon ke ja era mui grande ke podijan asistir mas de 200 personas, i a todos eran servidos tambien kon todos los adulsamientos, i kahves, i otras kozas, i la novija ke ja estava en otra kamareta bien vistida i endjijada, ke mas tadre era ke i eja tambien entrava i bezava las manos de todos ke li davan las bezas manos kada uno sigun su posibelidad, i denpoes bailavan i kantavan i se alegravan i alos kavos demandavan ke ja era el tiempo de kazarlos i fiksavan el dija ke esto tambien era de 2 i 3 mezes mas antes, i en esta boda lo fiksaron el dija de mierkoles ke era en 13 Sivan este anio, i de este dija i endelantre, si prontavan de todas las 2 partes, i jo mi foe a kostan por aserle la achugar, i se li djo muntchas blankerijas seja moevas komo tambien i de estas ke ja las tenijamos en kaza de antikas las mas valotozas, i S. Davitchomatche anke ke ja tenija muntchas kamaretas en la kaza foe ke frago otra una i en su tiempo se izo la boda kon muntcho saltanat, ke estuvo tambien el renomado Tchalgi Vasilake, i todos los uzos ke si azijan seja en los chabatiod, de antes de la boda komo i en estos de denpoes de la boda, lo todo ke ja lo saven sigun se azia

1554                     Biografia de S. Davitchonatche kon su ijo S. Haimatche.                    1885

i de mizmo i kon el pechkado i los vijitares ke vijitavan la sevdad entera, ansi en la notche de la ketadura de el velo ke era en la notche de alhad, i los presentes ke todos los parientes i amigas era en esta notche ke si los davan, i en todos los 8 dijas de la boda ja era ke estavamos seja los dijas komo tambien i las notches, i denpoes de la boda, ke ja mos foemos kada uno a moestra kaza ja era ke siempre mos vijitavamos, i de todas las 2 partes mui kontentes biven mui boenos, i bivijan todos en una kaza,

1. Leon el novio ke ja tenija el etcho de la fabrika, si foe a su etcho i kontinoava, mui boeno ansi de mizmo i S. Davitchonatche en su etcho de siempre, i S. Haimatche ke ja avija vinido de viena ke non podo reuchir a eskapar su etcho kon el S. Chulman, i kazar ke ja la kerijan a su ija la Donna, foe en un dija ke mi vino ande mi en diziendome ke kere ke li eskriva jo una karta a el S. menahematche, de Jambol, ke el koal ja lo konosija mui bien a el S. Davitchonatche, de koando tiene estado de samokov, ke el koal foe el primer ke fondo a azer los kachkavales en Samokov, i lo mas muntcho era ke estava komo musafir en su kaza, i ke li dichera ke lo topo por deretcho, a ke li seja su ijo jerno de S. Davitchonatche kon ke ja la konosija mui bien a la ija Dona, i el koal kon primera pochta ja mus respondjo, ke el ja estava mui bien de akordo i ke konose seja ala familija komo tambien i ala novija, solo ke el novio estava en este tiempo en iderne i ke esto ja tenija el mizmo de ir a iderne, por avlar sovre esto, i mas tadre ke non si lis asigondo foe ke i

1555                     Biografia de S. Davitchonatche kon su ijo S. Haimatche.                    1885

 ejos tambien mas non eskrivieron i denpoes de esto se enpeso a buchkar de otros lugares, sigun ke ja lo van a meldar mas adelantre, i esto eja non foe kontente,

En el anio de 5646 li nasio a S. Leon una ija ke la pario en la kaza de el S. Davitchonatche, por ke ainda estavan todos morando en una kaza, i el parto li foe mui levijano, i le izieron la kama kon muntchos lavrados si entiende komo de primeriza, i todos los parientes i la sivdad entera la vijitaron i de mizmo los parientes li mandaron dulsuras kon muntchos prezentes seja para la parida komo tambien i para la nasida, i jo li mandi una kadena de uro, lavoro de viena, kon un brocho i aparte el fato i fistanlik por ala parida i en el dija de Chabad ke ja estuvimos la familija entera a komer, fadamos i la jamimos LEA Luiza, foe ansi ke en siendo la madre de edad de 19 anios la pario, i el padre de la edad de 25 anios, i Davitchonatche de 47 anios, i Bu. Bulisutcha de 44 anios, i jo me ize papu de la edad de de 35 anios, i Biju de 32 anios, ke mos izimos papus, i jo siendo tan mansevo ja mi avregonsi en akel tiempo koando mi saludavan komo papu,

