סניור רפאל ואביו עד 5638

375                         Biografia de H. Avramatche R. Arie i su IJO S-r. Refael,                     1864

de S-r. Jaakov Tatcher, su nombre Duda, ke izieron el espozorio, kon ke li van a dar 2000 groches de kontado i achugar aparte, ke H. Avramatche, si gusto mui muntcho, i koando vino a Samokov, izieron el espozorio sigun ke ja lo saven sigun ke los azian, i todos lo vijitaron i sus parientes si li foeron en el dija de Chahad a komer sigun ke era el uzo, i a la novia en el tiempo ke estuvieron espozados li mandavan siempre las dulsuras, i presentes ke si uzava a mandar i ansi de mizmo tambien las resivian,

            El Novio estava en el midrach, estudiando en la Gemara, kon Hr. Avraam Koen, ke si enbezava las liksiones mui bien i aparte tomava liksion en Turko ke li vinia un profesor i li enbezava la lingua, i a eskrivir en Turko, ke i en esto tambien era mui adelantado sigun ke ja van a meldar mas adelantre ke devino i el un eskrivano en la kanselaria de el djuzgo, i el Dajan lo protejava mui muntcho

H, Avramatche, era de mizmo tambien en el etcho de Tchelebi Jeuda, empeigado, i lavorava en lo todo ke el ja si lo avia resentado, i non penso mas por azer dinguna echpekulasion ke ja lo vido ke non reuchija, ke el dezija si sus IJOS van a poder reuchir a non ser empeigados ja vo aser i jo i ejos mazaludos,

            En este anio ke murio H. Elijatchuno, i la Bu. Bulisu su ermana ke estava parida i asentada en la kama aparte ke foe para toda la Famijia, la mas grande ansia ke poede ser, i la Bu. Bulisu ke estava siempre kon dezmajos, foe ke lo mandaron a su ermano H. Avramatche a su ermano, por ke estuviera siempre kon eja para ke la

376                          Biografia de H. Avramatche R. Arie kon su IJO S-r. Refael,                      1864

foera konortandola, ke sigun estava era ke avia perikolo tambien i de eja, i ansi foe ke estuvo kon eja serka de un mez,

            En este anio ke tuvieron el Beilik de el okrug^[38], de Sofia foe H. Avramatche, uno de los grandes meemures, sovre kontar a los karneros, el kon grande foersa koria a kavajo sovre este punto, i non li era nada las notches i los dijas de estar sovre el kavajo para non dechar pasar, ni un karnero ke los savija kontarlos en esta en estando pasijando ke kon su foerte kavajo entrava ariento de ejos i los savija azerlos apartar en 4 partidas i ansi los kontava, lo todo a mui presto i antes ke si adjuntaran, todos de moevo en una, En el anio de 5625

             En el anio de 5625, ke su IJO Refael ja estava espozado de el anio pasado, kijeron kazarlo, i ansi foe ke izieron todas las formaledades, de demandar boda, i se prontaron por la boda todo el menester, i en su tiempo, si foe mizmo H. Avramatche, a Sofia para traer la Novia, i koando ja vinieron izieron la boda, de todo djusto i todos sus parientes estuvieron en la boda, seja la primera notche komo tambien i en el dia de Chabad, ke si li foeron todos a komer, i de todas las 2 partes foeron mui bien kontentes, i la Novia ke ja trucho boena achugar i kontado, i eja ke ja foe de todo boena, i respektoza, i meradera de la kaza, i mui ikonomioza, eja kudijava por sus kriaturas, ke pario kaje en kada sigundo anio, es esta la ke si

377                           Biografia de H. Avramatche R. Arie kon su IJO S-r. Refael,                      1865

Foe a las kolonias de RICHON Le SION, i esta es la ke kantava el ERES VARUM^[39], asuvida en el karo de aznikes [aznikos], indese al pazar jevando gainas i goevos, para venderlos, i kon muntcho gusto.

            S-r. Refael ke estava en el midrach estudiando, foe ke de este tiempo non foe mas i era solo ke tomava las liksiones en Turko i lo topo de boeno de merkarse algo de ropas minudas i algunas drogas i se las resento en una tabla i enpeso a kamenar por las kalejas ke moravan los turkos i kristianos, i lis vendija komo algujas i ilos i tantelas i ansi mas kozas, ke estava dijas enteros kamenando i iva alguna koza vindiendo ma non era koza emportante ke por los presipios li estava siendo boeno ma mas tadre si iva enfasiando, por ke si kansava, ke S-r. Refael era una persona flaka ma era mui sano era mui ikonomiozo, non li plazia asentarse en las kavanes, ni menos por las mejanas ke non bivija del en todo seja vino komo tambien rakis, era un paket de tutun ke fumava en 3 dijas, de las ganansias, ke tenija de el etcho de la tabla, las iva amontonando, ke al Padre alos presipios, non li ajudo para el gaste de kaza, ke era lo todo alos kudios de el Padre,

            I H. Avramatche ke ja era de mizmo empeigado komo los otros anios, ande sus parientes kontinuava kon la mizma paga i kon esta paga ja si pasavan i bivijan mui boenos i kontentes, solo ke non pudo nada avansar, ke sigun los tomava era ansi ke si li eskurian de las manos ke esto es loke dizen todos los empeigados ke de moneda pronta non si poede avansar, ke esto es loke kiji dizir mas antes

378                         Biografia de H. Avramatche R. Arie kon su IJO S-r. Refael,                      1865

sovre los empeigos, ke los estan mui presto buchkandolos para alkansarlos, i non estan kiriendo estudijar sovre koala echpekulasion foesa, ke jo lo esto diziendo visto a esta vida de H. Avramatche i de estas ke ja van a meldar adelantre, ma sera ke agora si kerla de esta manera i ke non tomen en mano nada de todo lo eskrito fin agora, i kada uno ke si eskojka akejo ke li parese mas mijor,

            En este tiempo tambien H. Avramatche si iva okupando en la kistion de la Ketuba de su ermana la Bu. Bulisu ke si levantaron H. Chelomo Koen I H. Chemolatche a buchkar el aver ke tenijan de H. Elijatchuno, i siendo ke la ketuba akonanta, lo apartaron todo para esto komo tambien i la kaza, ke si la izieron para Bu. Bulisu, foe i este una kistion enportante fin ke lo resentaron, ke esto ja lo van a meldar en la partida de la Bu. Bulisu,

            En el anio de 5626, su IJO el S-r. Refael ke kuntinuava, en la merkansia de la tabla ditcha mas antes, foe ke non tuvo dingun konto ke aparte ke non pudo nada profetar, tuve tambien ke estuvo i en manko, aparte de loke si kansava de kamenar el dia entero por todas las plasas, ke a los kavos estuvo tambien i hazino i ansi foe ke lo abandono este etcho i foe si empeigo en la kantchelaria de el Dajan komo eskrivano porke ja konosia boeno esta eskritura, i la lingua ke ja la konosija li izieron por el presipio 60 groches al

379                           Biografia de H. Avramatche R. Arie kon su IJO S-r. Refael,                      1866

mez de paga, ke de esto foe mui gustozo ke ja iva a tener repozo de mizmo i el padre tambien si gusto i foe mui kontente, ke las pagas ke resivijan todos los 2 era ke si ivan mui boeno pasando i bivijan mui kontentes, i se pasavan tambien boenos el padre kon el IJO i se respektavan ansi era de mizmo i en kaza las mujeres, ke si pasavan tambien mui boenas, i se kudijavan a las kriaturas de las unas a las otras, sin azersen deferensias,

1. Avramatche, sigun eskrito mas antes ke koando non tenija koalo azer, i ke non avija ande mandarlo era ke lo mandavan a la echkola, i los enbezava a kantar a los elevos, i tambien i a los Hazanim, i en las notches, se iva a la kaza de Tchelebi Jeuda, i pasavan el tiempo kon kantar, i muntchas vezes si lo jevava a los madenis i al tchiflik de la bana, i eran djuntos komo su kompaniero,

            En el anio de 5627, li nasio a H. Avramatche una IJA, ke kon eja tambien izieron sigun todos los otros partos, i la jamara Ester, ke es la demoazela Ester, ke su ermano M. David si okupo tanto por ke kontinuara sus estudios, sovre todo en el tiempo ke el ja foe profesor en Samokov en la Echkola de la Aliensa Israelid, lo todo kon la entision de mandarla a los gastes i los kudios de la aliansa Jsraelid, a la Echkola de los ofisios por ke deviniera en un tiempo komo derektrisa para esto, i eja ke ja era mui entelejente i

380                           Biografia de H. Avramatche R. Arie kon su IJO S-r. Refael,                      1867

mui penquera [bienkera] para enbezarse sus liksiones, foe ke siempre iva indo i adelantando, ke seja sus ermanos komo tambien i su padre eran mui gustozos, i mas tadre ke M. David, foe nomenado komo derektor, en la Echkola de JAFA, i foe uvligado de dechar a Samokov, lo izo ke si la jevo kon el a JAFA, i la detuvo tambien un anio otro fin ke pudo ser fin a un grado pertenesiente para mandarla a la Echkola de Paris, i lo izo esto ke la mando a Paris, i en Paris la Aliansa Jsraelid, la resivio i la metio en la Echkola de los ofisios, sigun el dezejo de su ermano, i estuvo kontinuando, en sus estudios, ke iva tambien indo mui boeno adelantre, eja estuvo 2 anios, kontinuando esta Echkola, i en este tiempo vino tambien i a Samokov, en el tiempo de las vakansas, i todos eramos mui gustozos de verla ke ja estava bien entrada en todos los puntos, i sovre todo ke eja era una mutchatcha mui ermoza, i de boen koerpe i grandina, i mui entelejente, i para eskapar sus estudios tenija el menester de kontinuar ainda un anio otro, i eja ke si foe por eskapar esto, foe ke denpoes de poko tiempo, eja kajo hazina, sin ke si pudo saver de koalo sufrio i eja foe indo dia kada dija mas flaka fin al grado ke li kalio ke dechara la Echkola i la mandaron en muntchos Echpetales, i li dieron todos los kudios posivles, ma lo todo foe sin dingun provetcho i ansi foe ke non pasaron 4 mezes de koando enpeso a ir hazina i por dezgrasia eja murio en la flor de su manseves ke apenas tenia 21 anio, ke para toda la Familia foe una mui grande dolor, i ansia, eja foe enterada en paris a los gastes de la Aliansa Jsraelis, ke non podemos dizir ke non lo

381                           Biografia de H. Avramatche R. Arie kon su IJO S-r. Refael,                      1867

podija somportar el estudio, a razon ke non tenija por ande, ke toda su djente ja eran de esta katigorija, ma de koala parte deremos eja non egziste mas,

Ejos todos los 2 seja el padre komo tambien i el IJO eran de mizmo empeigados, i kontinuavan en sus lavoro,

1. Rabenutcho si li aderese ande H. Avramatche rogandole porke li iziera saver si es ke lo siente avlar alguna koza por el i H. Avramatche li dize, patraniero, ejos non tienen el tiempo ni de komer van a avlar por vos, dizime loke es ki kerech dizir, i H. Rabenutcho li dize ja lo savech mui bien el etcho mio, loke tuve kon ejos, na ke agora ja non mi kedo ni un santim, i kerija torna etcharme a los pies sujos, i ke mi pedronen i torna de moevo ke mi metan en algun etcho, i H. Avramatche li dize, ja los eskapatech, los 200 mil ? i su repoesta foe, este modo de paras ansi si eskapan, es agora veremos aver komo es ki me vach a resentar el etcho, i li dize ke a Tchelebi Jeuda mi espante de avlarle ma a Tchelebi Avraam, ja si lo poedi dizir, ke esto ja foe ditcho i etcho, i sigun ja lo van a meldar en la partida suja i lo tomaron si [sin] ke meraron las kozas pasadas, i de vista ja lo mandaron al etcho, ke si foe a Vidin, por el etcho de los rusomates^[40], ke tenijan,

En el anio de 5628, li nasio a su IJO S-r. Refael una

382                           Biografia de H. Avramatche R. Arie kon su IJO S-r. Refael,                      1868

IJA, la Behora, ke foe aligria mui grande, para su Papu i toda la Familia, ke kon eja tambien izieron de mizmo sigun todas las otras paridas ke la vijitaron todos los parientes, i li mandaron los platos de dulsuras i los prezentes, i la parida ke era sana i boena eja mizma la krio i la kudio, esta es la M. Buka ke kazo en Sofia kon S-r. Davidtchon B. Haim ke los jaman el Samakovli ke tienen grandes magazenes, de vistidos prontos, ke venden a sumas grandes, i estan en la mijor pozision i esta M. Buka non pario 12 Anios, i denpoes si foe kon su marido a Jeruchalaim, por pasar la mar ke estuvieron en este viaje komo 2 mezes, ke foe una maravija ke en viniendo a sofija en el mizmo anio eja kedo preniada, i pario ke agora tiene IJO i IJAS, i biven mui kontentes i aunados kon su marido, este ditcho viaje lo izo en el anio de 5658, ke estava su esfoegra, en Jeruchalaim i li foe aziendo etchurias de mujeres, algunos non dan kredito a las etchurijas de las mujeres ma a esta ja li reucho, kijendo dizir ke ja kale dar tambien i a esto kredito porke i esta M. Buka en los anios ke non pario eja ja izo todas las kuras de los medikos los mas validos ma non tuvo dingun provetcho,

            Su IJO S-r. Refael ke estava, komo eskrevano en la kanselaria de el Djuzgo, kon la paga de 60 groches al mez, i siendo ke non li kijeron pujarle si salio, de este empeigo kon la entision ke kon esto li ivan a pujar foe la una razon i la otra es ke si kijo azer nastoinik porke la paga era mas grande, i tambien bivir en el kampo, por tomar el aver mas limpio ke estava endo mui flako, solo

383                           Biografia de H. Avramatche R. Arie kon su IJO S-r. Refael,                      1868

i por esto ke estava el dija entero eskriviendo, i el padre non estuvo kontente de esto ke si salio, i ansi foe ke kedo unos koantos mezes en vazio, i el padre li parisio de boeno de ir ande el Kaimakam, por rogarle a ke, lo resivieran de moevo, porke el koal ja era mui amigo sijo [sujo], ke lo izo esto i li foe, ma sigun ja lo tengo eskrito ke H, Avramatche, gaguijava, i el kaimakam tambien era ke gaguijava, i en sus linguajes ke tuvieron li dicho el kaimakam, bbbbbben ne japa bbbbbbbbilurum,(jo loke li poedo azer, ) i H. avramatche tambien komo i el gaguijava, li respondio, aaaaaaamam efendim ridja eee eeederim,(aman S-r, vos rogo)i el kaimakam parisiendole ke si esta burlando, li dize sen beni maskara edejorsun,(ti estas burlando de mi) ke este linguaje de esta forma lis turo algo de tiempo, lo todo kon ke todos los doz ivan alargando las primeras palavras, ke a los kavos lis salio a ravias, i lo dio al djuzgo a H. Avramatche, sovre ke si burlo de el kaimakam, i H. Avramatche mizmo ke li kijo azer saver porke era i el ansi gago, non lo kijo kreer, i sovre esto komo el kaimakam ja tenija el poder de meter a la persona en prezo doz 24 oras foe ke lo metio en prezo, i denpoes para darsen a entender, kalio ke foeran sus parientes, i lo soltaron ma H. Avramatche, ja estuvo en prezo i S-r. Refael kedo tambien un poko de tiempo en vazio i denpoes en su tiempo sus parientes lo mandaron a las vignas de radoil^[41], komo Nastoinik, ke ja iva a estar el padre en el maaden de radoil, i las pagas ja eran mas grandes sovre todo ke tenijan a 90 okas de karne al anio i aparte todas las otras komanias, ke esto si

384                           Biografia de H. Avramatche R. Arie kon su IJO S-r. Refael,                      1868

lo resentaron kon el kasap, sovre la karne ke resivija el padre 90 okas i el IJO 90 okas ke lis jevaran en kada semana a sus kaza a 4 okas i en el maden ke kalija ke uvieran 30 kavras mundjideras, por tomarlos la letche, para sus kondutcho i de los lavoradores, i por los musafires ke vinijan al maaden ke devijan de mantenerlos lo azijan ke la letche ke sovrava la koajavan kezo i la batijan en manteka i se la mandavan en sus kaza, ke esto ja era lo todo para ejos, i aparte tenija kon el kahvo i sukar, todo loke sovrava era para los nastoinikis, i ansi era ke tenijan mas muntcho konto en esto i ejos si vinijan a kaza el uno un Chabad i alhad i el otro al otro Chabad ke kada uno tenijan sus kavajos a sus dezpozision i el nastoinik de el maden tenia aparte su ajudador, ke era el taendji^[42] i lo sirvija tambien i al Nastoinik,

            En el anio de 5629, ke H. Avramatche ja foe Nastoinik en el maden de raduil ke era el primo maden (fabrika de fiero) i sigun ditcho mas antes ke su IJO S-r, Refael tambien ja estuvo en las vignas, lo ivan entre los dos pasandolo mui kontentes, ke lo mas de las notches durmijan i komijan en el maaden porke era mas mijor, i tambien ke avijan siempre musafires, i al taindji lo mandavan por ke durmiera en las vignas i este lo azijan a la eskondida, aun kon todo ke la responsabilidad, era de el Nastoinik ma non meravan fin