En este mizmo^[44] tambien li nasio i a S. Haimatche un ijo, ke foe^[45] de mizmo sigun lo eskrito ariva, i lo jamaron Chimoon i ejas todas las 2 madres si los krejaron i se los kudijaron, i todas

1556                     Biografia de S. Davitchonatche kon su ijo S. Haimatche.                    1886

las 2 mui sanas i mui boenas, i tenijan i el tiempo para kudijar la kaza i merarsen tambien por sus plazeres,

En este tiempo ke estuvo en Samokov S. Leon B. Jshak de Lom Palanka i avlando por la kistion de espozarla a Dona, si lo dicho a S. Refaelatche, ke el koal estuvo en avla sovre esto i denpoes ke ja partjo S. Aslan de Samokov era S. Refaelatche ke korespondejava sovre esto i toparon a un novio, en Vidin S. Jaakov Elijas, ke lo konvenieron por 500 napoliones de kontado i achugar a su onor, i en este mizmo anio tambien izieron i la boda, ke vinieron konsfoegros de Vidin por tomar a la novia i se foeron el padre i la madre ala boda ke i estuvieron pokos dijas i se boltaron mui kontente, ke alos presipios ja pasavan mui boenos, i mui kontentes de todas las 2 partes, i eja pario 2 ijos Alfred i Viktor, ma denpoes de esto, ejos enpesazon a tener algunas deferensias, i litigas entre el marido kon la mujer lo todo por algunos jeros ke eja los azija, ma eja ke foe tan foerte foe kapatche de azerlo fuir a el marido de kaza i se iva a el hotel de esta manera lo foe aziendo unas koantas vezes, anke ke en estos tiempos ja los apazigoavan ma ja era ke torna si lis rebivia los pleitos, ke lo todo era por ke eja si li enmleskava en los etchos de el marido ke su entision era ke enpatronarse de el bien ke lo enpatronava el marido, ke el tenija un boen molino kon muntchas tarlas i era ke de esto era su mantinimiento, i tomava boenos revenidos, ma por desplazer foe ke unos turkos li avrieron proses por este molino ke si lo kijeron tomarsilo komo ke era sujos, i eja la dona ke

1557                     Biografia de S. Davitchonatche kon su ijo S. Haimatche.                    1886

topo esta okazion se azija de boeno kon el marido fin a ke lo pudo konvenser a ke si lo pasara a su nombre seja el molino komo tambien i algunas otras kosas ke el las enpatronava i esto ke ja lo izieron foe ke eja si enpatrono en lo todo, fin a el grado ke apenas li dava paras para ke si merkara tutun, i eja tomava todos los revenidas, i non kijo verlo mas a su marido, i eja toda moneda ke la tomava, la emplejava para luksos, i sus plazeres, eja en kada anio se iva alos banios de la evropa por su plazer i sin tenerlo el menester, i koando a eja non li abastisijan las paras, se vinija a Samokov, i li tomava de su ermano S. Leon kon ke lo amenazava, seja por esto ke el lo enpatrono el bien todo de su padre seja ke li dezija ke iva a reklamar la jerucha i ansi era ke li tomava, i en vezes eja se iva tambien i a kostan ande su ermano S. Lusien para enbrolarlo a ke li reklamara de S. Leon, su parte i ke eja tambien ja lo tenija de enkamenar los djuzgos i kon esto era ke i de el tambien li tomava moneda, lo todo para luksos, i sus plazeres, i su marido S. Jaakov iva sufriendo por los hoteles solo, ke mizmo i sus ijos tambien ke ja eran mas grandes lo arondjaron a el padre i non lo kerijan ni verlo porke eja ja foe kapatche de konvenser i a sus ijos, ke anke todo esto el S. Jaakov non pedrio el kuraje, ke a el li paresija ke era lo todo kon los konsejos ke li dava su ermamo, ke lo estava aziendo su mujer, el somportava todos los maleres i angustias, seja de su mujer komo i de sus ijos, i iva kontinuando en el proseso, kon ke se iva endevdando ande sus parientes i amigos, por tomarle moneda para ir gastando en

1558                     Biografia de S. Davitchonatche kon su ijo S. Haimatche.                    1886

el djuzgo, i esto li turo komo a 5 anios, fin ke pudo reuchir i lo gano el djuzgo, i siendo mui enfastijado el si konvino kon los mizmos turkos i se los vendjo a ejos por la suma de 40,000 fr, i el resivio el enporto, i denpoes ke el pago a todos esto ke el devija la suma ke li resto la enpetrona el i mas non kijo ver ni a su mujer ni a sus ijos, i biven aparte i La Donna bive kon sus ijos, i gasta de la moneda ke lis va tomando de sus ermanos i mas tadre eja los enpeigo a sus ijos kon estas pagas ejos van biviendo es esto loke eja gano seja kon konsejos or seja ke de eja lo azija foe esto alos kavos, ke estan de esta manera de vidas biviendo,

Kon el etcho de la fabrica de los tutunes, ke ejos la tenijan kon S. Jsrael chalgan ejos ke si meraron un konto i siendo, ke non toparon boeno los kontos, ke non lis amostro dingunos profitos foe ke lo abandonaron, i mas non lo kontinuaron, i ejos por ke non estuviera el S. Leon en vazio, lo tomaron por haver a S. Chemoel B. Manuan [Manoah], ke el koal ja era kondradji, ke ja si entindija en los artikolos de kundradjis, i merkaron koeros lavorados para kundradjis, ke esto ja era ropa mas koriente, i tambien etcho mas riko, i enpesaron a vender a los kundradjis de samokov, ke mas tadre li vinijan tambien i klientes de Dubnisa i de los kazales,

Sigun ke ja lo saven ke su Ijo el S. Haimatche non bivija tanto boeno kon su mujer, i ke esto li era a S. Davitchonatche mui grande ataganto, i pensandose ke komo lo apartava de kaza ke

1559                     Biografia de S. Davitchonatche kon su ijo S. Haimatche.                    1886

 podija ser si lis adovava sus bivir mas mijor, i para ke non si konsintiera ke solo a S. Haimatche lo kirija apartarlo foe ke lis dicho alos 2 ijos mas grandes Haimatche i Leon por ke el ja tiene muntchas kazas, i siendo ke agora la familija ja si lis kresio, jea [ja] es de djusto ke vos tomech a una kaza a kada uno i apartavos, kon ke es ke jo tengo de kudijar por vozotros, ke su entision era por ke si li apartara solo el S. Haimatche, ma este ultimo li refozo, en diziendole ke el non si aparta dela meza de el padre, i el padre visto a esta repoesta mas non li avlo i resto kon el padre, ma S. Leon li dicho, ke el ja si aparta, una vez ke su ermano non lo kere, solo ke li rogo porke li diera la kaza de H. Mochonatche alkalai ke li tenija merkado, i ke el kon una tchika reparasion, ke li iva azer de su moneda, ke el ja tenija seja de las ganansias de los tutunes komo tambien i de el kontado ke el tomo, kon esto el ja si aparta, i su S. Padre ke ja li atcheto, i li dicho tomate koala de las kazas keres ke jo las tengo, i apartate, kon en mizmo tiempo tambien lo bendicho por esto ke non li refuzo, i el enpeso en la reparasion i en poko de tiempo ke ja estuvo pronto, i el ke si foe merkando algo de mubilia i el padre tambien ke ja li djo de su kaza lo mas enportante, i se paso en eja mui kontente komo tambien i sus parientes, i denpoes el si adjunto i otro un kortijo, ke era de H. Elijatche i li izo mui ermoza goerta, kon ke iva sembrando muntchos arvoles de modos de frutas i de tchamis, i rozas i mas todo esto ke li era de menester, i bivio en eja fin a este tiempo, i sus djenetores ja era ke siempre