385                           Biografia de H. Avramatche R. Arie kon su IJO S-r. Refael,                      1869

a este grado porke seja el maaden komo tambien i las vignas ja eran de sus primos ermanos, i non si espantavan de nada porke dinguno non tenija el animo de tokar en los bienes de los sarafes, ansi era i por todo modo de koza, ke esta enfloensa ja la tuvieron en Samokov de koando uvo nombre de arie, fin al dija ke estuvimos,

1. Avramatche sigun ditcho antes ke ja iva a estar en el maden foe ke ja estuvo, i si lo avinijan kon su IJO ke estava en las Vignas, i lo ivan pasando, porke H, Avramatche ja lo konosija este ufisio mui bien, i tambien ke savija admenestrar, i a los lavoradores los savija mui bien guijar, ke koando tanto presto non lo askutchuan era ke los harvava, i muntchas vezes los lavoradores seravan la fabrika i se vinijan a kecharsen a Samokov, i kalija ke viniera i el tambien por djuzgarlos, i sigun ke ja es mui bien savido ke el Nastoinik va a ser el deretcho, era ko [ke] los akavidavan i se ivan de moevo, al lavoro, i esto lo kavzava por ke era mui serbez i non si espantava de dinguno, i tambien ke li plazija mui muntcho komandar, ke muntchas vezes ke sus primos li davan ordenes kon kartas sovre la manera de el enkamenamiento de la Fabrika, i ke iziera algunos trokamientos, i H. Avramatche a tan presto ke non era sigun su plazer lo azija ke tambien serava la Fabrika i se vinija todos ejaos [ejos] kon los lavoradores, a Samokov i enpesava a araviarse, ke non lo estan dechando libero i devista ja dava la demision, ma siendo ke en medio de el etcho otro non lo resivija era ke lo dechavan al sujo pareser i non li avlavan nada, i muntchas vezes tenijan grandes danios, solo

386                           Biografia de H. Avramatche R. Arie kon su IJO S-r. Refael,                      1869

a razon ke era persona de grande konfiensa, i ke lo kirijan muntcho bien, era ke si reivan i lo mandavan porke iziera, sigun su pareser, i de esta forma foe kontinuando algo de tiempo en el etcho de el maden i tambien ke pudo amontonar algo de moneda,

            Foe en un dija ke H. Avramatche, komo estava libero, en el aver mui limpio, si salio al kampo, i se asento debacho de un arvol grande, i denpoes ke ja kanto estando solo, enpeso a pensar, por la suja vida, i ke ja esta en la edad kaje de 50 anios, i toda su vida a nasido fin agora siempre moso i lo todo kon i protejo, esto lo izo uno ir en sus penserios, i de esta manera lo foe kontinuando unos koantos dijas, ke non savija koalo rijir, ke adetras de estos penserios, era ke non estava pudiendo merar tambien los entereses de la Fabrika, esto lo foe, muntcho apretando ke el IJO S-r. Refael ke lo via ansi siempre pensativle, li dicho porke trokara esta edeja ma una vez ke ja si li envestio, esto foe ke a los kavos iva jorando, i kon una ditchizion ke si tomo entre si, lo izo ke si foe a Samokov, i lis konto a sus primos esta suja ditchizion, i ke li resivieran la demision, ke el si keri ir de Samokov, i merar aver, de azer algun negosio en otra sivdad, i kon esto poedi ser si li trokara el mazal, i sus parientes, ke non li podijan dizir la kontra, travandosen ke non seja ke li pareska, ke non keren su boen avenir, foe ke li dicheron ke aga sigun lo kero, i koanto a la demision ja si la resiven, i si era ke lo keria avista, ke foera i ke entregara, los kontos a el molla Mehmed, el nastoinik de las 3 vignas de mahale Jovan

387                           Biografia de H. Avramatche R. Arie kon su IJO S-r. Refael,                      1869

i su IJO S-r. Refael ke lo ramplasara, a el Molla Mehmed, i H, Avramatche, kontente de esto, partio sin tadrar mismo en akel dija a Radoil por vija de Mahale, ke era una lichura de 2 oras, i kon el orden ke si jevo lo tomo al Molla Mehmed, i li entrego los kontos i de mizmo lo izo i kon su IJO S-r. Refael i H. Avramatche se vino a Samokov, ma su IJO non estuvo kontente, de esta etcha, i de esto foe ke S-r. Refael non kijo vinir muntcho tiempo a Samokov, ke ja savija ke non tenija bastante de moneda para sostenerse seja a el por el vijaje komo tambien para dechar en kaza el menester de sus mantinimiento, i ansi foe ke denpoes ke estuvo un sierto tiempo en vazio i pensando, de non tadrar, lo izo ke partio, i si foe a Sarai Bosna ke en esta sivdad ja tiene estado en el tiempo de el padre, i arivando en Sarai, si foe unos koantos dijas kamenando, i se iva mas muntcho sikilijando porke non estava topando nada koalo azer, i lo poko de paras ke si avija jevado, tambien si li ivan eskapando, ke en kaza kale dizir ke apenas loke lis decho foe una mui tchika suma, koanto el menester de apenas por un mez, era ansi ke si ivan de todas 2 partes, sufriendo, ke esto li turo de 6 7 mezes, i a los kavos ke ja non li kedo paras torna lis eskrivio a sus parientes, porke li mandadan unas koantas paras, ke tambien non topo etcho i ke ja si kerija venir, i estos ultimos por non decharlo sufrir li mandaron kon kundision ke si devija de vinir, a Samokov, a razon ke en kaza estavan muntcho sufriendo, mizmo ke ja tenijan el kargo siempre por ejos, de mizmo era ke sufrija tambien i su IJO S-r. Refael, por la

388                           Biografia de H. Avramatche R. Arie kon su IJO S-r. Refael,                      1864

karga ke si li kargo a el por toda la kaza, i kerija de mizmo apartarse, ke esto ja lo izo mas tadre.

            En el anijo de 5630, ke H. Avramatche estava dainda en Sarai, su IJO non pudo rejevar, a detener la kaza entera, porke dicho mi Padre, en tantos anios, ke sirvio, siempre foe en un karar ke non amato ni asendio^[43] i siempre esperando a los protejos de el otro i jo este siendo lo mizmo komo el katir kuiruk^[44] ke ni uzanir ni kianir, (enchemplando ala kola de la mula, ke ni se alarga ni se akurta) i koza ke va a salir non es si lo dicho a la madre, i eja en tal porke el IJO tenga boeno, lo alesensio, i se salio, de kaza, i en mizmo tiempo tambien era ke en algunas kozas ke kudijava a la kaza de la madre, es aki la okazion de eskrivir sovre la Bu. Revkutcha, algunas kozas, sovre el grado de la pasensija ke tenija, de poder somportar tantas sufriensas, i non azerlo saver a dinguno, i es ke mi ermana Bu. Buhurutcha, ke tambien estava en kaza aparte de su esfoegra, i era ke morava vizina a la ditcha Bu. Revkutcha, i komo su tija ke era ke koando non tenija koalo azer, se iva a su kaza, i en la una vez ke li estuvo, la topo a su Tija ke estava komiendo, i eja kijo presto levantarse, i se avregonso, ma la Bu. Buhurutcha, non la decho levantar, i vido ke la kumida ke estava komiendo era ke en un platiko de baro de kolor vedre, avija un poko de azeite, ke paresija komo

389                           Biografia de H. Avramatche R. Arie kon su IJO S-r. Refael,                      1870

ke relombrava un espejo, i en su mano tenija un pedaso de pan apetado i mui moreno, komo ke non era tanto kotcho, ke este modo de pan es de arinas de karamuk^[45] ke la venden los moleneros, de loke siernen los trigos de los klientes, i el karamuk, kon el trigo menudo ke kae al presipio, es de los molineros, i lo venden a presios mui baratos kijendo dizir ke foe i la Bu. Revkutcha ke merko de estas arinas i estava komiendo, i la Bu, Revkutcha li amostro el pan a la Bu. Buhurutcha i li dicho jo non regreto, sovre ke esto kumiendo este modo de pan, porke esto jo de el DIO, lo demandi, koando mi esfoegra, mi maltratava, i muntchas vezes ke mi harvava i el pan kon javo^[46] lo serava, i de mi marido me izo aboreser, i mas todos los males ke poeden aver todos sovre mi kavesa ja pasaron, sigun ke ja lo savech, mui bien, i de dija i de notche al DIO rogava, i dizija, pan de tiera komere i de mi marido kichta sere, i na ke agora, de mi marido ja so kichta, i el pan de tiera lo esto komiendo i aki joraron todas las 2, i la Bu. Buhurutcha si salio kon las lagrimas en los ojos i si foe ande la kaza de su S-ra madre la Bu. Bulisu, ke non la topo en kaza ke estavan, en vijita, ande la Bu. Amadutcha, de Tchelebi Gavriel, la Familia entera, kon entrar de la poerta ke ja la vieron ke tenija los ojos abufados de jorar, aun kon todo ke li demandaron unas koantas vezes la razon al presipio, eja non kijo deskuvrir por non desgustar ma mas tadre eja lo dicho ke vinija de ande la S-ra Tija la Bu. Revkutcha i lis konto todo loke vido sigun eskrito ariva, i todo el linguaje ke lo tuvieron, i de sintir esto a todas ejas

390                           Biografia de H. Avramatche R. Arie kon su IJO S-r. Refael,                      1870

lis vino la mas grande jelor, i al punto se buzdijo la vijita, en diziendo la una jo tengo un tendjere jeno de tchitcharos de pato ke son medios, apurados, i la otra dicho ke jo tengo un tendjere de kezo fresko, i la otra dicho ke eja li va a mandar 2 sakos de arina, i la otra ansi otro modo de koza, i se levantaron, i de vista kada una li mando esto ke lo pudo, i en mizmo tiempo tambien la foeron a vijitarla i para dizirle ke non devija de travarse, i sufrir fin a este grado, i ala notche, ke ja vinieron i los ombres si lo izieron saver tambien i a ejos porke ejos non savijan de loke si pasava en todos los tiempos, ke ala manijana i ejos tambien li mandaron todos koal moneda i koal komanija i lenija ke ja foe todos los karos de la abacharon, en su kaza la lenija ke la traivan de el kuri^[47] (FORE^[48]) en kada tadre, kon sus karos, i ala notche li foe la Bu. Revkutcha ala kaza de la Bu. Buhurutcha, a darle las igrasias, i mas non es el menester de eskrivir ke kada meldador ja si ase una edeja, ke esto era kaji siempre ke li arivara koando el S-r. de H. Avramatche, en el mas tchiko tiempo, ke estava sin el empeigo.

            I mas tadre ke ja vino de su vijaje, porke non topo nada en koalo entremeterse, foe avregonsado unos koantos dijas, el lo dizija ke la razon ke non topava etcho en otro lugar era porke kada uno li dezija vos ke ja tenech, tantos parientes poderosos i ke tienen tantos etchos, non devech de buchkar en otro lugar etcho i el todo aun kon todo ke lis kontava, non li era bastante i ansi era ke lo aserkavan solo i solo para el pasa tiempo,.

391                           Biografia de H. Avramatche R. Arie kon su IJO S-r. Refael,                      1870

            En este anio ke Tchelebi Abraam I, ja si espartio de los IJOS de su ermano Tchelebi Jeuda, foe ke lo tomaron los ditchos IJOS a H. Avramatche, komo enspektor, para ke admenestrara, en los 2 maadenes de Radoil i en los 2 maadenis de Kiostendja, i en el Tchiflik de la Bana, i su asiento era en la Bana, i en las vignas de mahale, i de Radoil ke ja estava su IJO, s-r. Refael non kijo resivir por enkamenar a esto, porke non estavan de boenas kon su IJO, i sovre esta ditcha mision, si resivio a enkamenar, kon ke javava todos los kontos i li pagavan a 500 groches de paga al mez, i su mantinimiento ja era de el Tchiflik, komo ajudador, tenija una otra persona, Turko i un kavajo a su despozision, i ansi foe kontinuando, kon ke raportijava en kada semana, en Samokov todas las operasienes etchas en todas estas fabrikas i en el Tchiflik, i kon esto ja foe ulvidado todo lo pasado, seja en kaza las mujeres komo tambien i ejos los ombres,

en este anio li nasio a su IJO S-r. Refael un IJO en su kaza ke ja estava aparte de su padre, i de mizmo todos los parientes lo vijitaron, i tambien izieron todos los uzos, ke si azijan kon todas las paridas, i lo jamaron Gavriel, ke es este el S-r. Gavriel ke estuvo en la echkola de agrekoltura, i este mizmo el primer, ke enpatrono los 200 dekares^[49] de tiera en la kolonija de RICHON le SIJON i este foe el primer, de el LINAJE de H. Refael, ke alkanso la endependensija, enteramente, ke si jevo a la Familia suja entera a esta kolonija, sigun ke ja lo tengo de eskrivir en la partida sujas mas adelantre, de koala manera lo alkansaron,

392                           Biografia de H. Avramatche R. Arie kon su IJO S-r. Refael,                      1871

En el anio de 5631, su IJO el tchiko M. David, ke ja era mas grande, kontinuava la echkola, i en estos tiempos ke ja si avrio tambien, i la echkola de la alijansa jsraelid, por el Franses, foe i el tambien uno de los primeros elevos de esta echkola, el por si ke ja era mui entelejente, si enbezava las liksiones, mijor de todos los otros, i koanto por el menester, de livros i de papel i otros ansi i por los vistidos, era ke si li dava de la echkola al konto de la Baronesa de Hirch, ke si lis soltava, una sierta suma,

            en la kaza ande morava ja li era mui tchika, i tambien ke estava estroida, i por el envierno non estava entrando kaintura, i mas repozado ke ja estava, si penso entre si por demandar de todos los parientes, porke li izieran un enprestimo, de 50 a 60 liras por merkarse gaire una kaza i bivir komo un Arie, ke esto lo penso i sin tadrar, izo un kombite a todos sus parientes, Aries, i lo kombedo tambien i a S-r. Mairutcho Alkalai, ke el koal era su koniado, i todos ke ja asistieron a este kombite, foe ke lis dicho en kurtas palavras ansi: jo vo lo rengrasio por esto ke ja mi komplitech, mi dezejo de vinir a la mija jamada, es agora de dizirvos, ke ja estach todos aki i jo tambien kero tener una kaza para bivir i kero ke mi emprestech todos vozotros, kada uno esto ki lo plaze, i mas non vos digo nada, ke si lo topach de djusto eskrivivos en este papel ke lis metio de delantre, i ejos todos ke si meraron de el uno al otro, foe ke el uno de ejos si eskrivio 6 liras, i detras ansi todos koal 5 i koal 6 liras, si foeron eskriviendo i se rekojo toda la suma 60 liras, ke en

393                           Biografia de H. Avramatche R. Arie kon su IJO S-r. Refael,                      1871

esta mizma adjunta si dedjizo ke si merkara la kaza ke el la iva a kerer i si en kavzo non abastesija la suma rekojida ke la ivan a adjustar, i el dokumento ke devija azerlo al nombre de S-r. Mairutcho, kon ke li tomaron tambien i un uvligo de este ultimo sovre ke la ditcha kaza apartenija a el patronaje de H. Avramatche, denpoes H. Avramatche, si topo a merkar una kaza por 45 liras, ke era serka a el KAAL viejo, vizina a la kaza de S-r. Nisim B. Moche, ke es esta ultima kaza la ke moro toda su vida el S-r. Abraam I ke vino a Samokov, i de la suma de moneda ke li sovro de las 60 liras lo izo una tchika reparasion, i se merko algo de mobilia, i mui gustozo de esta merkida, (ke sus parientes se gustaron mas muntcho ke a el ) i se paso en eja, i bivio toda su vida en esta kaza, i en esta kaza murio, i la fin de esta kaza ja lo van a meldar mas denpoes,

Mi parese de boeno azerlis saver tambien por los parientes ditchos ariva, ke son solo estos de los vinientes, solo de el Linaje de Hr. Tchelebi, i los parientes ke tenija de los otros linajes non tomaron dinguna parte en esta merkida,

Su ermana la Bu. Bulisu, li foe un dija a su kaza i li dicho vos agora ke ja estach resentado i patron de kaza ke ja vos izitech, vos rogo porke kudiech tambien i por mi Behoratche, ke esta sin etcho, i este ultimo es jerno de Tchelebi Abraam II. i H. Avramatche sin muntcho kalkular, si foe en el mizmo tiempo deretcho ande Tchelebi abraam i li dicho ke ja abasto estuvo Behoratche Ailaz i ke miro de azerlo enbeveser en alguna koza, i el enbivisimiento ke

394                           Biografia de H. Avramatche R. Arie kon su IJO S-r. Refael,                      1871

foera porke lo mitiera torna en butika, i en akel tiempo komo no si platikava muntcho por ansi tchikas kozas, foe ke li dicho va bien azeldo vos este etcho i ke si asente torna en butika, i lo jamo su TIO el ditcho H. Avramatche, i lo akavido komo patron, i li dicho dikat etmez isan duverim seni ha,(si non metes bien tino ti harve jo ati ha) en ansi kozas tambien si enbevisija en los 2 dijas ke estava en Samokov, i tambien si iva a los lugares ke avija kantar para enbezarse kantikas moevas,

            Seja el komo tambien i su IJO kontinuavan sus mision, ke lis era konfijada kon muntcha atansien, i non si dechavan por nada avregonsar,