1560                     Biografia de S. Davitchonatche kon su ijo S. Haimatche.                    1886

lo vijitavan i era mui kontente,

el ke era kaje siempre parnas de la Hevra Keducha, i de mizmo muntchas vezes i prezedente de el kumite sinagogal i siendo ke los Chelohim de Jeruchalaim i de Arbaa arsod, uvo un tiempo ke pujaron muntcho i el kolel non estava abastisiendo para darle las nedavod, ke era ke tratavan i los chelohim de el kolel non si kontentavan tanto presto porke ejos ja tenijan notas de los otros anios de la dadivas ke tomavan i era ke lo kerijan i en estos tiempos, foe ke en una de las adjuntas ke tuvieron el komite i visto ke non podija somportar el kolel ansi nedavod, porke ja tuvieron mas grandes los gastos arazon de la echkola lo izieron ke fiksaron por los cheluhim de koleles una sierta suma i por estos ke vinijan por si mizmo una a una mas tchika, i sovre esto lo izieron protokol i lo eskrivieron en el livro de el kolel i mas tadre ke ja vino un Chaliah de kolel ke era de Jeruchalaim, i ke li kijeron pagar la nedava fiksada, i el ke tenija notado ke de samokov lo iva a tomar kon 3 vezes mas muntcho foe ke lis salio a ravijas i litigas la koza i ala kavesera komo era en este tiempo el S. Davitchonatche era ke non atchetava a darle mas muntcho de lo fiksado, i el Chaliah ke non si kontentava, lo izo el Chaliah ke lo metio en Herem a S. Davitchonatche, ke esto de el Herem era ke si rekonosija de las personas, ke eran en el poder, i S. Davitchonatche komo ja era i el uno de el poder foe ke li dicho ke el lo mete a el Chaliah en HEREM i en CHEMATA, ke es tambien komo rekonosido vino aser ke estuvieron todos los 2 en herem i kalio ke

1561                     Biografia de S. Davitchonatche kon su ijo S. Haimatche.                    1886

los apartaran de el Kaal ke este modo era el uzo ke koando a uno lo enharemaban li mandavan la talega a kaza porke mas non podija venir a el Kaal, i para ketarles el Herem ja era ke los Hahamim lo remendavan ke lis kalija i ke jevaran i makud [malkud] ke es las 40 asotadas, i el Chaliah sin mas nada avlar si kontento a esto ke li dieron i el presto si foe de Samokov.

En el anio de 5647, El iva endo siempre malato, i era ke li vinijan unos boltamientos de kavesa, i los medikos anke ke lo akonsejavan muntcho por ke kalija ke si goadrara de las komidas, porke a el siempre li plazija komer kozas de masa komo pides i, feladonijas i fides, i ansi mas kozas ke ja avijan muntchas, ke esto todo lo engodra ala persona i el por si ke ja era godro, foe ke se li rekojo gudrura en el korason, ke el komo era mui sano i mui fursudo era ke alos presipios lo estava podiendo somportarlo i koando era ke li vinija esta boltamiento era ke si li boltava su kolor de la kara en amario i li turava 3 i 4 dijas i denpoes por un sierto tiempo li pasava, i kontinuava en todo esto ke el lo lavorava de mas antes, (es sigun la vista ke la persona non kale este mui libero, i asentado ke koando lo aze esto es de sujo ke si va a engodrar, ke kale tambien este okopado i kon esto es ke si enkontran los momentos de los penserios ande non lo poeden dechar engodrar, ke savido es ke la persona

1562                     Biografia de S. Davitchonatche kon su ijo S. Haimatche.                    1887

ke lo poede i lo buchka a estar libero, i non kere ditcho koando ja el i mantiene boeno, ja es de sujo ke si va ir siempre engodrandose i por mas mijor koando ja si i aparta de non frekontar entre la djente, i kavza tambien i flakeza, de el saver,) el viendose ansi, se penso de abandonarlo a Samokov i irse a bivir en otra sivdad lechos de Samokov, kon ke si penso de vender todos sus mulkes ke el lo enpatronava seja en Samokov komo tambien i en Sofia, el se izo una nota de esto ke enpatronava, kon ke asenjalo unos presios, ultimas, i lo jamo a un sierto, H. Chemoel Avdala, ke el koal era koredor de vender i merkar mulkes, i li djo la nota, porke li topara un merkador ke el koal ke lo foe prometiendo en unos koantos lugares foe ke non pudo topar ansi un merkador por le suma entera porke era tambien i bien godra, i el ke non kijo vender en partidas foe ke resto sin ke mas buchkara de vender, i el kirija bivir tambien solo ke los ijos mas grandes era ke los iva a resentar kon a una kantedad de moneda ke lis iva a darles i kon los tchikos el se iva a ir, su ijo S. Haimatche ke estava kon el en su kanselaria era el ke si okopava, en los etchos ke azijan i koando era el menester de viajar era el ke vijajava, i su ijo el S. Leon ke ja era en el etcho de los koeros, non si mleskava en los negosios de el padre, el ke ja estava en kaza aparte era ke siempre la adonava la kaza kon la goerta, i su S. Padre ke li plazija tambien muntcho goertas, era ke siempre se li iva en su kaza i lo enbezava sigun ke la iziera, i ansi tambien el li adjustava i algunas kozas ke li mankava de la mobilija de la kaza, i kon su ijo

1563                     Biografia de S. Davitchonatche kon su ijo S. Haimatche.                    1887

el S. Jomtov, ke ja avija eskapado la echkola i siendo ke era mui flako el non si lo tomo kon si para ke non si kansar, i por ke trokara el aver lo mando a Sofia por ke buchkara de empeigarse en alguna kanselaria por eskribano, i en mizmo tiempo ke si podiera remeter, i esto lo izo i estuvo algo de tiempo en Sofia i mas tadre el se vino torna a Samokov, ke non pudo estar mas en Sofia,

Kon las deferensias ke ejos tenijan kon sus ermanos seja de estas de koando si espartieron komo tambien i de moevas sovre los enkasos i algunos gastes ke los azijan de todas las 2 partes kon la jaila i el bezesten de Sofia, ke esto lis atagantava a todas las 2 partes, i ansi era ke enteramente kortar unos kontos non lo podieron ke lo todo era akontos, de esto ke lo asijan los enkasos seja de la una parte komo tambien i de la otra, i a razon de estas kozas era ke si lis rebivija tambien i algunas litigas de kaza, de familia ke foe en este anio ke S. Chemoelatche, li jevo a su kaza a sus S, madre por la razon ke ja lo eskrivi mas antes, ke era ke eja sus madre devija de ser libera por restarse ande koal ijo eja lo kerija, i ke ja lo tenijan fiksado kada uno la paga ke devija pagar por eja i seja por el sujo mantinimiento komo tambien i por su vistir a sus onor i el djep hachlik, ke esto era la suma ke si li podija azerle el menester, i sigun ditcho ke S. Chemoelatche ke estava en su kaza i era el ke resivija la paga fiksada por el mantinimiento ansi tambien i el era ke li abastesija mas todo el menester seja de el vistir komo tambien i de el djep hachlik i en este tiempo ke el lis keto konto de