En el anio de 5632, H. Avramatche, non estuvo mas en el etcho de los maadenes, i otros de el anio pasado, otro ke si lo tomaron serka de ejos, ke son los IJOS de Tchelebi Jeuda, ke eran Haverim todos 4 ermanos, S-res, mochonatche, davidtchonatche, naimatche, ke estava en Kostan i Chemoelatche, para prontarlo mas muntcho en alguna operasiones, de el bankerlik, aun kon todo ke ja las konosija, i li davan sumas grandes de bechlik, para ke lo javara, por las Sivdades deredor de Samokov, i ke lo foera trokandolo por oro, i en mismo tiempo remitija el oro en grupos kon la pochta, a Kostan, a la kaza de Banka ke ja la tenijan ejos ke estava S-r. Naimatche, komo derektor

395                           Biografia de H. Avramatche R. Arie kon su IJO S-r. Refael,                      1872

en esta Banka, i en este tiempo ke azia estas operasiones, era tambien ke merkava i muntchas valutas, seja de oro komo tambien i de plata i las mandava las unas a Kostan i las otras a Selanik, ke esto lo izieron kon la entesion ke kerijan avrir ansi una kaza en la Makedonia, para estas operasiones, i H. Avramatche ke ja era persona de boena konfiensa, i estas kozas ja las konosija mui bien, i en este tiempo era ke lo mandavan tambien i muntchas vezes koando era el menester de el etcho de los maadenis, i ansi en los etchos de los Hachares, i algunas otras misiones, porke siempre ja tenijan el menester de ansi personales,

            Su IJO S-r. Refael tambien ke estava en las vignas, non kijo mas estarse, ke i el tambien, azija ke tomava bechlik i lo trokava, ande estos ke devijan dasios, i estos ke devijan tambien por los Hachares, otros devitos,^[50] a el governo, el ditcho S-r. Refael ke ja tenija el kredito en todos los Bankeres, era ke lo tomava estos Bechlikes en un presio fiksado por el tiempo de 31 i de 41 dija, por entregar el oro, ke para poder konsumir mas grande suma, era ke lo dava i el tambien a fijado, si entiende kon el presio de el ajio mas konvenivle, ma esto non lo pudo kontinuar, arazon ke era grande riziko, ke si en kavso non li pagavan era ke el non podija responder, i ansi foe ke siendo lo azija a la eskondida, i koando ja lo supieron de esto ke lo estava aziendo foe ke mas non lo akreditaron, iva aziendo ansi otros saraflikes, ma era mui tchika las ganansijas, i esto por vija de el Padre ke lo ajudava, de la moneda ke tenija, de los

396                           Biografia de H. Avramatche R. Arie kon su IJO S-r. Refael,                      1872

IJOS de Tchelebi Jeuda, ke el ditcho S-r. Refael sigun ke ja tengo eskrito i mas antes ke su edeja era siempre de lavorar por si mizmo ke foera kon istretchura, i el padre li dizija, ke esto ja lo izo el muntchas vezes prova i non pudo reuchir ni en la una vez, ma tu si es ke lo reuches jo mi vo a gustar, i esta konversasion ja la tenijan mizmo i los vinientes de el linaje de Hr. Josef, ke i ejos era lo mizmo, i non podijan topar el sikrito, sigun ke ja lo van a meldar mas adelantre, komo de S-res eran en djeneral todos, ke non avija por koalo ke foera ansi, era ke kedavan solo kon dizir, MAZAL

sigun mi es ke jo tambien kreigo en esto de el Mazal, ma non es bastante kon decharlo solo al dizir Mazal sirija poedi ser, ke si keri merado al ke es detras de mozotros, i non merar al de adelantre de mozotros, ke ja es verdad ke algunos karakteres, non lo poeden somportar, ma esto es ARIE, i viene a ser ke algunos poeden sufrir, i esto es loke algunos, buchkaron de decharlo a Samokov, i todo el ke lo izo esto reucheron, i non komo sigun tengo eskrito ke algunos de los mansevos de agora dizen, ke si keri depidrido el nombre de ARIE para arivar, komo una persona, adetras ke [de] este nombre de Arie foe alkansado mui maravijozamente, ke este ja lo eskrivi en oja N. 130, de esta Biografia, i para averdadijarlo ainda mas esta grande maravija, lo demostro tambien i aki ke lo kopyi de el livriko ke eskrivio, el afamado GRAND RABINO de BULGARIA Dr. MORDEHAI GRINVALD, en el anio de 1894, a razon de la estrenadura, de el KAAL KADOCH, de Vidin ke estuvo i el tambien, a la estrenadura, ke foe en

397                           Biografia de H. Avramatche R. Arie kon su IJO S-r. Refael,                      1872

el anio de 5654 ke lo fragoaron de moevo, en ser ke la KEILA, ke tenijan de antes, era la mas rika i ermoza, de todas las KEILOD, de la Bulgaria, ke foe kemada en el anio de 5638, en el tiempo de la guera Turka-Russa, i entre los muntchos linguajes ke tuvo el ditcho Dr. Grinvald, estorikos por la komunita Djudija de Vidin, avlo tambien i por moestra Familia ARIE, ke lo kopio de la enskripsion de un Paruhed^[51] de el tiempo viejo, lo siguiente:

EU HEVRA KADICHA CHEL KAAK KADOCH VIDIN JAA,^[52] AROFE AMUVAK HAIM DAVID BAHAR GAVRIEL, VE AGUEVIR JEUDA CHEMO, VE AGUEVIR HAIM JOsef kapon, VE ANAVON JSHAK ALCHEH, VE ANAVON JSHAK ARIE,(12, VE ANAVON ABRAAM BAHAR ALSAFAN ALEVI, ANAVON HAIM BAHAR ABRAAM, ANAVON JOSEF BAHAR JAAKOV, VE AMICHTADEL.-

12) el orijen de esta Familia, es sigun las enformasiones ke djo MAALAD Hr. JOMTOV LIPMAN Br. MENAHEM SONS, en su livro entitolado, ZUR GESCHICHTE UND LITERATUR (BERLIN 1845) pajina 205 es de Paris (Francia) de RIBI JEUDA AHASID, el koal en el XIV, sieklo foe gran Rabino de paris, la palavra"ARIE" mizmo es una abriviatura de los RACHE-TEVOD, Adonenu Rabenu Jeuda Ehasid-la Familia ARIE, la koala egziste ainda oi en las komonedades: Vidin, Samokov, Smirna, Turno-sevirin i posida un arvol geneolojike de 140 anios, el koal publikaremos si la okasion si prezentara, remarkamos ainda, ke egziste dizde el XVI sieklo una Familia afamada MICHAAR ARIE, en Italia, jamada Porta-Leona (Portaleone). i es esto loke tenemos resivido mozotros, ke moestra Familia, devino aser [a ser], solo por esto ke foe jevado de el Leon sovre

398                           Biografia de H. Avramatche R. Arie kon su IJO S-r. Refael,                      1872

su ombro, a un miembro, de la Familia moestra i lo jamaron ARIE, i esta Familia de Italia, ke si nombra Portaleone, ja lo podemos dizir por verdad, ke son tambien i ejos de la familia moestra, ke sigun ke agora si esta espandiendo la Familia ARIE, en muntchas sivdades de el mundo, foe tambien i en akel Sicko [sieklo] ke si espartio el uno or mas muntchos de ejos i kaeron en Italia, i se jamo ala lingua de el estado, non abasto solo LEON ma lo izo propio de jamarse de la manera ke devino aser [a ser] la alkunia, ARIE, i esto ja seria tambien demostrasion para akel ke lo va a meldar de el prisipio aparte ke non si deve de krier, va aser i ke si va i a reir, en diziendose ke es koza enposibele, a tiempo ke ja meldamos en las estorias de todas las nasiones las maneras i modos de pasajes mas maravejozos de estos i damos kreditos, ke foeron en los tiempos, antigos es ke i esto tambien devemos de dar mui bien kredito, i sovre la abreviatura de el Rabino Jeuda Ahasid, ainda devemos de darle una mas grande enportansa, ke el koal tambien es de la mizma Familia ARIE, i se lo vistijo, la alkunia ARIE, kon los RACHE-TEVOD en su nombre mismo de el koal era entitolado, de los Fransezes, kon 6 sieklos mas antes, de agora, es ainda ke ja ai i otras provas ma non serija el menester mas de ir eskriviendo porke non si eskapasion, i es de mui bien guadrarla i detenerla kon muntchas seraduras, ansi una tan presioza DJOJA,