1564                     Biografia de S. Davitchonatche kon su ijo S. Haimatche.                    1887

el gaste ke izo en un tiempo de komo 2 anios, i ke el li demando la suma ke li revinija, tambien i a el foe ke li refuzo de pagarle visto ke non li vido fin a este grado ke gastarija, i S. Chemoelatche mui ensanijado de este refuzo, lo izo ke si la mando a sus madre en su kaza kon ke li rekojo tambien i sus vistidos, i se los mando djunto kon eja i el S. Davitchonatche la resivio kon muntcho plazer i la kudijava i la merava mui muntcho, ma a eja esto li foe mui grande ataganto ke aparte de loke si avregonso foe ke eja tambien i iva jorando ke era por una tchika deferensija ke todo loke dezija era ke el non si decha enganijar i esto li kavzava de algo de flakeza el dizir de esta manera, sin ke pensava ke era por sus madre ke si tratava, i a esta kavza eja ke ja tenija la vista kurta ke era de la vejes ke si li avija akortado foe kavzante a ke si li kortara por entero su vista, i eja ke ja era una mujer mui meujuda, lo pudo todo somportarlo, sin ke si azija saver ni konoser a dinguno, i en todo el tiempo ke estuvo ande el S. Davitchonatche por nada non si akechava, porke eja ja era mui bien merada i chorada [onorada] i la kudijavan mui muntcho, ma a eja era ke li plazija siempre estarse kon su ijo el tchiko el S. Chemoelatche, i ansi foe ke eja si foe de moevo ande S. Chemoelatche i pensandose non seja arivara algunas otras deferensias entre los ermanos eja si foe ande su ijo el grande S. Mochonatche, i era ke la kamenavan por el braso, i en esta kaza tambien eja murio, ke era en el 20 ijar de este anio de 5652, ala edad de 85 anios, i en estas idas i vinidas ke eja se iva de la una kaza ala otra, era ke

1565                     Biografia de S. Davitchonatche kon su ijo S. Haimatche.                    1887

 dinguno non li avlava nada, i la dechavan ke lo iziera sigun ke a eja li plazija, en toda su vida era ke toda la familija en los dijas de las fiestas, i de muntchos chabatiod, todos la vijitavamos ande seja ke eja estava, i eja si gustava mui muntcho,

En el anio de 5648, el era ke iva tiniendo mas akoruto el boltamiento de la kavesa, i siempre era ke si iva lavandos seja la kara komo tambien i la kavesa kon agoa jelada, ke kon esto era ke li paresija por akel momento ke repozava, i esto era en unos koantos dijas una ves ke li venija, i en este tiempo ke iva resiviendo kartas de su ija la grande M. Rebeka ke estava kazada en Nich, kon S. Daniel Gerchon, kechandose por su marido, ke los etchos non le ivan kamenandole boenos i arazon de esto ke el si avija etchado a el komardjilik, i de esto ke ainda mas iva pidriendo i ke non estava kodijando por la kaza i por las krejaturas, ke lo poko de revinido ke ja tenija era ke lo todo lo iva djugandolo, i ke ja avija tambien enpesado i a prendar algunos de sus mulkes, i algunas kozas de kaza, i S. Davitchonatche ke iva resiviendo ansi mas akoruto estas kartas, ke li era tambien un grande apreto, se detchizo el mizmo de irse a Nich, por buchkar un remedio, i al menos de poder pasar el mulk a el nombre de su ija M. Rebeka, ke esto lo izo i reucho a pasar el mulk a el nombre de M. Rebeka, i se lo trucho a Samokov kon ke