399                           Biografia de H. Avramatche R. Arie kon su IJO S-r. Refael,                      1873

            En el anio de 5633, sigun ke lo eskrivi en los pasajes, de el anio pasado, por H. Avramatche, ke lo estuvieron prontandolo sovre ainda mas en algunas de las operasiones, de el Bankerlik, por la entision ditcha, foe ke en este anio ke ejos los IJOS de Tchelebi jeuda, ja lo pronto el etcho S-r. Naimatche ke era el Derektor de la Banka ke la tuvieron avrido en anio pasado, en kostan, lo mandaron a H. Avramatche, a Ichkodra, (Skutari^[53] de Albani) Kon ke si konvinieron kon una paga mas grande de la ke resivija mas antes, i foe ke siendo para este lugar tuvieron sumas mas grandes de havales, ke era esta sivdad, el Vilaet^[54] i para azer los kovramientos, kalija ke uviera una persona siempre, i en este tiempo tambien tenija ke dava i polisas por la suma de moneda ke si remitija a Kostan, de el vilaet entero ke la manera de las havales i esto de las polisas ja lo tengo eskrito komo era, i la moneda ke resivija era ke la iva trokando por oro i la remitija a Kostan en grupos kon la Pochta, i la suma de las Havales ke tuvo foeron serka 40 jukes (un juk es 100 mil groches) i aparte, tuvo tambien esti karar de suma de polisas ke iva dando i mas tenija tambien ke resivija i la moneda de los komertchos, ke i por esto tambien dava polisas, i entre esto azia i algunos otros saraflikes lo todo por konto de la Banka de Kostan, la firma ke su jevava era Avraam Arie, ke sovre loke lis kalio ke jevaran este modo de firma uvieron unas demandas, ma non si pudo saver la razon, i en okazion kaminava tambien i en las otras sivdades ke eran deredor de el Chkodra lo todo por este modo de saraflikes, i siendo ke en estos

400                           Biografia de H. Avramatche R. Arie kon su IJO S-r. Refael,                      1873

lugares si avla lo mas muntcho en arnautesko, foe ke si enbezo i a avlar tambien i en este linguaje, sovre todo i el kantar ke es enteramente deferente, de el kante moestro, ke koando vino a Samokov era ke a los presipios kantava lo mas muntcho en arnautesko, i mos iva kontando las vidas de los arnautes, por la fortaleza de djente ke son, ke si akechava mas muntcho de los arnautes, los Latinos, ke son katolikos, i son los mas de ejos djente matadores, i se matan de los unos a los otros, i revatadores los bienes de ken topan i non ai ken los poeda a ejos kondinar, i estos son los ke pagan al Governo Turko solo a 30 paras al anio por dasio i mas non rekonosen nada,

            Su IJO S-r. Refael, era ke de mizmo kontinuava, en algunos tchikos saraflikes, i tambien en algunas kumisiones i mas tadre si foe por los kazales kon algunos merkaderes de la merkansija de kesos i los entchija en tulumes ke los mandavan a Kostan, i esto era de 2 a 3 mezes, ke si lavorava i se ganava el mantinimiento de la enviernada entera, i kudiava tambien i por la kaza de el padre, i en vezes koando non podija sostener su kaza era ke is iva a la kaza de el Padre i si estava fin ke topava i el a ganar, ke sus parientes, kerijan ke si foera kon ejos i ke ja li ivan a amostrar algunos etchos ma sigun ke ja lo eskrivi mas antes ke la edeja de este S-r. Refael foe siempre a non ser moso, i en este tiempo kamenavan djuntos kon su primo S-r. Refael el IJO de H. Elijatchuno, por los pazares, i en algunas mejanas ande abachan los kazalinos, i lis vendijan sus artikolos ke traivan al pazar i ke non los podijan venderles, i eran

401                           Biografia de H. Avramatche R. Arie kon su IJO S-r. Refael,                      1873

ejos ke lis buchkavan muchteris, i se los vindijan, i lis kovravan la komision, ke de esto ja tenijan alguna ves ke ganavan bastante boeno, i tambien los 2 djuntos kaminavan muntchos dijas por los kazales i merkavan gainas i goevos, i otras ansi kozas i las traivan al pazar de Samokov i lo vendijan, era de esta manera ke foeron en este tiempo lavorando, i era siempre ke si ivan a pie, i los mas muntchos kazalinos ja los konosijan i koando vinijan a Samokov los buchkavan porke lis eskaparan algunos etchos, ke ejos non los podijan, eskaparlo, i lo mas muntcho era ke kerijan kuras, ke si aferavan de las hazinuras de mujeres, ejos si avregonsavan de ir por los medikos i otros ke avija ke davan kuras por ansi hazinuras, ke entre estos medikos era tambien i S-r. Behoratche el IJO de H, Rabenutcho, ke savija azer estas kuras, i de koala manera las azija en su partida ja lo tengo de eskrivir, i estos S-res Refael era ke la tomavan estas kuras de S-r. Behoratche, i ganavan todos los 3,.

En el anio de 5634, H. Avramatche por los presipios era ke estuvo tambien en Chkodra, lo todo kon el etcho de las havales i los otras operasiones, ma mas tadre ke ja eskapo de kovrar las havales ke era lo enportante, se vino a Samokov, i li turo longo tiempo fin ke pudo entregar los kontos a razon ke ke non era solo de Samokov ke si governava otro ke era tambien i de Kostan i por kada

402                           Biografia de H. Avramatche R. Arie kon su IJO S-r. Refael,                      1874

koza era ke si li demandava, i si esperava la repoesta, ke en este tiempo H. Avramatche, estava sin dingun etcho, i estava komiendo de lo pronto i lo todo foe ke las profitos, de los etchos ke izo en chkodra, non foeron tanto favoravles,

            El IJO tchiko m. David, ke estava en la echkola, iva en sus estudios mui adelantre, i era mui entelejente, sus djenetores, i todos sus parientes, lo aregalavan en todos los puntos, el non se iva a djugar kon los otros IJIKOS, otro ke estava en kaza dijas enteros por enbezarse las liksiones de a la maniana, ansi era ke i el profesor tambien lo amava mui muntcho,

            I en este anio tambien li nasio a S-r. Refael el sigundo IJO ke kon el koal tambien lo izieron sigun de todas las paridas i lo jamaron Chemoel, ke i este S-r. Chemoel koando arivo en la edad si foe i el tambien serka de su ermano S-r. Gavriel a Richon lo Sijon, i todos las 2 foeron los ke tuvieron las tieras en la kolonija de RICHON LE SIJON, i djuntos las lavoravan,

1. Avramatche, en este tiempo ke estava sin etcho, si auno kon su IJO S-r. Refael i merkaron sal i otras kozas ansi de bakalie i avrian sergui en los pazares i vendijan a los kazalinos, en detalio, i tambien su IJO si javava tcharas por los kazales, i tambien lis javava enteris algodonados, i otras ansi kozas a los kazalinos, ke lo mas muntcho era a el kazal de Vakarel^[55] ke iva i de esto tenija ke ganava mas mijor de los otros artikolos, i las venditas ke azija era lo todo kon trampa, ke lis dava los ditchos vistidos i lis tomava

403                           Biografia de H. Avramatche R. Arie kon su IJO S-r. Refael,                      1874

en paga trigo i otros artikolos de los kazalinos i esto ke tomava era ke lo traiva al pazar i lo vendija, i de esta manera foeron kontinuando algo de tiempo, solo ke H. Avramatche esto li vino mui pezgado para azerlo i ansi foe ke se iva aflakando i li dicho al IJO ansi ben bu ichi japamajadjamoglum, (mi ijo jo este etcho non lo vo a poder azerlo,) i se iva a la kavane i estava pasando la ora kon los Turkos ke lis kontava mil modos de kozas de todos los logares ande tenija kamenado, i todos los turkos ke lis plazija muntcho su avla li ivan enkomendando kahves i de algunos lis tomava i moneda enprestado koando tenija el menester, i tambien lis eskapava algunos etchos ke tenijan en la plasa, porke los turkos a la persona ke lis plaze buchkan para azerlo ganar, i muntchos dijas se iva ande la ermana la Bu. Bulisu, i si estavan oras enteras kontandosen pasajes viejos i en el lingoaje ke tenijan si akodravan de las kantikas ke kantava el Padre i las repitejavan de moevo ejos i en vezes tambien i joravan, koando estavan kantando, i muntchos dijas si kedava a komer kon la ermana, de esto ke sus parientes ja lo sintijan koando se iva ande la ermana ja lis era una sinial ke era primorozo, i ansi era ke los todos ja tenijan el kargo i li mandavan kada uno de su manera de todos los menesteres, i lo kudijavan muntcho mas de loke si poede la persona pensar, ke esto era koando non avija ande mandarlo por algun etcho, ke lo todo era poko el tiempo ki era ansi,.

404                           Biografia de H. Avramatche R. Arie kon su IJO S-r. Refael,                      1875

            En el anio de 5635, al presipio de el anio H. Avramatche estuvo malato i kalio ke estuviera en kaza, i tuvo el menester de i guadrar la kama, i esto li turo serka de 2 mezes, i a esta razon li iva kostando muntcho gaste ke era kada dija ke lo vijitava el mediko ke avija en Samokov, ke si jamava Andonake unterberg, i la hazinura ke tuvo foe, una foerte frialdad, a razon ke si iva sikilijando ke estava sin etcho i era ke li apretava mas muntcho, ma mas denpoes ja estuvo boeno, i siendo ke a los kavos non estava pudiendo estar en vazio foe ke si empeigo de moevo de mizmo ande los IJOS de Tchelebi Jeuda, i lo mandavan por los maadenes i las vignas i en el etcho de el Tchiflik de la bana, i tambien por los kazales sovre los Hachares solo ke la fortaleza ke antes la tenija en este tiempo foe mas flako, i estava mas abatido ke non tuvo mas la bives de antes, i mas non salija por las kavanes, otro ke si estava en kaza i se iva ande la ermana i kon entrar de la poerta li dezija kon boz mas alta, Hanim dudu tcheuktum ha, i eja li respondija, etma be aga, dur bakalim daha tchok ichimiz varoir, ejos bivijan kahves, i pasavan la ora siempre kon ir kontandosen de los tiempos viejos lo todo sovre trajik, i koando kantavan tambien era siempre sovre garip^[56] ke es torna trajik i de esto tambien mos enbezamos sigun ke i agora es tambien anzi [ansi] ke la mas grande partida de la familia ARIE, trava mas muntcho sovre el trajik, ke esto kada uno de la Familia ARIE, ja si lo aze prova en si mizmo, ke si en la mansevez alguno ke li plazera el kumik koando

405                           Biografia de H. Avramatche R. Arie kon su IJO S-r. Refael,                      1875

ariva, en una sierta edad, mas ja non keri ni sintir los pasatiempos de el komik, ke esto ja lo eskrivi mas antes ke el karakter de ARIE es siempre sovre el trajik, ke esto non es solo en los ombres es tambien i en las mujeres, la ke es de sangre de arie, i ansi lo pasavan en este tiempo, ke esto lo azia koando estava libero de el etcho, i su mujer la Bu. Revkutcha iva ande sus parientes, i lis dizija porke la jamaran i a eja koando tenijan algunos etchos de kaza seja en algunas bodas or bien paridas ke la jamaran i a eja, ke i eja agora ja esta libera, i keri ajudar en koalo foesa ke esto al presipio si travavan de jamarla, ma koando eja ja lo kijo, era ke la jamavan tambien i a eja, ke esto en la familia ja avia okaziones de kaje kada dija, i koando vinija era mui muntcho bien pagada, koza ke si topava mui bien kontenta, sobre todo ke era konsiderada komo parienta, i eja ke ja era mui jakichiklija, ke li venija de la mano todo modo de koza, i era mui repozada i mui respektioza,

            Su IJO el S-r. Refael en este anio si asento en una butika i vendija arinas, ke tomava los trigos a fijado por kurtos tiempos i los azija moler, i los iva vindiendo, kon tchikas ganansias, ke esto era lo mas muntcho ke vindija solo en los dijas de el pazar, a los kazalinos, i algo entre la simana a los sevdadinos i mas tadre enpeso a vender tambien i salvado ke lo tomava de el molino moevo, ma esto era solo lo mas muntcho denpoes de el mas [mez] de marso, i mas tadre vendija tambien torna la sal, de mar i kozas de frutas, sekas, el si levantava mui demaniana, por toparse en la butika mas antes de los

406                           Biografia de H. Avramatche R. Arie kon su IJO S-r. Refael,                      1873

otros vindidores de estos artikolos, porke los lavoradores azijan sus emplejos demaniana, i ansi era ke ja si topava kontente, i lo iva pasando lo todo kon muntcha ikonomija,

En el anio de 5636, a razon ke avija enpesado los solivantamientos, de los Bulgares, las kumitas ke ja si avijan espandido muntcho, i los Sirbos, ke ja estuvieron mobijizados, por deklarar la guera kontra el Turko, foe ansi ke los etchos todos estuvieron mui kurtos, i ansi foe ke H. Avramatche tambien non tuvo dingun etcho, i ansi foe tambien ke iva sufriendo por su mantenimiento, ke era siempre ke lo ivan regalando sus parientes, i esto era ke kada uno tenija el kargo en kada semana de kudijar por el ke non solo las mujeres era tambien i los ombres, ke li mandavan kada uno en kada dija de djueves prezentes en moneda i de komanija, i mas tadre la komonita de Samokov, li nombro una sierta semanada, por ke foera kantador en el KAAL, solo por los dijas de Chabatiod, i de los Moadim, i entre la semana ke foera a la echkola, a 2 oras al dija, i ke los enbezara a los elevos a kantar ke esto li foe mui plaziente arazon sigun ke ja lo saven ke su kerensija era siempre sovre el kantar, i las liksiones ke dava en la echkola era solo de los PIZMONIM ke ja los konosija kaje todos, i esto foe ke los elevos kantavan tambien en el Kaal en los dijas de moadim i Chabatijos i koando avijan

407                           Biografia de H. Avramatche R. Arie kon su IJO S-r. Refael,                      1876

algunas bodas, ke lo resento komo un koor, i kantavan mui agradavle, su IJO el Tchiko M. David ke era tambien elevo en la echkola ke el koal tambien konosija el kantar, sigun de toda su Familia, era el mas grande de todos i ala kavesera, ke muntchas vezes li ketava jeros i a el padre sovre algunos mekames, i en este tiempo tambien ja si estava prontando el ditcho M. David ke se iva a ir a Paris, a la Echkola de la alijansa Jsraelid, ke los resivija sin dinguna paga, i los enbezava, i los prontava para profesores, de sus echkolas ke las sostenija la aliansa, a sus pastes^[57] en las muntchas sivdades de la Turkija sigun ke avija tambien i en Samokov, ke foe una de las primeras echkolas de koando la aliansa enpeso a avrir por la Turkija ke sovre esta echkola ke si avrijo en Samokov mas adelantre ja lo tengo de eskrivir de koala manera es ke vino arivar a ke si avriera tambien i en Samokov,

            Koanto a el S-r. Refael su IJO el grande, era de mizmo ke kontinuava, en los negosios de mas antes ma sigun ditcho ke en esta aniada foe mas apretada era ke i el tambien sufrija algo ma i kon el tambien ja tenijan el kargo todos sus parientes, i non tenija el menester ke foera ajudado de dinguno otro, el era mui penador, sin ke si kansava, i a dinguno non si demostrava koando era menesterozo, sigun los karakteres de toda la Familia ARIE, ke koando tenija el menester ja si aderesava el mizmo ande alguno de sus los mas serkanos parientes i se enprestava, la suma ke demandava, ke esto ja si lo dizijan siempre por ke non si travara, de demandar de los parientes

408                           Biografia de H. Avramatche R. Arie kon su IJO S-r. Refael,                      1876

ke esto non es vergoensa, sovre todo ke non lis aze onor koando si aderesa ande el otro ke non es pariente, i era ansi ke si pasavan i entre los parientes, S-r. Rafael era una persona mui repozado i mui bonatcho, el era flako, su vistido era de pantalon, de un kurto paltiko por el enverano i por el envierno de un godro palto kapladijado de samara de kodrero preto i mui limpio, su barva era kurta i non si la kirkijava, su vista era biliodo^[58], komo amarijo, tenija unas koantas pekas en la kara, amarijas, avlava mui repozado ke un poko gaguijava, tenija unas avlas mui grasiozas ke azija mui muntcho reir savija kontar muntchas konsejas, i belmedjes^[59], el non frikontava ande sus parientes muntcho aun kon todo ke lo jamavan, loke dizija era ke si vergonsava, ma su mujer venija siempre ande todas sus parientes, ke eja non si avregonsava i era bien resivida de todas las parientas, la kaza ke morava era en la kalejika, ke es la kaza de Konorte B. Chelomo, ke moro en eja muntchos anijos, fin ke si foe a Richon le sijon, i pagava a 100 groches por kira a el anio,

En el anjo de 5637, ke ja foe la guera Turka-Rusa, por la Bulgarija, i el espanto komo foe mui muntcho grande, i non keri ditcho ke los etchos tambien foeron enteramente, detinidos, i siendo ke todos sus parientes estos ke lo sostenijan a el ditcho H. Avramatche, si avian enpesado a ir a Kostan, i kada uno koando se iva ja