1566                     Biografia de S. Davitchonatche kon su ijo S. Haimatche.                    1888

li djo una de sus kazas ke el tenija vizina ala kaza ke el morava i dava tambien i en mizmo tiempo el menester de su mantinimiento i S. Daniel foe mui repentido ke lo paso su bien a el nombre de su mujer, porke el mas ja non tuvo nada, i ansi era ke non pasava vidas de el entodo boenas, en kaza i siempre iva pelejando, seja kon su mujar komo tambien i kon sus krejaturas, i era ke si iva kamenando en vazio por las kavanes, i de esto foe ke i en samokov tambien enpeso a djugar, i por esto anke ke lo amenazavan ma ja era ke el non sentija nada, i mas tadre el avrio i proseso kontra su esfoegro, ande el konsolo sirbo kon la entision de tomarse atras sus mulkes, ma non lo pudo otro ke en el konsolo lo konvinieron por ke si li vendiera la una butika i kon estas paras, ke si asentara en botika por azer algun saraflik, ke lo izieron i esto ma foe ke en poko tiempo si eskaparon i estas paras i enpeso de moevo a el etcho sujo, i ansi era ke su mojer iva sufriendo i jevando los mil males, i siendo ke a eja la amenazava i en una vez ke el vino boratcho a kaza i ke eja estava serka de un pozo i siendo ke enpeso a pelejar, foe ke eja si espanto i de el grande SAAR ke eja si tomo, foe ke li arivo la maladija de el epelipsi (ke kaiva) ke alos presipios li foe mas ralo ma mas tadre si li foe montchigoando, i S. Daniel ke ja non pudo mas el si foe a el kairo sin mas kudijar ni por su mojer ni sus krejaturas i eja resta a los kudios de sus ermanos i madre ke biven en una kaza i fin agora ke esto eskriviendo la dita es ke S. Daniel esta en el kairo i otros lugares, i sin kartejarsen ke esto unas koantas vezes alos presipios

1567                     Biografia de S. Davitchonatche kon su ijo S. Haimatche.                    1888

ja foe eskriviendoles, por ke si foeran i eja a el kairo ma eja no kijo, kon la entision ke ja si tiene torna de vinir,

El S. Davitchonatche su entision, ja era ke de Nich irse a viena por azerse merar de los medikos ma el komo si amostro i alos medikos de Nich, ke los koalos li dicheron ke tenija la degeneresens, greseus de kior, ke es la gudrura en el korason, i ke en viena iva a ser una tchika operasion ke li devijan de aserle kon ke le ivan a ketarle la gudrura ke si li rekojo en el koarson i el ke se espanto de esto non se kijo ir i se vino a Samokov ma foe un jero el espanto ke tuvo, por razon ke esto ja lo bochko denpoes ma ja foe mui muntcho tadre, i el anke ke salija ala plasa ma ja era lo todo sin gana, i el kolor de su kara ja si li avija aboltado enteramente i el apetite de komer ke mas ja non foe tiniendo, i el boltamiento de la kavesa, ke ja la foe tiniendo mas muntcho, ja era ke non kerija estar mas i kon djente, i si komo era mui gairetli i mui amorozo de sus krejaturas, era ke si asentava i el en la meza por komer, en djuntos, ma el non komija kaje nada, por la razon ke non tenija apetite, era de esta manera ke lo iva komo zorlen^[46] pasandolo en pies, i de mizmo foe i la notche ke murio, ke si asento en la meza anke ke non komio, i apenas ke eskaparon de komer, ke ja si foe a su kamareta porke el en el mizmo dija esto ja lo tuvo 2 i 3 vezes, ansi foe tambien ke i en la kamareta de koando si levanto de la meza tambien lo tuvo, mui foerte fin a el grado ke estuvo deznajado, i asentado en el minder, i presto ke korieron por jamar djente, i medikos i sus

1568                     Biografia de S. Davitchonatche kon su ijo S. Haimatche.                    1888

ermanos ke ja moravan vizinos en el mizmo kortijo, ke ja korieron todos, i sus ijos non buchkaron a sus otros parientes, tambien ke ja moravan serka otro ke ejos si foeron mas lechos i jamaron a H. Menahem Matatia i S. Mairutcho Alkalai ansi foe ke los parientes non lo supieron de la notche, i todos los ajudos ke si li dieron todos foeron sin dingun provetcho, i ansi foe ke resto sigun ke estava asentado moerto para nunka mas levantarse, i esto foe en notche de mierkoles en el 14 kizlev, de este anio 5648, en la flor de su manseves ke foe de una tchika edad de 48 anios, i dechando a toda su familia i parientes dezasperados, ke lo joraron toda la familia el anio entero i ala maniana li izieron todas las onores de el kavo, i li goadraran los 7 dijas de el limunio, kon ke vinijan en kada dija los Hahamim, i meldavan por su alma, i ansi de mizmo lo izieron en el anio entero ejos espartieron muntcha sedaka i dieron a komer muntchas mezas alos menesterozos, i en este tiempo ejos lo izieron saver i ala kanselara franseza en Sofia, ke pasando de esto komo 2 dijas vinieron de la ditcha kanselaria 2 deligados i tomaron nota de todo el bien ke el lo enpatronava, i lo mas valotozo ejos lo apartaron en una de las kamaretas de la kaza, i las poertas ejos las sijaron i kon lo restan de mizmo lo tomaron en nota sin ke las sijaron, en dechandolas para ke si servieran de ejas, i denpoes ke ja si levantaron de los siete, los ermanos mas grandes vinieron en un lugar, i enpesaron de moevo a tomarsen notas seja en los bienes de kaza komo tambien i estos de la plasa, lo todo kon ke kontinuaron a jevar la firma de sus padre, ke

1569                     Biografia de S. Davitchonatche kon su ijo S. Haimatche.                    1888

ejos non si entraron en dingunos etchos moevos en este anio otro, ke ejos era ke demaniana se ivan a el kaal todos a dizir la tefila, i se asentaron en el avel el anio entero, i li dezijan el kadich, i ejos asendieron una lampa el kaal ke lis adria a sus gaste en el anio entero, i en las tadres ejos de temprano ja si vinijan en kaza ke ja vinijan los hahamim por meldar en kada dija, ke alos koalos eran mui bien pagados, ansi era ke i en muntchas de las tadres lis ivan tambien i sus parientes i meldavan djuntos, i dezijan la minha kon el arvid kon el minijan de lo personas, i en esta manera foe ke lo kontinoaron en el anio entero i ejos non salijan a dingun lugar a vijitar era ke sus parientes siempre los akompanijavan, en su kaza, ejos en okasion ke tenijan el menester de vijajar seja a Sofia komo tambien i en otros lugares, mientres en este anio era el uno de ejos ke si iva i siempre buchkaron por estarsen rekojidos, i de todas sus operasiones ke ejos las asijan fin ala mas tchika era ke lo davan de nota en la kanselaria franseza, i de el konsolato ke ja los protejavan i los ajudavan mui muntcho, seja por koando tenijan algunas deferensias kon sus ermanos or kon sus parientes era lo todo en la kanselaria ke lo eskapavan,

El S. Haimatche ke ja estava al koriente mas muntcho de todos los etchos era el ke si okopava mas muntcho kon ke lo ajudava S. Jomtov, por razon ke S. Leon, era en la butika de los koeros

1570                                  ENTELEGENSIA REZERVADA

El S. Davitchonatche sigun de loke si veé kaje de el presipio, el era deskorajado, sovre el negosio, ke li paresia, ke en dingun lavoro, non iva a poder reuchir a ganar, a tiempo, ke el ja lo vido de su tchikes, de la manera ke lavoravan sus parientes, i kon el mas grande kuraje, ke esto non kale dizir, ke li mankava, la energija, i esto por koalo a razon ke non tuvo dinguna enstruksion, i de esto li kavzava poede ser la flakeza de energia, ma el bivio mui kontente en la poka su vida, el foe mui amoroso de sus krejaturas, i las kudijava mui muntcho, anke ke el tenija algunas deferensias, kon sus ermanos ma era, por su pontoaledad, i esto solo era ke li kavzava a estarse siempre mas apartado de entre la Familia, el non kijo en toda su vida azer dingun lukso ansi era ke los enkamenava tambien i a sus ijos, a el li plazia pasar lo mas muntcho kon la djente de la klasa medijana, i el sakrifikava moneda para bien fizensia, i el fondava tambien sosietas para esto el foe siempre kaje el prezedente de la hevra keducha, i el la enrekisio, esta hevra kon atvoendos de plata i en los mas de ejos eskrivija su nombre, ke era MICHATADEL, i ansi tambien en mas muntchas kozas, solo ke su vida foe mui kurta, i murio de una edad de 48 anios, i el tuvo 6 ijos i 4 ijas,

1571

Asta aki si eskapa la partida de el S. Davitchonatche por la razon de su moerte, ke murio en el 14 Kizlev de el anio 5648,