409                           Biografia de H. Avramatche R. Arie kon su IJO S-r. Refael,                      1877

li enkomendava a su reprezentante ke iva a kedar en Samokov, por ke kudjara, sovre todos los puntos, por todos los parientes sovre todo por H. Avramatche, i ansi lo izieron los IJOS de Tchelebi Jeuda ke resto en Samokov sus ermano el tchiko S-r. Chemoelatche, i Tchelebi Abraam, tambien ke lo decho en su lugar a S-r. Behoratche su jerno, i S-r. Behoratche de Tchelebi Gavriel ke lo decho a su konfedente personal S-r. Josefatche Levi, todos era ke li mandavan dekontino todos los menesteres, ma el foe mui deskorajado, en esta okazion espantandose ke non iva aver ken iva a kudijar por el, i ansi era ke lo iva diziendo, muntcha djente, na ke agora ke ja si foeron todos los parientes mijos, es ke para ami mas vida non mi kedo, i enpesava a kantar, ke esto li kavzo un abatimiento i era ke dija kada dija se iva apokandose, i mas non kijo estarse entre la djente, ke si en kavzo sus parientes lo savijan ke estava en este grado iva aser tan kolai ke lo traivan tambien i a el a Kostan, ke non kostava nada, ma non uvo ken ke si los iziera saver, i en este anijo el espanto alos kavos non uvo, ejos en este tiempo si rekojeron kon su IJO S-r. Refael en una kaza, ke su IJO tambien de lo poko de algunos tchikos etchos ke azija, traiva i el tambien a kaza esto ke lo podija, i el padre non mirava, ni lo apretava koando non traiva, ejos estavan merando porke si foera mas antes su IJO el Tchiko a Paris, sigun ke ja lo eskrivi, i mas tadre ja partio vija de Kostan ke si foe tambien i M. Gavriel el IJO de S-r. Nesimatche, ke el koal ja estava en Kostan, i partieron djuntos, de los elevos de Samokov, ke ja avijan i

410                           Biografia de H. Avramatche R. Arie kon su IJO S-r. Refael,                      1877

de otras sivdades, de esto ja foe gustozo, en este tiempo ke los Rusos, eran en Plevna, i el Gazi Osman Pacha ke si estava bien ditiniendose, era H, Avramatche, ke lis iva ande los Tchorbadjis, i lis dizija, guadravos mui bien porke los Turkos, vos estan tiniendo i a vozotros por komitas, sigun ke a S-r. Hristo Srebenisa, ke era el mas grande Tchorbadji de Samokov, lo metieron en prezo komo komita i foe H. Avramatche ke salio fijansa i lo soltaron, ke esto li ajudo denpoes muntcho seja a H. Avramatche komo tambien i a su IJO S-r. Refael ke lo regalava en muntchas kozas,

Ejos todos los 2 seja el Padre komo tambien i el IJO, non foeron devdores en la plasa, ke esto tambien lis era un grande repozo, i siempre si dizijan de el uno al otro, si zahmet ja estamos travando por el mantenimiento al menos ja non tenemos, ken ke mos demande algunas devdas, en la kaza ke morava, si avija etcho harap  i foe sus suvrinos S-res Behoratche i Nisimatche, ke li mandaron a un dulguier porke si la reparejara algo, i de esto tambien foe mui kontente, ke ja era la kaza suja,

            Su Suvrino S-r. Behoratche ke era nastoinik en el maaden de Sesrima de su Esfoegro, tchelebi Avraam, arazon ke algunos kozas de los etchos de la Fabrika non los konosija tanto bien S-r. Behoratche, i esto porke el maaden estava pidiriendo muntcho fiero en el odjak, foe ke si lo jevo a H, Avramatche a Sesrima, i lo detuvo serka un mez fin ke lo pudo resentar, i esto foe en sikreto porke non li era onor, para el nastoinik, i H. Avramatche ke ja era mui bien

411                           Biografia de H. Avramatche R. Arie kon su IJO S-r. Refael,                      1877

maestro, de este ofisijo, lo podo traer a ke non uviera piedritas i denpoes ja foe kamenando boeno, i se vino H, Avramatche a Samokov i por su paga li dio 3 kantares^[60] de fiero, ke es una valor de 450 groches, ma H. Avramatche non foe kontente,.

            En el anio de 5638, su IJO el tchiko M. David sigun eskrito ke si avija ido a Paris, foe ke M. Ben-venista, ke era el derektor de la echkola de Samokov, non los izo prontar, i en Lachon Akodech, sigun el program de la alijansa Jsraelid, esto mizmo foe i kon M. Gavriel, ke partijo de Kostan ke foe tambien prontado de la Echkola de Samokov, ke el koal tambien non estava pronto en el lachon Akodech, i ansi foe ke non los kijeron resivir i los estavan boltando atras, ke de esto H. Avramatche si sekilijo mui muntcho, porke era de el ke tenija la mas grande esperansa por el sujo avenir, ke sovre esto foe S-r. Mochonatche ke ja estava en Kostan i prekuro muntcho kon muntchas rekomendasiones ke tomo de S-r. Bloh, i de S-r. Venezijani ke los koalas eran el uno derektor de todas las echkolas de la alijansa de Kostan i el sigundo ke ja era prezedente por goadrar los enteresos de la alijansa, para Kostan lo pudieron azer a ke entraran todos los 2 en la echkola de la alijansa de el digdug^[61] en Paris, i ansi foe ke frikontavan en 2 echkolas un sierto tiempo fin ke vinieron en el grado de tomar, tambien i el sirtifikato menesterozo

412                           Biografia de H. Avramatche R. Arie kon su IJO S-r. Refael,                      1878

por entrar en la Echkola de Pedagogi de la aliansa por salir profesores, para sus echkolas ke las sostenija la alijansa seja en la turkija komo tambien i en otros lugares, i sigun ke ja foe ansi i en su tiempo todos los dos salijeron kon los mas mijores deplumas i todos los 2 de mizmo foeron derektores, en las mas grandes echkolas i kon las mas altas pagas, solo ke H. Avramatche non tuvo la ventuna de verlos, ke murio antes ke viniera de Paris,

            En este anio ke, ja vino el Ruso a Samokov, i siendo ke el espanto foe mui grande, lo koal ke non uvo del entodo nada, ma ejos muntchos dijas non salieron a la plasa ke aparte ke si iva sikilijando ke estava sin etcho, era ke si iva mas muntcho apretando por el sujo avenir i este tambien de su IJO S-r. Refael ke sigun ditcho ke de parte, sus parientes todo lo menester siempre ja era, ke li ivan mandando, i en este tiempo el frio foe mui grande, i por mas mijor en asara be Tevet, izo Taanid, i la tadre si foe ande su ermana la Bu. Bulisu para Bozdijar el Taanid, i komio kezo kon biskotchada, ke esto foe ke li bozijo i kon venirse en kaza ja li dicho a su mujer la Bu. Revkutcha fena im (esto negro) ke de esto si etcho en kama i una semana ke estuvo hazino solo un apokamiento ke tuvo i al 18 Tevet murijo, ke foe para todos la mas grande dolor sovre todo a todos los parientes ke estavan en Kostan lis foe mas muntcho de todos, ke sigun ja meldaron mas antes ke este S-r. de H. Avramatche era el mas Kichto de todos los parientes, kale dizir tambien ke si dezkurajio mui muntcho de koando si li foeron sus parientes,

413                           Biografia de H. Avramatche R. Arie kon su IJO S-r. Refael,                      1878

ke non mos kale pensar, ke si espanto por su pasadija, solo otro ke soroja^[62] [serija] poedi ser i por ke la persona koando bivijo kon su parientes muntchos anios a los presipios, li viene mui pezgado, por resentar, kon djente moeva su vida, sigun kontavan ke non tuvo mas la gana de aserkarse a dinguno, otro ke lo mas muntcho lo pasava solo en kaza, su IJO S-r. Rafael ke ja estava en la kaza de su Padre foe ke resto tambien para siempre en esta kaza djuntos kon su madre, i en el ke kudijava por la kaza entera, ma sufrio alos presipios, por el sostenimiento de la kaza,

414                                         VIDA DE PROTEJO

Visto a la vida de H. Avramatche, es de regretar, ke bivijo toda su vida, solo de el protejo de los sujos parientes, ke de todo, loke sakrifiko, i buchko para azer por su konto, non pudo reuchir absolutamente en nada, denpoes ke ja lo izo muntchas veses prova, ansi foe ke a los kavos, mas non buchko, para lavorar por su konto en nada, i era solo i solo lavorar por los kontos de el otro, el era una persona mui entelejente i mui kapatche, ke por koala mision ke si li konfijava, el ja li vinija de la mano para reintchirla, i de nada non si avregonsava, ke era mui korajozo, i mui liberto, solo ke a los kavos foe mui deskorajado, i esto foe lo ke li kavzo la moerte, es ke en la vida la persona tiene unos trokamientos, i es kavzante de meter la fin en su vida, son estos enchemplos ke la persona kale ke tanto presto non si lo tome la koza fin al kavo.

415

Fin aki se eskapa la partida de la Biografia de H. Avramatche, i de algunos pasajes de su vida ke foe apenas 50 anios, i murio.

416

De aki i endelantre si enpesa las partidas de la biografia, de los 2 IJOS de H. Avramatche, ke son S-r. Refael i M. David, fin a el tiempo ke estuvieron djuntos,